Fréttablaðið - 22.05.2004, Blaðsíða 50

LAUGARDAGUR 22. maí 2004 37
■ VEIÐIFRÉTTIR
Ánægjuleg stefnubreyting erað verða hjá íslenskum veiði-
mönnum, varðandi stangveiðií-
þróttina. Þar er ég að tala um hóf-
semi í veiði,“ sagði Hilmar Hans-
son, formaður Landssambands
stangaveiðifélaga, í pistli á vefn-
um veiðimenn.is fyrir fáum dög-
um. Hilmar bendir á að Veiði-
málastofnun sé farin að hvetja
veiðimenn til að sleppa tveggja
ára fiskum aftur í árnar líkt og
sambærilegar stofnanir víða um
heim, nema í Noregi.
„Þó þyrftu Norðmenn ef til vill
þjóða helst að sleppa aftur stang-
veiddum fiski, því að villtir stofn-
ar þeirra eiga undir högg að
sækja,“ segir Hilmar. „Ég var
býsna ákafur veiðimaður og svo
er mörgum farið. En ég tel mig nú
vera frelsaðan mann í þeirri
merkingu að ég fæ orðið mikla
ánægju af því að horfa á silfraðan
laxinn þjóta aftur út í hyl með
sporðaköstum, þegar hann hefur
verið tældur og sigraður.“
Greinileg stefnubreyting hefur
orðið hjá veiðimönnum á síðustu
fimm til tíu árum í að sleppa aftur
fiski og hvetur Hilmar þá til að taka
höndum saman. „Hvernig væri að
íslenskir stangveiðimenn legðust á
eitt um að reyna það í sumar. Að
sleppa, þó ekki væri nema einum af
hverjum fimm fiskum sem þeir
veiddu, og upplifa ánægjuna af því
að sjá laxinn skjótast aftur út í
djúpið og fagna frelsinu.“
Í fyrra var yfir fimm þúsund
löxum sleppt aftur í veiðiárnar og
verður það ekki minna í sumar. ■
Formaður Landssambands stangveiðifélaga:
Stefnubreyting hjá veiðimönnum
Í Frakklandi er komin út ný bókum Grace Kelly. Bókin er skrif-
uð undir dulnefninu Joanne
Spencer en nokkrar vangaveltur
eru um hið raunverulega nafn.
Víst er að þarna er um nána vin-
konu Grace Kelly að ræða. Í bók-
inni kemur fram að Grace leið
eins og fanga í 235 herbergja höll-
inni í Mónakó. „Ég er eins og fangi
í gullbúri,“ á hún að hafa sagt.
Henni fannst eiginmaður sinn,
Rainer fursti, vanrækja sig og tók
nærri sér fréttir af framhjáhaldi
hans. Sagt er að Rainer hafi verið
afbrýðisamur vegna allrar athygl-
innar sem Grace fékk. Vitnað er í
einn frænda Rainers sem segir að
prinsinn hafi oft komið illa fram
við konu sína sem hafi aldrei
svarað í sömu mynt.
Grace lagði glæstan kvik-
myndaferil á hilluna þegar hún
giftist Rainer. Hjónin áttu fátt
sameiginlegt annað en góða
kímnigáfu. Hjónabandið var í
molum strax árið 1962 og tíu árum
síðar vildi Grace sækja um skiln-
að en var gert ljóst að hún myndi
missa forræði yfir börnum sínum
þremur. Hún ákvað að fresta
skilnaði þar til yngsta barnið
Stephanie væri komin á fullorð-
insár. Árið 1976 flutti Grace til
Parísar ásamt dætrum sínum
tveimur. Hún eyddi litlum tíma í
Mónakó. Spencer segir að ólíkt
Rainer hafi hún ekki staðið í fram-
hjáhöldum. Grace Kelly lést að-
eins 53 ára að aldri í bílslysi. Tals-
maður Rainers fursta hefur neit-
að að tjá sig um bókina. ■
Grace vildi skilnað
GRACE KELLY
Hún yfirgaf Hollywood til að gerast furstafrú í Mónakó en iðraðist þess mjög og vildi skilnað.
Á VEIÐUM
Jón Þ. Einarsson heldur hér á laxi sem hann veiddi úr Leirvogsá.
VEIÐI BYRJUÐ Í FISKILÆKJAR-
VATNI Veiðin er byrjuð í Fiski-
lækjarvatni í Leirársveit. Fyrstu
veiðimennirnir fengu tuttugu
fiska og margir eiga eftir að
reyna um helgina. Fiskurinn er
allavega fyrir hendi, bara að fá
hann til að taka agn veiðimanna.
KASTNÁMSKEIÐ Í HÍTARÁ Um
helgina verður Fluguveiðiskólinn
með kastnámskeið á bökkum
Hítará á Mýrum, en haldin verða
tvö námskeið, það fyrra í dag en
hið seinna á morgun. Margir eiga
eflaust eftir að nota sér það tæki-
færi að æfa köst rétt fyrir veiði-
tímann.
FRESTA RÁÐNINGU MARKAÐS-
STJÓRA Stangaveiðifélag Reykja-
víkur var 65 ára í vikunni. Um
svipað leyti ákvað stjórn félags-
ins að fresta því að ráða til sín
markaðsstjóra en nokkrir valin-
kunnir menn komu til greina.
Beðið verður til haustsins með að
ráða í það starf.
RJÚPNATALNING Á ÞINGVÖLLUM
Rjúpnatalning var á miðvikudag-
inn á Þingvöllum en ekki er vitað
hve mikið sást af fugli. Vestur í
Dölum hefur sést mikið af fugli
eins og í Búðardal, með þjóðveg-
inum út að Laugum og jafnvel
víðar. Eitthvað sem kannski
kætir ekki mikið skotveiðimenn
og þó.
ENGINN LAX Það styttist verulega
í að laxveiðin byrji fyrir alvöru
en ekki hefur ennþá frést af
fyrstu löxum sumarins. Laxinn
gæti verið kominn í Norðurá og
jafnvel víðar. Veiðimenn hafa lít-
ið séð ennþá.
Á VEIÐUM
GUNNAR BENDER
■ skrifar um veiðiskap.