Fréttablaðið - 22.05.2004, Qupperneq 30
3LAUGARDAGUR 22. maíl 2004
Þrátt fyrir að nú sé árstíminn sem bílar
seljast hvað best er víða hægt að gera
góð kaup á bílum. Ýmis tilboð eru í gangi
hjá umboðunum og alltaf hægt að kom-
ast að góðu samkomulagi á bílasölun-
um.
Hjá Ingvari Helgasyni stendur nú yfir til-
boð á notuðum bílum. „Þetta er tekið af
handahófi hjá okkur, mest eru þetta
fólksbílar sem eru í kringum milljónina
en lækka niður í 700 þúsund og jafnvel
meira. Það er þessi 300.000 króna af-
sláttur sem um er að ræða, en hér er
miðað við beina sölu og engir bílar tekn-
ir upp í kaupverð. Jeppar eru ekki á sum-
artilboði enda hafa þeir verið að seljast
ágætlega,“ segir Guðmundur Ólafsson
söluráðgjafi.
Guðmundur segir að heldur hafi verið
uppgangur í bílasölu undanfarið en sum-
artilboðin séu ekki árviss viðburður.
„Hins vegar eru tilboð í gangi árið um
kring á vefsíðunni okkar sem er ih.is.“
Hjá Bílamiðstöðinni fengust þær upplýs-
ingar að hjá bílasölunum væru almennt
ekki í gangi sérstök sumartilboð.
„Það er þó alltaf einn og einn bíll sem
dettur inn á tilboði,“ segir Þröstur Brynj-
ólfsson, sölumaður hjá Bílamiðstöðinni.
„Á móti er oft hægt að gera góð kaup,
því staðgreiðsluafsláttur á meðalfólksbíl,
sem kostar um það bil 700 þúsund, get-
ur verið frá 150-200 þúsund. Sumir bílar
eru þó alltaf á listaverði því þeir seljast
jafnt og þétt.“
Þröstur segist ekki hafa orðið var við
neinn samdrátt í bílasölu. „Það er meiri
eftirspurn ef eitthvað er. En það sem
selst alltaf best á vorin eru station-bílar
og sjö manna jeppar. Sjálfskiptir
dísiljeppar eru líka ofboðslega vinsælir á
þessum tíma.“
Sumartilboð á bílum:
Ódýr bíll fyrir sumarið
Víða er hægt að gera góð bílakaup.
Erlendur Egilsson, bílstjóri hjá
Sæmundi í Borgarnesi, hefur
stundað akstur í 44 ár og kann frá
ýmsu að segja. Bílarnir eru honum
meira en atvinnutæki, þeir eru
líka hans áhugamál. Hann hefur
undanfarið gert upp tvo gamla bíla
af mikilli kostgæfni, GMC trukk
frá 1942 og Ford-vörubíl af ár-
gerðinni 1946. Við erum á rúntin-
um í GMC-inum sem lítur út eins
og nýr úr kassanum og Erlendur
byrjar spjallið. „Ég fékk þennan
bíl frá Bægisá í Hörgárdal. Hann
var fluttur inn til landsins á stríðs-
árunum og var notaður sem mjólk-
urbíll fyrir norðan. Einkum í vetr-
arakstri í snjó og ófærð. Baldvin
Þorsteinsson mjólkurbílstjóri átti
hann og bara gaf mér hann.“
Erlendur segir það hafa tekið
hann fimm ár að gera
trukkinn upp í frí-
stundum en því
lauk hann fyrir
þ r e m u r
árum.
„Hann var illa farinn, eiginlega
helvíti ljótur,“ segir hann spurður
um ástand gripsins þegar hann
fékk hann í hendur. „Ég fékk tölu-
vert mikið af varahlutum frá
norska hernum, komst í samband
við klúbb í Noregi sem sérhæfir
sig í þessum herbílum og karlarn-
ir þar voru voða liprir við mig.
Svo var þetta ágæta númer laust,
U6, og ég fékk það. Það var á
svona bíl.“ Hann kveðst hafa haft
taugar til tegundarinnar. „Ég var
búinn að vinna á svona trukk þeg-
ar ég var hjá Vegagerðinni á
Reyð-
a r -
firði og líka á Ford. Annars voru
þeir að leggjast af þegar ég byrj-
aði.“
Þegar hér er komið í samtalinu
erum við að beygja inn á plan þar
sem Fordinn stendur, flösku-
grænn og glansandi, með tréskjól-
borðin sín og það er eins og hann
brosi til eiganda síns.
„Hann er nú samtíningur
þessi,“ segir Erlendur rukkaður
um sögu. „Sumt af honum fékk ég
frá Svíþjóð, annað frá Ameríku og
afganginn hér innanlands. Ég
safnaði þessu saman og lauk við
bílinn í vetur eftir
þriggja ára vinnu
við hann í frí-
stundum.“
Þetta eru mikl-
ir kjörgripir og
ekki kveðst Erlendur hafa hug-
mynd um stundafjöldann sem í þá
hefur farið, né heldur kostnaðinn.
„Ég er bara að
þessu ánægjunnar vegna og
strákarnir mínir eiga þetta með
mér,“ segir hann og lítur hlýlega
á gömlu farkostina.
gun@frettabladid.is
Frístundunum varið í fornbíla:
Mjólkurbíll að norðan og
Ford úr austri og vestri
Erlendur Egilsson við hina glæsilegu gömlu bíla sem eitt sinn þóttu stórir.
Nýr Colt væntanlegur:
Spennandi bíll
Nýr Mitsubishi Colt var frumsýndur í vor á stóru bílasýningunni í Genf. Bíllinn er
afrakstur mikillar þróunarvinnu undanfarinna ára og er sá fyrsti úr samstarfi Mitsu-
bishi Motors og DaimlerChrysler. Bíllinn fer á markað í Evrópu nú í upp-
hafi sumars og er væntanlegur hingað til lands með haustinu.
Colt 2004 er nýr bíll í mörgum skilningi, til
dæmis er útlitið gerólíkt fyrirrennaranum.
Bíllinn verður fáanlegur bæði með
bensínvél og dísilvél, beinskiptur og
sjálfskiptur
Mitsubishi Colt kom fyrst á markað
1978 og eru 800 þúsund eintök
seld af bílnum.
GMC trukkur frá 1942.
Ford-vörubíll af árgerðinni 1946.
FR
ÉT
TA
B
LA
Ð
IÐ
/P
JE
TU
R