Fréttablaðið - 06.05.2004, Page 49

FIMMTUDAGUR 6. maí 2004
SMS
um nýjustu plöturnar
Kill Bill Vol. 2: Original
Soundtrack
„Þannig er andrúmsloft seinni Kill Bill
plötunnar jafn ólíkt fyrri plötunni og
myndirnar eru ólíkar. Hér eru lögin ró-
legri, yfirvegaðri og svalari. Þrjú lög eftir
Ennio Morricone sem setja eiginlega tón-
inn fyrir alla tónlist myndarinnar. Tar-
antino hefur sagt að fyrri hlutinn sé „aus-
tri“ og sá seinni „vestri“. Tónlistin
smellpassar við þessar lýsingar, en ein-
hvern veginn tekst honum að finna vest-
ræn lög með austrænum áhrifum.“ BÖS
Todmobile: Sinfónía
„Þetta er kraftmikil plata sem þó nær einnig
að tifa á léttu nótunum með fallegum sin-
fóníutengingum á milli laga. Þá miklu
stemningu sem fylgir því að sjá Todmobile á
tónleikum fær maður hér beint í æð auk
þess sem óperuskotin rödd Andreu Gylfa-
dóttur á vel við í þessu umhverfi. Sinfónían
og Todmobile smellpassa sem sagt saman
þó svo að samstarfið komi best út í elstu og
jafnframt bestu lögum sveitarinnar. Flott
plata þar sem Todmobile sannar í eitt skiptið
fyrir öll að þar fer tónleikasveit í hæsta
gæðaflokki.“ FB
Cannibal Corpse: The
Wretched Spawn
„Textarnir eru, eins og alltaf hjá Cannibaln-
um, í sjúklegri kantinum enda hefur það
verið stefna þeirra frá upphafi að syngja
um neikvæða hluti sem nýtast hlustand-
anum á jákvæðan hátt samkvæmt liðs-
mönnum. Með þessari plötu er mönnum
gert ljóst að þrátt fyrir að æðið fyrir
dauðarokki hafi runnið sitt skeið, þá er
nóg að gerast í tónlistinni enda vinsældir
ekki mælikvarði á gæði. Dauðarokk hefur
aldrei verið sterkara en einmitt í dag. Orð
að sönnu.“ SJ
Usher - Confessions
„Það er því svolítið kaldhæðnislegt að á
plötunni er Usher að tappa af hjartans-
málum sem tengjast því flest hversu illa
hann hefur farið að ráði sínum í kvenna-
málum. Textar plötunnar eru eitt heljar-
innar samviskubit þar sem hann biður
hina einu sönnu ást afsökunar á því að
hafa haldið framhjá henni ítrekað, barnað
eina hjásvæfuna og ég veit ekki hvað og
hvað. Síðan áttar hann sig ekkert á því af
hverju hann er á bömmer!? En hversu
siðblindur sem Usher er í einkalífinu þá
hefur það ekki áhrif á tónlistargetu hans,
Confessions er hörkufín plata, og stendur
vel undir væntingum.“ BÖS
DAVID BOWIE
Gamla goðið var í góðum gír þegar þessi
mynd var tekin af honum á mánudags-
kvöldið. Þá var hann taka á móti viður-
kenningu Audi and Conde Nast
Publications fyrir ævistarf sitt.