Fréttablaðið - 12.07.2004, Page 24

6 12. júlí 2004 MÁNUDAGUR
Fasteignasalan 101 Reykjavík
hefur nú flutt sig um set. Reyndar
hefur fasteignasalan ekki flutt sig
langt heldur aðeins rétt yfir gang-
inn í húsnæðinu að Laugavegi 66 í
Reykjavík. „Við tókum nú bara
lítið hænuskref en þetta rými er
miklu bjartara. Nú höfum við
góða glugga sem snúa að Lauga-
vegi og vinnuumhverfið er allt
miklu hlýlegra og skemmtilegra,“
segir Leifur Aðalsteinsson, fram-
kvæmdastjóri 101 Reykjavík og
sölumaður. „Við erum hérna þrír
sölumenn, einn löggiltur fast-
eignasali og ritari og okkur líkar
mjög vel hér,“ segir Leifur.
Flutningurinn var reyndar
ekki búinn að vera í bígerð lengi
að sögn Leifs. „Þetta gerðist allt
mjög hratt. Það losnaði skyndi-
lega húsnæði handan við gang-
inn sem hentaði okkur mjög vel
og þá ákváðum við að kaupa
það.“
„Það hefur gengið mjög vel
hjá okkur í sumar og við erum
mjög samhentur og góður hópur.
Það má segja að hver starfs-
maður hafi sína sérstöðu og þeg-
ar allir leggja sitt í púkk þá er
þetta frábært samstarf,“ segir
Leifur og segir að framtíðin sé
björt hjá 101 Reykjavík.
Fasteignasalan Ás er nú með
sérlega vandað einbýli til sölu að
Ásbúð 49 í Garðabæ. Einbýlinu er
vel viðhaldið og á tveimur hæð-
um. Húsið er 267,9 fermetrar með
innbyggðum 48,6 fermetra tvö-
földum bílskúr og fjörutíu fer-
metra sólskála, eða samtals 356,5
fermetrar.
Á hæðinni er forstofa með flís-
um á gólfi og skápum. Gangurinn
er með flísalögðu gólfi og einnig
stofan og borðstofan. Loft er upp-
tekið í stofunni með innbyggðu
hátalarakerfi. Fallegur arinn
prýðir einnig stofuna. Út úr stof-
unni er gengið út í sólskálann sem
hægt er að opna frá öllum hliðum.
Þar eru flísar á gólfi og hiti.
Þaðan er gengið út á stóra suður-
lóð sem hönnuð var af arkitekt.
Þar er hellulögð verönd, heitur
pottur og tjörn.
Eldhúsið er með fallegum eik-
arinnréttingum, flísum á milli
skápa og á borðplötum, helluborð,
ofn, háfur, borðkrókur og flísar á
gólfi. Búr er inn af eldhúsinu með
innréttingum og flísum á gólfi.
Tvö rúmgóð svefnherbergi eru
á hæðinni, annað með flísum og
hitt með parketti. Setustofa er
fyrir framan hjónaherbergi með
skápum og flísum á gólfi. Setu-
stofan var eitt sinn herbergi og
lítið mál að breyta því aftur.
Baðherbergið er inn af hjóna-
herberginu með innréttingu,
baðkari, sturtu og ljósum flísum í
hólf og gólf. Gestasnyrtingin er
með sturtuklefa, eikarinnréttingu
og ljósum flísum á gólfi og
veggjum.
Jarðhæðin er möguleg séríbúð.
Þar er fallegur viðarstigi niður af
gangi og sérinngangur. Forstofan
er með flísum á gólfum og skáp-
um. Gólfið í sjónvarpsholi er
parkettlagt. Á jarðhæðinni eru
þrjú svefnherbergi og eru skápar
í þeim öllum og parkett á gólfum.
Baðherbergið er með eikarinn-
réttingu, baðkari, sturtuklefa og
flísum í hólf og gólf. Þvottahúsið
er stórt með innréttingu, flísum
og hita í gólfi. Þaðan er innan-
gengt í bílskúr með innréttingu,
hillum, flísalögðu gólfi og hurða-
opnara. Bílaplan er hellulagt með
hita.
Sérlega vandað einbýli:
Fallegur sólskáli og garður
101 Reykjavík flytur sig um set:
Hlýlegra og bjartara
vinnuumhverfi
Starfsfólk fasteignasölunnar 101 Reykjavík er að vonum ánægt með
nýju vinnuaðstöðuna þar sem hún er mun bjartari og hlýlegri. Einbýlið er á tveimur hæðum og með tvöföldum bílskúr.
Sólskálann er hægt að opna frá öllum hliðum.
Flísar eru á gólfi og hiti.