Fréttablaðið - 02.06.2004, Blaðsíða 4
4 2. júní 2004 MIÐVIKUDAGUR
Ertu fylgjandi algjöru reykinga-
banni á veitingastöðum?
Spurning dagsins í dag:
Er rétt hjá Íslendingum að stunda vís-
indaveiðar á hrefnu?
Niðurstöður gærdagsins
á visir.is
36%
64%
Nei
Já
KJÖRKASSINN
Farðu inn á visir.is og segðu þína skoðun
visir.is
Deilum um forseta Íraks til bráðabirgða lauk með vali al-Yawer:
Framkvæmdaráðið hafði sitt fram
BAGDAD, AP Maðurinn sem meiri-
hluti framkvæmdaráðs Íraks
vildi sem næsta forseta landsins
var útnefndur forseti eftir að
maðurinn sem Bandaríkjamenn
vildu í embættið hafnaði því. Í
kjölfarið var samkomulag um
skipan ríkisstjórnar samþykkt
og ákvað framkvæmdaráðið að
leggja sjálft sig niður og fela
bráðabirgðastjórninni völd sín.
Forseti var loks skipaður í
gær eftir að deilur komu í veg
fyrir að það tækist á mánudag
eins og stefnt var að. Súnní-
músliminn Ghazi Mashal Ajil al-
Yawer gegnir embættinu fram
yfir kosningar, sem fara væntan-
lega fram í janúar á næsta ári.
Embættið er valdalaust en samt
var mikið deilt um hver skyldi
gegna því. Meirihluti fram-
kvæmdaráðsins vildi al-Yawer
en Bandaríkjamenn vildu Adnan
Pachachi. Al-Yawer nýtur
trausts meðal hvort tveggja
sjíamúslima og Kúrda í fram-
kvæmdaráðinu.
Óstaðfestar fregnir herma að
Bandaríkjamenn hafi um tíma
hótað því að viðurkenna ekki
skipan al-Yawer og gagnrýndu
meðlimir framkvæmdaráðsins
Bandaríkjamenn harkalega
fyrir afskipti af skipan stjórnar-
innar. ■
Orð gegn orði
Orð stendur á móti orði í rimmu Jóns Ásgeirs Jóhannessonar, forstjóra Baugs
Group, og Víglundar Þorsteinssonar, stjórnarmanns Lífeyrissjóðs verslunarmanna í
Íslandsbanka. Þeir eru ósammála um hvort Hagar hröktust frá Íslandsbanka.
VIÐSKIPTI Víglundur Þorsteinsson,
fulltrúi Lífeyrissjóðs verslunar-
manna í stjórn Íslandsbanka, seg-
ir Jón Ásgeir Jóhannesson, for-
stjóra Baugs Group, fara vísvit-
andi með ósannindi í bréfi sínu til
Samtaka atvinnulífsins í lok mars.
Jón Ásgeir talar þar um að sumir
fulltrúar lífeyrissjóðsins hafi
beitt sér gegn fyrirtækjum
Baugs. „Það er rangt að eitt af
dótturfyrirtækum Baugs hafi
nánast hrökklast úr viðskiptum
við Íslandsbanka. Hann veit sjálf-
ur um þær viðskiptalegu ástæður
sem að baki lágu,“ sagði Víglund-
ur. „Vegna bankaleyndar get ég
ekki farið dýpra í málið, en hann
getur gert það sjálfur.“
Jón Ásgeir segist aftur á móti
standa við orð sín, tiltekur að
Hagar hafi hrakist úr viðskipt-
um við Íslandsbanka og neitar
því að þar hafi legið að baki aðr-
ar viðskiptalegar ástæður.
Þarna stendur orð á móti orði.
„Þeir vita það sem til þekkja
hvernig í málinu liggur,“ sagði
Jón Ásgeir en vildi ekki tjá sig
frekar um efni bréfsins til Sam-
taka atvinnulífsins. „Þetta var
trúnaðarbréf og það verður að
segjast að bagalegt er að slíkum
bréfaskrifum skuli vera lekið.“
Jón Ásgeir telur menn al-
mennt sammála um að stjórnar-
seta stjórnarmanna lífeyris-
sjóða í fyrirtækjum sé óheppi-
leg. „Almenna reglan finnst mér
eiga að vera, líkt og í Englandi,
að lífeyrissjóðirnir láti vera að
tilnefna menn í stjórnir enda
eignarhlutur þeirra oft ekki
nema 5 til 10 prósent,“ sagði
hann og bætti við að honum
þætti eignarhlutur Lífeyrissjóðs
verslunarmanna í Íslandsbanka
hafa verið óvenjustöðugur
gegnum tíðina ef horft væri til
hreyfinga á eignarhlut sjóðsins í
öðrum félögum.
„Ósannindi hitta alltaf ósann-
indamanninn sjálfan fyrir á end-
anum,“ sagði Víglundur og taldi
hugleiðingar Jóns Ásgeirs um
fjárfestingar og hluthafastefnu
Lífeyrissjóðs verslunarmanna
byggðar á vanþekkingu. Hann
sagði enga fjárfestingu lífeyris-
sjóðsins hafa skilað jafn miklum
arði og þá í Íslandsbanka. Eins
taldi hann fráleitt að lífeyris-
sjóðir fjárfestu í fyrirtækjum,
en væru skoðanalausir þegar
kæmi að rekstri þeirra. „Það er
skylda lífeyrissjóðsins að há-
marka arðsemi fjárfestinga
sinna,“ sagði hann.
olikr@frettabladid.is
Með fölsuð vegabréf:
Sá fjórði í
varðhald
LÖGREGLUMÁL Fjórði maðurinn hefur
verið hnepptur í gæsluvarðhald
grunaður um að hafa aðstoðað þrjá
útlendinga sem eru í haldi vegna
gruns um að hafa komið hingað til
lands með Norrænu fyrir skömmu á
fölsuðum vegabréfum. Höfðu menn-
irnir þrír dvalið í leiguherbergi í
Reykjavík um hríð og er talið líklegt
að þeir hafi notið aðstoðar þess
fjórða á meðan en sá hefur verið bú-
settur hér á landi um tveggja ára
skeið. Við handtöku óskuðu mennirn-
ir eftir hæli en talið er að þeir séu
allir frá Mið-Austurlöndum þó að
vegabréf þeirra hafi verið útgefin í
Danmörku og á Spáni. ■
HÉRAÐSDÓMUR NORÐURLANDS
EYSTRA
Í dómsúrskurði héraðsdómsins kemur
fram að atburðurinn hafi átti sér stað í
partíi eftir dansleik í Tjarnarborg.
Tvö ár og tæplega
400.000 króna greiðsla:
Hnífstunga í
Ólafsfirði
DÓMSMÁL Héraðsdómur Norður-
lands eystra dæmdi mann á þrí-
tugsaldri í tveggja ára fangelsi
fyrir hættulega líkamsárás í Ólafs-
firði í desemberlok.
Maðurinn, Tómas Waagfjörð,
réðst að öðrum manni með um 34
sentimetra löngum hníf og stakk
hann í vinstri hönd. Hann hlaut 5
sentimetra langan og 5 millimetra
djúpan skurð á þumalfingur vinstri
handar og lítinn skurð á löngutöng
sömu handar. Hann var að öðru leyti
óslasaður.
Tómasi er gert að greiða tæplega
160 þúsund krónur auk vaxta, þar af
80 þúsund í miskabætur og
málsvarnarlaun verjanda síns að
sömu upphæð. ■
Ræktaði kannabis:
Átján daga
fangelsi
DÓMSMÁL Maður á fimmtugsaldri
var dæmdur í Héraðsdómi Reykja-
víkur til að greiða 80 þúsund króna
sekt innan fjögurra vikna eða sæta
átján daga fangelsi fyrir fíkniefna-
brot. Alls voru 108 kannabisplöntur
gerðar upptækar hjá manninum
sem og 3,57 grömm af kannabis-
fræjum eftir að lögreglan í Reykja-
vík hafði fengið vísbendingu um að
maðurinn seldi fíkniefni. Hann
greiðir 90 þúsund krónur í
málsvarnarlaun. ■
TRYGGVI ÞÓR HERBERTSSON
Segir hægt að koma í veg fyrir þenslu af
völdum skattalækkana.
Í lagi að lækka skatta ef
dregið er úr ríkisútgjöldum:
Mælir með
skattalækkun
SKATTALÆKKANIR Hægt er að koma í
veg fyrir þenslu við skattalækkanir
ef ríkissjóður sker niður í samræmi
við skattalækkanirnar, segir Tryggvi
Þór Herbertsson, forstöðumaður
Hagfræðistofnunar Háskóla Íslands.
Í stefnuyfirlýsingu ríkisstjórnar-
flokkanna er áætlað að lækka tekju-
skattprósentu á einstaklinga um allt
að fjögur prósent. Fella á eignar-
skatt niður og endurskoða á virðis-
aukaskattkerfið með það í huga að
bæta kjör almennings. Tryggvi Þór
segir ekki skipta máli hvar ríkis-
stjórnin byrji að lækka skatta því
allar lækkanirnar hafi sömu áhrif.
„Ef skorið verður niður í ríkis-
útgjöldum er mjög gott að fá skatta-
lækkanir. Þá mæli ég með þeim,“
segir Tryggvi Þór. ■
Hluthafafundur Flugleiða hf.
Hluthafafundur Flugleiða hf. verður haldinn fimmtudaginn
10. júní á Nordica Hotel að Suðurlandsbraut 2 og hefst hann
kl. 14.00.
Dagskrá fundarins:
1. Kosning tveggja manna í stjórn félagsins.
2. Önnur mál.
Hluthöfum er sérstaklega bent á að þeir sem hyggjast gefa kost á
sér til setu í stjórn skulu tilkynna það skriflega til stjórnar félags ins
að minnsta kosti fimm sólarhringum fyrir upphaf hluthafafundar.
Þeir einir eru kjörgengir sem þannig hafa gefið kost á sér.
Aðgöngumiðar og atkvæðaseðlar verða afhentir á fundarstað.
Stjórn Flugleiða hf.
Sala Kaldbaks í Tryggingamiðstöðinni:
Kaldbakur með mikið lausafé
VIÐSKIPTI Bókfærður söluhagnaður
Kaldbaks af sölunni í Trygginga-
miðstöðinni nam tæpum 300 millj-
ónum króna. Kaldbakur seldi
Straumi fjárfestingarbanka þriðj-
ungshlut fyrir rúma fimm milljarða
króna. Söluhagnaðurinn er frá síð-
asta uppgjöri Kaldbaks í lok mars
en heildargengishagnaður af söl-
unni er um milljarður króna.
Kaldbakur hefur selt mikið af
eignum að undanförnu og situr nú
á miklu lausafé. Stærsta eign
Kaldbaks er tæplega átján pró-
senta hlutur í Samherja, sem jafn-
framt er stærsti hluthafinn í
Kaldbaki. Vangaveltur eru á
markaði um það hvort félagið
verði leyst upp og eigendum
greitt út. Eiríkur Jóhannsson, for-
stjóri Kaldbaks, segir ekkert hæft
í slíkum vangaveltum. „Við feng-
um gott tækifæri til þess að selja
og gripum það.“ Hann segir að
salan tengist ekki á neinn hátt öðr-
um verkefnum. Kaldbakur fjár-
festi á dögunum með Baugi í
verslunarkeðjunni Goldsmiths.
Eiríkur segir ekkert launungar-
mál að Kaldbakur horfi til er-
lendra fjárfestinga. Ekkert sé úti-
lokað um innlendar fjárfestingar
ef tækifæri gefist. Þeim hafi hins
vegað fækkað að undanförnu. ■
JÓN ÁSGEIR JÓHANNESSON
Segir að betur færi á því fyrir lífeyrissjóði landsins að taka sér Eng-
lendinga til fyrirmyndar, en þar tilnefni lífeyrissjóðir almennt ekki
fulltrúa í stjórnir fyrirtækja.
VÆNTANLEGUR FORSETI
Ghazi Mashal Ajil al-Yawer sagði Íraka
þurfa hjálp fjölþjóðlegs herliðs til að
verjast óvinum Íraks.
■ LÖGREGLUFRÉTTIR
ERILSÖM HELGI Lögreglan í Kópa-
vogi stöðvaði um helgina 15 ára
gamlan dreng ásamt öðrum pilti á
bíl sem þeir höfðu tekið ófrjálsri
hendi frá móður annars þeirra. Þá
var maður handtekinn eftir að hann
braut rúðu á veitingastað og ógnaði
fólki með litlum hníf.
BÍLVELTA Bílvelta varð við Strandar-
heiði á Reykjanesbraut í gærmorg-
un. Tveir voru í bílnum og sluppu
þeir með lítilsháttar meiðsl. Að sögn
lögreglu missti ökumaður stjórn á
bifreiðinni með þeim afleiðingum að
hún valt. Bíllinn er mikið skemmdur.
FULLT UNDIR KODDANUM
Eiríkur Jóhannsson, forstjóri Kaldbaks, situr á miklu lausafé eftir mikla eignasölu að undan-
förnu. Verkefni hans á næstunni verður að finna arðsamar fjárfestingar utanlands og innan.
VÍGLUNDUR ÞORSTEINSSON
„Ósannindi hitta alltaf ósannindamanninn sjálfan fyrir á endanum.“