Fréttablaðið - 18.06.2004, Page 23

3FÖSTUDAGUR 18. júní 2004
Leynivopnið í eldhúsinu:
Blástursofninn gerir kraftaverk
„Ég fékk mér einu sinni bakara-
ofn því mig langaði svo í nýtt eld-
hús í íbúðina mína. Ofninn var
keyptur til að hvetja sjálfan mig
áfram í framkvæmdunum en
hann var geymdur í kassa í heilt
ár,“ segir Guðjón Jónsson leik-
stjóri. „Á endanum dreif ég í að
skella upp eldhúsinnréttingu með
hjálp nokkurra vina og var ekki
lengi að þegar ég loksins fór af
stað.“
Guðjón hefur unnið sem leik-
stjóri myndbanda og auglýsinga
hjá Norðurljósum á undanförnum
árum en gekk nýlega til liðs við
framleiðslufyrirtækið Spark.
Myndbönd hans fyrir hljómsveit-
ina Írafár hafa m.a. verið tilnefnd
til Edduverðlauna og íslenskra
tónlistarverðlauna.
„Piparsveinalífið hefur að
vissu leyti heft mig í matargerð-
inni og ég hef ekki verið mikill at-
hafnamaður í eldhúsinu. Ég bý
einn og finnst leiðinlegt að elda
bara fyrir sjálfan mig. Þó hef ég
orðið töluvert duglegri eftir að
eldhúsið var tekið í gegn og nú
elda ég jafnvel tvisvar í viku,“
segir hann og viðurkennir að áður
hafi það gerst hálfsmánaðarlega.
„Leynivopnið mitt er án efa
SMEG-blástursofninn sem ég er
mjög stoltur af. Í honum hef ég
eldað frosnar pítsur með ýmsu
áleggi en svo er rauður karrí-
kjúklingaréttur í miklu uppáhaldi
hjá mér. Gummi Jó, vinur minn,
bauð mér upp á þennan rétt einu
sinni og næst þegar ég fór í búð
hringdi ég í hann og bað um upp-
skriftina. Síðan hef ég eldað rétt-
inn fyrir hann og fleiri við góðar
undirtektir. Ef maður eldar nóg af
honum er þetta kærkominn
þynnkuréttur í ísskápinn. Mér
finnst líka mexíkóskur matur
mjög góður, svona puttamatur.
Það er skemmtilegt að borða hann
á meðan maður er að elda.“ Guð-
jón segist vera mikið í einföldu
réttunum en spreytti sig á bakstri
ekki alls fyrir löngu. „Já, já, ég
blandaði eggjum og vatni við
Betty Crocker mix og skellti í
blástursofninn því vinkona mín
var að fara til útlanda. Svo var
kakan á boðstólum fyrir gesti og
gangandi, ansi góð.“ ■
Leynivopn Guðjóns í eldhúsinu er blástursofninn.
Sennilega kaupa Íslendingar ekki vín frá neinu landi í
meiri mæli en Chile. Suður-amerísk vín virðast höfða til
okkar jafnt sem töfraraunsæið í skáldskapnum. Vínin frá
Montes hafa lengi verið einhver vinsælustu vínin frá Chile
hérlendis. Um Montes-víngerðina og aðalvíngerðarmann-
inn sem fyrirtækið er kennt við, Aurelio Montes, má lesa í
vínblaði í Birtu sem fylgir Fréttablaðinu í dag. Merlot-vín
eru þegar best lætur flauelsmjúk og þægileg og víngerðar-
menn í Chile hafa náð miklu út úr þessari þrúgu, sem
hentar vel ljósu kjöti og ekki síst grilluðum fiskréttum.
Kynningarverð á grilldögum í Vínbúðum 1.090 kr.
Montes Merlot Reserve
Vinsælt Chile-vín
Vín með grillmatnum
Freixenet er stærsti freyðivínsframleiðandi heims og
þekkja margir Cordon Negro sem er auðþekkt á flöskunni
svörtu. Carta Nevada Semi Seco er einnig frá Freixenet,
framleitt samkvæmt kampavínsaðferðinni - hefðbundnu
aðferðinni eða Metodo Tradicional - en eins og öll freyði-
vín utan Champagne-héraðsins í Frakklandi nefnist það
freyðivín en ekki kampavín. Spánverjar kalla sín freyðivín
cava en orðið cava er spænska orðið yfir helli. Framleið-
endur hjuggu göng í klettabergið til þess að fá kaldar nátt-
úrulegar geymslur fyrir vínin. Þetta er hálfsætt freyðivín en
er engu að síður 11,5% að styrkleika.
Verð í Vínbúðum 890 kr.
Carta Nevada
Hálfsætt freyðivín
Vín vikunnar
Til hnífs og skeiðar
GUÐRÚN JÓHANNSDÓTTIR ELDAR HANDA
MINNST FJÓRUM FYRIR 1000 KR. EÐA MINNA.
Grillaður grísahnakki og grænmeti
Grísahnakki er mjög safaríkt og gott kjöt til að grilla og ekki sakar að
það er oft á mjög góðu tilboði í verslunum landsins. Grillað grænmeti
er frábært meðlæti með þessu kjöti. Ef ekki er hægt að grilla úti má
grilla kjöt, og grænmeti og flestan mat á grillpönnu inni við.
Útbúið marineringuna og veltið kjötinu vel upp úr henni. Mariner-
ið kjötið í að minnsta kosti 20 mínútur en allt upp í eina klukkustund.
Skerið paprikurnar í strimla, laukinn í fjórðunga og kúrbítinn í sneið-
ar eftir endilöngu. Marinerið grænmetið í 2 msk. ólífuolíu og 1 msk.
sojasósu í 10 til 15 mínútur. Byrjið á að grilla grænmetið þar til það er
fallega röndótt og meyrt undir tönn. Setjið til hliðar og grillið kjötið
fyrst á háum hita stutta stund á hvorri hlið, en grillið svo á ögn lægri
hita í um 10 mínútur, með snúningi að sjálfsögðu. Berið fram með
grænmetinu og soðnum hrísgrjónum.
Kostnaður um 1.000 kr.
4 sneiðar grísahnakki um 800 g [um 700 kr.]
Marinering:
4 msk. ólífuolía, 2 msk. sojasósa, 2 hvítlauks-
geirar, 1 msk. rifinn ferskur engifer
Grænmeti:
kúrbítur, gul paprika, rauð paprika
1 rauður laukur [um 300 kr.]
Suður-afríska vínið Roodeberg, eða rauðfjall, dregur nafn sitt
af birtunni er geislar af fjöllunum við Góðrarvonarhöfða við
sólarlag. Roodeberg er höfðingleg blanda bestu þrúganna í
Vestur-Höfðahéraði. Roodeberg hefur verið flaggskip framleið-
andans KWV í yfir 50 ár og hlotið alþjóðlegar viðurkenningar
og verðlaun gegnum árin. Vínið hefur ákafan ilm af grænum
pipar, kanil og dökkum berjum. Roodeberg er mjúkt og fágað
vín sem hentar hvað best með rauðu kjöti sem og þroskuð-
um ostum. Góð kaup á Grilldögum Vínbúða þar sem það hef-
ur verið lækkað í verði. Kynningarverð á grilldögum í Vínbúð-
um 1.290 kr.
Roodeberg
Mjúkt og fágað
Vín með grillmatnum