Fréttablaðið - 02.06.2004, Page 10
10 2. júní 2004 MIÐVIKUDAGUR
ALLIR DANSA SAMBA
Brasilísk kona dansar samba á götum úti í
Berlín. Þar var haldin menningarkjöt-
kveðjuhátíð um helgina og gengin skrúð-
ganga af því tilefni. Um 4.200 þátttakend-
ur frá öllum heimshlutum tóku þátt í
skrúðgöngunni.
Forseti lagadeildar Háskólans í Reykjavík:
Fortíðardraugur lagður að velli
MENNTUN „Enn einn fortíðar-
draugurinn hefur verið lagður að
velli,“ segir Þórður S. Gunnars-
son, forseti lagadeildar Háskól-
ans í Reykjavík, um lagabreyt-
ingu er varðar lögmenn. Hann
fagnar því að breytingin skuli nú
hafa verið bundin í lög og segir
mikið baráttumál í höfn.
Breytingin felur í sér að sá
sem sækir um réttindi til að vera
héraðsdómslögmaður skuli hafa
lokið fullnaðarnámi í lögfræði
með meistaraprófi eða embættis-
prófi frá lagadeild háskóla sem
viðurkenndur sé af menntamála-
ráðuneytinu samkvæmt lögum
um háskóla. Þeir sem ljúka
grunn- og meistaranámi frá laga-
deild HR hafa þar með lokið
fullnaðarnámi í framangreindum
skilningi og uppfylla því umrætt
lagaskilyrði fyrir öflun lög-
mannsréttinda.
„Við höfum ekkert á móti því
að aðrir skólar útskrifi lögfræð-
inga svo fremi sem vel er að því
staðið, þannig að uppfylltar séu
sömu kröfur og gilt hafa hér og
gilda í nágrannalöndunum,“ segir
Eiríkur Tómasson, forseti laga-
deildar Háskóla Íslands. ■
DÓMSMÁL Það er lögmaður fyrrum
leigjenda Hótels Arkar í Hvera-
gerði sem leitað hefur til dóm-
stóla vegna sölu hótelsins í febrú-
ar síðastliðnum. Salan vakti strax
harðar deilur, annars vegar milli
kaupenda og hins vegar milli
tveggja aðila, sem höfðu leigt
rekstur hótelsins, svo og annarra
tveggja sem töldu sig vera búna
að kaupa hótelið.
Forsaga þessa máls er í stuttu
máli sú að tveir veitingamenn, Óli
Jón Ólason og Ágúst Ólason, tóku
hótelreksturinn á leigu af Jóni
Ragnarssyni, þáverandi eiganda
Hótels Arkar, um mánaðamótin
janúar-febrúar. Samhliða stóðu
yfir viðræður Jóns og Jónasar A.
Þ. Jónssonar og Ívars Ómars Atla-
sonar um kaup hinna síðarnefndu
á hótelinu. Gengið var frá kaup-
samningi við þá 30. janúar. Leigu-
takarnir hófu rekstur hótelsins af
fullum krafti í kjölfarið, meðal
annars með vinnu að samningum
og bókunum. Greiddu þeir 2,4
milljónir króna í leigu fyrir
febrúarmánuð. Þeim var að sögn
jafnframt tjáð að ef kaupsamn-
ingurinn yrði af einhverjum
ástæðum felldur úr gildi myndu
þeir leigja hótelið áfram af Jóni.
Þann 23. febrúar var þeim hins
vegar tilkynnt fyrirvaralaust að
búið væri að selja hótelið þriðja
aðila, Nóa fasteignafélagi. Leigj-
endunum var gert að yfirgefa
hótelið og tók Nói fasteignafélag
þegar við rekstrinum.
Kröfur þær sem lögmaður
leigjendanna fyrrverandi leggur
fram í dómi eru þær að leigjendun-
um verði veitt umráð yfir rekstri
hótelsins og húsnæði, ásamt lausa-
fé. Jafnframt að núverandi eigend-
ur og rekstraraðilar verði bornir
út með beinni aðfarargerð. Þá er
þess krafist að þeir greiði allan
málskostnað og að fjárnám verði
heimilað fyrir kostnaði, bæði hjá
Nóa fasteignafélagi og Jóni Ragn-
arssyni, seljanda hótelsins.
Óli Jón Ólason veitingamaður
sagði við Fréttablaðið vegna deil-
unnar sem reis vegna sölunnar í
vetur að leigjendurnir myndu
verða fyrir verulegu tjóni vegna
þessa máls.
jss@frettabladid.is
Tólf slösuðust:
Tvær lestir
skullu saman
DANMÖRK Tólf slösuðust þegar
tvær farþegalestir skullu sam-
an rétt fyrir utan Holstebro á
Jótlandi snemma í gærmorgun.
Flestir farþeganna meiddust lít-
ið en tveir heldur meira þó að
meiðsl þeirra væru ekki mjög
alvarleg.
Lestirnar voru á leið í gagn-
stæða átt þegar þær lentu hvor
framan á annarri. Þær voru
hins vegar á litlum hraða og
skaðinn því minni en ella hefði
getað orðið.
Orsakir slyssins eru óþekkt-
ar en rannsókn á slysinu hófst í
gær. ■
Farið verður í alla helstu hluta stuttmynda-
gerðar þ.e. myndatöku, klippingu,
hljóðsetningu, hreyfimyndir og handritagerð.
Unnin verða einstaklings og hópaverkefni
sem miðast við að hver og einn verði í lok
námskeiðsins tilbúinn að skapa sitt eigið
meistaraverk.
Æskilegt er að nemendur hafi aðgang að
stafrænni myndbandsupptökuvél og ekki er
verra að hafa með hugmynd að handriti.
Frábær tveggja vikna skóli fyrir alla verðandi
kvikmyndagerðamenn á aldrinum 12-15 ára.
Námskeiðin eru sem hér segir:
Nr. 1 - 21. júní til 2. júlí frá 9:00 til 12:00
Nr. 2 - 21. júní til 2. júlí frá 13:00 til 16:00
Nr. 3 - 9. til 20. ágúst frá 9:00 til 12:00
Nr. 4 - 9. til 20. ágúst frá 13:00 til 16:00 Hlíðasmára 9 - Kópavogi
– hefur þú séð DV í dag?
Keflvíkingur
borgaði
nektardans
með kreditkorti
Bandaríkjahers
KJARAMÁL Lyfjafræðingafélag Ís-
lands og Samtök atvinnulífsins hafa
undirritað kjarasamning vegna
apóteka. Samningurinn gildir til
ársloka 2007.
Samningurinn kveður á um 3,25
prósenta upphafshækkun frá 1.
júní og önnur 3 prósent 1. janúar
2005. Samningsforsendur taka mið
af fyrri samningum Samtaka at-
vinnulífsins.
Lyfjafræðingar hafa samið um
tilfærslu frídaga og geta því, í sam-
vinnu við atvinnurekanda, fært
fimmtudagsfrí yfir á annan virkan
dag svo sem mánudag eða föstudag.
LYF
„Samningsaðilar eru sammála um að stuðla að aukinni endurmenntun lyfjafræðinga. Í því
skyni verði stofnaður sérstakur endurmenntunarsjóður í hverju fyrirtæki,“ segir í kjara-
samningi Lyfjafræðingafélags Íslands og Samtaka atvinnulífsins.
Lyfjafræðingar semja:
Geta fært til frídaga
EIRÍKUR TÓMASSON
Allir uppfylli sömu kröfur.
Krafa um útburð kaup-
enda Hótels Arkar
Enn er hart tekist á um eignarhald á Hótel Örk í Hveragerði. Lögð hefur
verið fram svokölluð innsetningarkrafa, sem í raun felur í sér að látið er
reyna á lögmæti sölu hótelsins. Málið er fyrir Héraðsdómi Suðurlands.
ÁTÖK UM HÓTEL ÖRK
Lögmaður fyrrum leigjenda rekstrar Hótels Arkar krefst þess að kaupendur hótelsins verði
bornir út og kaupunum rift.