Fréttablaðið - 02.06.2004, Blaðsíða 38

30 2. júní 2004 MIÐVIKUDAGUR
■ FÓLK Í FRÉTTUM
Ég fékk að sjá fyrsta þáttinn ígær og mér líst mjög vel á
þetta,“ segir Klara Ósk Elíasdóttir,
ein af stúlkunum í bandinu Nylon
sem fylgst verður með á Skjá einum
í allt sumar, en Nylon-þátturinn
verður sýndur í kvöld klukkan níu.
„Fyrsti þátturinn er svolítið ólíkur
því sem á eftir kemur því þarna er
verið að kynna okkur til leiks. Þátt-
urinn byggir því aðallega á viðtöl-
um við okkur stelpurnar þar sem
við reynum að sýna fram á hverjar
við erum og hvernig við vinnum.
Framvegis verður svo meira fylgst
með okkur í daglega lífinu þar sem
við glímum við tónlistarbransann
og allt sem honum fylgir. Það verð-
ur sýnt frá því þegar við erum á
söngæfingum og fylgst með um-
stanginu sem fylgir því þegar við
komum fram.“
Klara viðurkennir að spenningur
fylgi því að taka þátt í sjónvarps-
þáttunum. „Þetta er viss opinberun
þó að við séum ekki að segja frá
okkar dýpstu leyndarmálum í þátt-
unum. Við erum auðvitað að koma
fram fyrir alþjóð og það fylgir því
athygli sem er bæði af hinu góða og
hinu slæma.“
Klara segir þær stöllur ekki
alltaf vera uppstrílaðar í þáttunum.
„Þetta er unnið í heimildarmynda-
stíl og líka fylgst með hversdags-
legum hlutum hjá okkur. Þetta er
alls ekki raunveruleikaþáttur í þeim
skilningi heldur er fyrst og fremst
verið að sýna hvað er að gerast á
bakvið tjöldin hjá hljómsveitinni
Nylon. Við stelpurnar erum að venj-
ast myndavélinni og engin af okkur
myndi nenna að vera alltaf máluð
og greidd. Það myndi taka of mikið
á taugarnar að vera alltaf að spá of
mikið í því hvernig fötum við eigum
að vera í en við erum reyndar farð-
aðar fyrir viðtölin í fyrsta þættin-
um og þegar við förum í myndatök-
ur og komum fram. Milli þess þá
erum við bara við sjálfar.“ ■
Opinberun Nylon
NYLON
Segja þáttinn um Nylon alls ekki vera raunveruleikaþátt en að þar verði fylgst með því
sem gerist á bakvið tjöldin hjá hljómsveitinni.
NYLON
KLARA ÓSK ELÍASDÓTTIR
■ Er ánægð með fyrsta Nylon-þáttinn
sem sýndur verður á Skjá einum í kvöld.
Menningarhátíðin á Grand
Rokk hefst á morgun!
Myndlistarsýning, glæpasagnakeppni,
tónlist, spurningarkeppni,
kvikmyndasýningar, gjörningur,
stuttmyndahátíð, bókauppboð,
listaverkauppboð og að sjálfsögðu tónlist
alla daga og öll kvöld!
Fylgist með á
www.grandrokk.is
Byrjaði allt í bílskúrnum
Frá því ég var lítil hef ég veriðað taka upp vélar í bílskúrnum
með föður mínum,“ segir Gyða
Ólafía Friðbjarnardóttir, sem út-
skrifaðist á dögunum sem bifvéla-
virki frá Borgarholtsskóla.
Við útskriftarathöfnina flutti
Gyða ræðu fyrir hönd nemenda
en hún var verðlaunuð fyrir best-
an árangur í faggreinum bifvéla-
virkjunar. „Ég lauk stúdentsprófi
frá Menntaskólanum við Sund
1997 og fór þá í Háskólann á Ak-
ureyri í þrjár annir og lærði iðju-
þjálfun,“ segir Gyða og bætir því
við að á þeim tíma hafi hún verið
að reyna að finna út hvað hún
vildi leggja fyrir sig. Aðspurð
hvernig ákvörðunin um bifvéla-
virkjanámið hafi verið tekin segir
Gyða Fiat-sportbíl hafa verið or-
sakavaldinn. „Faðir minn eignað-
ist ‘74 árgerð af Fiat-sportbíl eitt
árið. Hann er algjör stelpubíll,
demantsrauður, krómaður og
mjög fallegur að innan. Síðan ger-
ist það að hann bilar og faðir minn
ætlar að henda honum. Mér
fannst það algjör synd þar sem ég
hafði þurft að horfa á eftir öðrum
fallegum bíl þegar ég var lítil. Ég
sagði því hingað og ekki lengra,
ég er farin í skóla að læra að gera
þennan bíl upp.“
Gyða vinnur hjá Toyota við
söluskoðun notaðra bíla þessa dag-
ana. En ætli Gyða finni fyrir for-
dómum þar sem fáar konur eru í
greininni? „Við erum tiltölulegar
fáar miðað við heildina en við vor-
um þó þrjár sem brautskráðumst
núna. Fólki finnst frábært að ég
hafi ákveðið að feta þessa braut og
ég fæ aldrei neikvæð viðbrögð.
Það er kominn tími til að kvenþjóð-
in fari að gera eitthvað á þessu
sviði og fólki finnst æðislegt að
konur séu að feta inn á þessa braut
og brjóta upp hið hefðbundna
karlaveldi í stéttinni.“ ■
Starfsmenn hellulagningarfyrir-tækis í Hafnarfirði hafa ákveðið
að taka mjög alvarlega þá spurningu
hvort forsetinn muni skrifa undir hið
svokallaða fjölmiðlafrumvarp þegar
hann fær það til undirritunnar. Hafa
þeir því stofnað til veðmáls um hvort
verður að þessari undirskrift eður ei.
Munu Hafnfirðingar eiga á hættu að
sjá G-streng þess sem tapar veðmál-
inu læðast upp úr buxnastrengnum á
meðan hann leggur hellur í Firðin-
um. Þetta þykir til marks um að þó
svo að deilt sé um hvort forsetinn
hafi völd, þá hafi hann í það minnsta
áhrif.
■ VEISTU SVARIÐ?
Svör við spurningum á bls. 6
1.
2.
3.
Hótel Bjarg.
Brynjar Björn Gunnarsson.
Vikur.
Lárétt: 1 tignarmaður, 5 karlfugl, 6 hvað, 7
tveir eins, 8 haf, 9 rita, 10 ending, 12
samið, 13 nægilegt, 15 bardagi, 16 þráður,
18 ríki.
Lóðrétt: 1 stendur jafnfætis, 2 fá verð-
mæti, 3 sólguð, 4 stríðið, 6 ofar, 8 sjáðu
til, 11 ask, 14 fruma, 17 öfug röð.
Lausn:
Lárétt: 1jarl,5ara,6ha,7ff, 8sær, 9
skrá,10in,12ort, 13nóg,15at,16garn,
18óman.
Lóðrétt: 1jafningi, 2arf, 3ra,4baráttan,
6hærra,8sko,11nóa,14gró, 17nm.
1
5 6
7 8
13 14
16 17
15
18
2 3
11
9
1210
4
GYÐA ÓLAFÍA FRIÐBJARNARDÓTTIR
Gyða valdi bifvélavirkjun til að bjarga Fiat-sportbíl föður síns.
ÚTSKRIFT
GYÐA ÓLAFÍA
■ hlaut verðlaun fyrir bestan árangur í
faggreinum bifvélavirkjunar.