Fréttablaðið - 06.05.2004, Síða 8

8 6. maí 2004 FIMMTUDAGUR
■ Írak
RÁÐIST Á SKRIÐDREKA
Tveir Palestínumenn komust upp á ísra-
elskan skriðdreka þegar Ísraelsher réðist
inn í Deil al-Balah á Gaza í gær. Þei reyndu
að losa eina af byssum skriðdrekans.
ALÞINGI Ef atvinnuleysisbætur
hefðu numið 75% af fyrri tekjum
hins atvinnulausa, en þó aldrei ver-
ið lægri en bæturnar voru á síðast-
liðnu ári og aldrei hærri en 375
þúsund, hefðu heildargreiðslur
vegna atvinnuleysisbóta hækkað
úr um 3,8 milljörðum króna í um
níu milljarða, eða um 137%. Þetta
kemur fram í svari félagsmálaráð-
herra við fyrirspurn Helga Hjörv-
ar, Samfylkingunni, um kostnað
við atvinnuleysisbætur og nemur
aukningin um 5,2 milljörðum.
Í útreikningum Vinnumála-
stofnunar, sem fer með daglegan
rekstur atvinnuleysistrygginga-
sjóðs, var byggt á heildarfjölda
greiddra atvinnuleysisdaga árið
2003, en þeir voru samtals
1.159.806. Greiðslur á dag voru
3.574 krónur, miðað við fullan
bótarétt, og nam heildarfjárhæð
bóta um 3,8 milljörðum. Spurt var
meðal annars um það hver kostn-
aðurinn hefði verið ef bætur
hefðu verið greiddar fyrstu þrjá
mánuði atvinnuleysis. Í svarinu
segir að ríflega þriðjungur at-
vinnuleysisdaga sé innan þriggja
mánaða frá fyrsta degi atvinnu-
leysis. Samkvæmt því hefðu
heildargreiðslur vegna atvinnu-
leysisbóta hækkað úr tæplega
fjórum milljörðum í um 5,6 millj-
arða, eða um 48%. ■
Snýst ekki um persónur
heldur grundvallaratriði
Menntamálaráðherra segir flesta sammála um nauðsyn lagasetningar um eignarhald á fjölmiðl-
um. Fólk eigi rétt á að efast um umfjallanir fjölmiðla um fyrirtæki í eigu sömu aðila.
FJÖLMIÐLAFRUMVARP Það gilda allt
aðrar reglur um fjölmiðla en
önnur fyrirtæki, sagði mennta-
málaráðherra á hádegisfundi
Landsnets sjálfstæðiskvenna í
Iðnó í gær.
Þorgerður Katrín Gunnars-
dóttir sagði að fjölmiðlar væru
fjórða valdið. Þeir hefðu aðhalds-
hlutverk fyrir stjórnmálamenn en
ekki síður fyrir þau valdamiklu
fyrirtæki sem nú séu á markaðn-
um. Hún sagði markaðsráðandi
fyrirtæki geta orðið aðhaldslaus
eigi þau fjölmiðla.
„Hvergi nokkurs staðar í hin-
um vestræna heimi fyrir finnst
þvílík staða eins fyrirtækis á
markaðinum, hvort sem það er á
dagvörumarkaði, blómamarkaði
eða öllum öðrum verslunarrekstri
eins og hér,“ sagði Þorgerður
Katrín.
Hún sagði frumvarpið ekki
beint gegn einu tilteknu fyrirtæki
heldur væri verið að setja al-
menna rammalöggjöf til framtíð-
ar. Löggjöf sem snúist um að auka
fjölbreytni í eignarhaldi. Hún
snerti eðli málsins samkvæmt það
fyrirtæki sem væri mest áberandi
á frjálsum markaði.
Þorgerður sagðist hafa spurt
sig hvort hún og félagar hennar
hefðu verið þau einu sem teldu lög
um eignarhald á fjölmiðlum nauð-
synleg og svarið væri nei. Flestir
væru sammála því grundvallarat-
riði að markaðsráðandi fyrirtæki
í samfélaginu sem eigi fjölmiðla
gætu haft áhrif á til dæmis um-
fjöllun um þá sjálfa.
Máli sínu til stuðnings benti
Þorgerður á gagnrýni fjölmiðla á
uppstokkun í heilbrigðiskerfinu á
sama tíma og eigandi þeirra sé
einnig aðal eigandi lyfjafyrir-
tækja í landinu.
„Ég er ekki að segja að
fréttaumfjöllunin litist af eigend-
unum en þar eru tengsl sem eru
mjög óæskileg. Við höfum rétt til
þess að efast um að umfjöllun
fjölmiðla sem eru í eigu fyrirtæk-
is sem á gríðarlegra hagsmuna að
gæta á lyfjamarkaði sé með öllu
móti eðlileg. Það væri miklu
heppilegra að slíkir aðilar kæmu
ekki að rekstri fjölmiðla.“
Þorgerður sagðist ekki getað
svarað því hvort hún sæi fyrir sér
breytingar á fjölmiðlvarpinu.
Hún sagði það ekki vera hlutverk
ráðherra að segja hvernig breyta
ætti frumvörpum þegar þau væru
komin til lýðræðislegrar umfjöll-
unar og meðferðar á Alþingi þó
þeir gætu vissulega haft sínar
skoðanir á því.
gag@frettabladid.is
GÆÐAVARA –
BETRA VERÐ!
LEIÐANDI Í LÆGRA DEKKJAVERÐI
JEPPADEKK • FÓL KSBÍLADEKK • JEPPADEKK • FÓLKSBÍLADEKK • JEPPADEKK
Við erum
snöggir
að umfelga
TUTTUGU FALLNIR Í það minnsta
tuttugu bandarískir hermenn
hafa fallið í Írak það sem af er
mánuðinum. 20. hermaðurinn
sem lét lífið í mánuðinum féll í
árás vígamanna sjíamúslima á
eftirlitsstöð Bandaríkjahers
nærri borginni Karbala.
HALDIÐ Í GÍSLINGU Fjórir ind-
verskir verkamenn segja að þeim
hafi verið haldið í gíslingu á
bandarískri herstöð í Írak. Þeir
segjast hafa verið ráðnir til vinnu
í Kúveit en síðar fluttir nauðung-
arflutningum til Íraks af banda-
rískum hermönnum.
FIMMTÁN FÉLLU Í það minnsta
fimmtán íraskir andspyrnumenn
féllu í bardögum við bandaríska
hermenn á nokkrum stöðum í
Írak í gær.
LEGGI NIÐUR VOPN Hópur um
500 leiðtoga og framámanna með-
al sjíamúslima hvatti klerkinn
Muqtada al-Sadr í gær til þess að
leggja niður vopn og yfirgefa
borgina Najaf. Barátta al-Sadr og
stuðningsmanna hans gegn
Bandaríkjaher hefur staðið yfir í
um það bil mánuð.
Kostnaður atvinnuleysisbóta miðað við 75% af tekjum:
Bætur hefðu hækkað
um níu milljarða
FR
ÉT
TA
B
LA
Ð
IÐ
/P
JE
TU
R
ALÞINGI
Helgi Hjörvar, Samfylkingunni, spurði félagsmálaráðherra um það hverjar heildargreiðslur
ríkisins vegna atvinnuleysisbóta hefðu orðið, ef bæturnar hefðu numið 75% af fyrri tekj-
um hins atvinnulausa. Samkvæmt svari ráðherra hefðu greiðslurnar hækkað um 137%.
Sprengjuleit á fyrrverandi æfingasvæði varnarliðsins:
Rúmlega þúsund
sprengjur hafa fundist
ALÞINGI Utanríkisráðherra grein-
di frá því á Alþingi í gær að vel á
sjöunda hundrað sprengna hefðu
fundist við sprengjuleit Land-
helgisgæslunnar frá árinu 2002,
á fyrrverandi æfingasvæði varn-
arliðsins á Suðurnesjum sem tek-
ið var til leigu á sjötta og sjöunda
áratugnum. Margar af sprengj-
unum hafa ekki sprungið, en
sumar lentu undir yfirborði og
eru með árunum að koma upp
aftur.
Jón Gunnarsson, Samfylking-
unni, spurði ráðherra meðal
annars hve miklu fé hefði verið
varið til sprengjuleitar á fyrr-
verandi æfingasvæði í Vatns-
leysustrandarhreppi og hver ár-
angurinn hefði orðið. Jón benti á
að yfir 600 sprengjur hefðu
fundist í leitum árið 1986 og
1996. Utanríkisráðherra sagði
að frá árinu 2002 hefði Land-
helgisgæslan haft yfir að ráða
sérstöku tæki til að leita að
sprengjum undir yfirborði.
„Frá þeim tíma hefur Land-
helgisgæslan eyðilagt 129 virkar
sprengjur í Vatnsleysustrandar-
hreppi. Við Stapafell hafa fundist
um 300 sprengjur frá árinu 2000
og á gömlu æfingasvæði suður af
Njarðvík er gamalt æfingasvæði
og þar hafa fundist yfir 200
sprengjur frá 2002. Þá hafa jafn-
framt á gömlu æfingasvæði við
Kleifarvatn fundist um 20
sprengjur frá 2000.,“ sagði Hall-
dór Ásgrímsson. ■
ÞORGERÐUR KATRÍN GUNNARSDÓTTIR
Menntamálaráðherra og hópur sjálfstæðiskvenna fóru yfir fjölmiðlafrumvarp stjórnarflokk-
anna á hádegisfundi í Iðnó í gær. Þorgerður Katrín sagðist ekki telja að frumvarpið bryti í
bága við stjórnarskrána.
SPRENGJULEIT
Fram kom á Alþingi í gær að frá árinu
2002 hefði Landhelgisgæslan haft yfir að
ráða sérstöku tæki til að leita að sprengj-
um undir yfirborði. Kostnaður vegna leitar
á æfingasvæðum varnarliðsins á Suður-
nesjum er áætlaður um fjórar milljónir.
Útvarpsráð
barn síns tíma
Pólitískt skipað útvarpsráð erað mínu mati barn síns tíma,“
sagði Þorgerður Katrín Gunnars-
dóttir á fundi Landsnets sjálf-
stæðiskvenna. Hún segir að end-
urskoða þurfi hlutverk ráðsins.
„Ég tel að það eigi að treysta
þeim sem fara með það vald að
vera framkvæmdastjórar og dag-
skrárstjórar. Það er þeirra að
ákveða hverjir koma til starfa hjá
Ríkisútvarpinu.“
Þorgerði Katrínu sagði það um-
hugsunarvert að fyrirtæki sem
væri rekið fyrir 1,3 milljarða
króna gæti ekki skilað hallalaus-
um rekstri. Hún sagðist telja að
Ríkisútvarpið ætti að geta skilað
góðu dagsverki og dagskrá fyrir
slíka fjármuni.