Fréttablaðið - 12.07.2004, Qupperneq 50
22 12. júlí 2004 MÁNUDAGUR
Suður-Ameríku-bikarinn í knattspyrnu:
Mexíkó vann Argentínu
FÓTBOLTI Argentínumenn eiga á
hættu á að komast ekki áfram í átta
liða úrslit Suður-Ameríku bikars-
ins eftir 0-1 tap fyrir Mexíkó í
annarri umferð riðilsins aðfaranótt
sunnudagsins. Argentínumenn,
sem unnu Ekvador, 6-1, í fyrsta leik
sínum, þurfa nú sigur á nágrönnum
sínum Úrúgvæ til að komast áfram
í næstu umferð. Úrúgvæ vann
Ekvador, 2-1, í hinum leik riðilsins
og er á toppi riðilsins ásamt
Mexíkó með fjögur stig en Argent-
ínumenn hafa þrjú. Það var Ramon
Morales sem skoraði sigurmark
Mexíkó með glæsilegri auka-
spyrnu eftir aðeins átta mínútna
leik. Þrátt fyrir að argentínska
liðið hafi mikið verið með
boltann og oft sýnt
skemmitleg tilþrif út á velli
tókst þeim ekki að brjóta á
bak aftur sterka vörn
Mexíkó. Javier Saviola sem
skoraði þrennu í fyrsta
leiknum gegn Ekvador var
í strangri gæslu og Argent-
ínumenn fundu engar leiðir
fram hjá hinum unga
Oswaldo Sanchez í marki
Mexíkó. Diego Forlan hjá
Manchester United og Car-
los Bueno skoruðu mörk
Úrúgvæ en Franklin Salas jafnaði í
millitíðinni fyrir lið Ekvador sem
er úr leik í keppninni. ■
Schumacher
sigraði á Silverstone
Michael Schumacher vann sinn 10. sigur á tímabilinu þegar hann kom fyrstur í mark á
Silverstone-brautinni. Þetta var sigur númer 80 á ferlinum hjá Þjóðverjanum hraðskreiða.
FORMÚLA 1 Það var boðið upp á end-
urtekið efni á Silverstone-braut-
inni þegar Michael Schumacher
kom fyrstur í mark í tíunda sinn á
tímabilinu en hann hefur unnið all-
ar keppnir tímabilsins nema eina.
Fyrir vikið er hann kominn með
yfirburðaforystu í keppninni og
virðist ekkert geta stöðvað hann.
Hann fékk þó ágætis keppni að
þessu sinni frá Finnanum Kimi
Raikkonen sem saumaði að Þjóð-
verjanum en það dugði ekki til og
Raikkonen varð að sætta sig við
annað sætið. Þetta er í fyrsta sinn
sem McLaren kemst á pall í ár.
„Við komumst í það minnsta á
pall og það er framför,“ sagði
Finninn ungi. „Ég komst nálægt
honum en ekki nógu nálægt.“
Schumacher var með fína for-
ystu í keppninni þegar Jarno
Trulli klessti illa á 15. hring sem
þýddi að öryggisbíllinn varð að
koma inn á og Schumacher fékk
Raikkonen í bakið. Það skipti engu
því Þjóðverjinn stakk Finnann af
og kom rúmum tveim sekúndum á
undan honum í mark.
„Það var svolítið slæmt að
missa forskotið svona,“ sagði
Schumacher. „Ekki bætti úr skák
að öryggisbíllinn fór mjög hægt
yfir og virtist ekki leggja mikinn
metnað í aksturinn hjá sér.“
Þetta var þriðji sigur
Schumachers á Silverstone-braut-
inni og hann fagnaði vel og inni-
lega eftir keppnina rétt eins og
hann væri að sigra sinn fyrsta
kappakstur.
„Mér fannst taktík okkar í þess-
ari keppni mjög góð,“ sagði
Schumacher. „Þrátt fyrir það urð-
um við aðeins að breyta taktíkinni
eftir fyrsta þjónustuhléð. Eftir það
snerist allt um hafa stjórn á keppn-
inni og ekki hleypa Kimi of nálægt.
Það þrengdi aðeins að okkur á
tímabili en við fundum ekki fyrir
miklum hita frá keppinautunum.“
Félagi Schumachers hjá Ferr-
ari, Rubens Barrichello, varð
þriðji og Jenson Button kom fjórði
í mark. Juan Pablo Montoya náði
fimmta sætinu og Giancarlo
Fisichella tók það sjötta. ■
Real Madrid:
Perez áfram
FÓTBOLTI Florentino Perez verður
áfram forseti knattspyrnurisans
Real Madrid en hann vann kosning-
arnar með miklum yfirburðum í
gær. Fyrrum forseti félagsins, Lor-
enzo Sanz, fékk aftur á móti skelfi-
lega kosningu sem kemur nokkuð á
óvart en Sanz lagði mikið undir og
var búinn að lofa því að kaupa
marga leikmenn ef hann kæmist
aftur að sem forseti.
Arturo Baldasano var einnig í
kjöri til forseta Real Madrid en
hann fékk álíka mörg atkvæði og
Ástþór Magnússon fékk í forseta-
kosningunum hér heima.
Næst á dagskrá hjá Perez er að
uppfylla kosningaloforð og kaupa
Porto-mennina, Costinha og Ric-
ardo Carvalho. ■
■ ■ SJÓNVARP
16.45 Landsmót UMFÍ á RÚV.
Samantekt frá mótinu sem lauk á
Sauðárkróki í gær. Endursýning.
17.00 Suður-Ameríku bikarinn á
Sýn. Sýnt frá leik sem fram fór í
gærkvöldi í riðlakeppni Copa
America.
17.45 Fótboltakvöld á RÚV. Sýnt
frá leikjum í 9. umferð Lands-
bankadeildar karla. Endursýning.
19.30 Harður leikur (Cruel game)
á Sýn. Þáttur um mennina sem
hafa verið hársbreidd frá sigri á
breska meistaramótinu í golfi en
ekki þola álagið. Þetta eru kylfing-
arnir sem voru næstum því búnir
að rita nafn sitt í golfsöguna.
21.30 Saga opna breska
meistaramótsins á Sýn. Í þætti-
num er rifjuð upp saga opna
breska meistaramótsins á Royal
Troon en þar fer mótið einmitt
fram þetta árið.
SIGURVEGARI
Frakkinn Thomas Levet heldur hér á verð-
launum sínum sem hann fékk fyrir að
sigra opna skoska golfmótið sem fram fór
á Loch Lomond golfvellinum.
GOLF
HVAÐ? HVENÆR? HVAR?
9 10 11 12 13 14 15
Mánudagur
JÚLÍ
ARGENTÍNUMENN Í VANDRÆÐUM
Ramon Morales skorar hér beint úr
aukaspyrnu og tryggir Mexíkó
1-0 sigur á Argentínu.
UNNU BÁÐA LEIKINA
KAA Gent vann báða leikina gegn Fylki
með einu marki.
Intertoto-keppnin í
knattspyrnu:
Fylkisbanar
úr leik eftir
vítakeppni
FÓTBOLTI Fylkisbanarnir í KAA
Gent frá Belgíu duttu úr leik í
annarri umferð Intertoto-keppn-
innar í knattspyrnu um helgina en
liðið mætti þá makedóníska liðinu
í Vardar Skopje í annað sinn á
einni viku. Bæði liðin unnu 1-0
sigur á heimavelli sínum og því
þurfti að grípa til vítaspyrnu-
keppni í lok seinni leiksins í Belg-
íu á laugardaginn. Makedóníska
liðið vann fyrri leikinn 1-0 en
varnarmaður liðsins, Nikola Djos-
evski, varð síðan fyrir því að
skora sjálfsmark undir lok leiks-
ins í Belgíu. Ekkert var skorað í
framlengingunni og því varð að
grípa til vítaspyrnukeppni. Þar
byrjaði umræddur Djosevski á
því að láta verja frá sér víti.
Belgarnir virtust því ætla nýta
sér óvenju slæman dag hjá honum
en varð síðan á að misnota tvö víti
og Vardar Skopje vann því víta-
keppnina 4-3. Fyrir vikið mæta
þeir þýska liðinu Schalke04 í
næstu umferð. ■
Hollenski vinnuþjarkurinn aftur til Mílanó:
Edgar Davis semur við Inter
FÓTBOLTI Hollenski landsliðs-
maðurinn og vinnuþjarkurinn,
Edgar Davis, gerði um helgina
þriggja ára samning við ítalska
liðið Inter Milan. Davids, sem var
í röðum Juventus, var lánaður til
spænska liðsins Barcelona á síð-
asta tímabili og hafði verið orðað-
ur við mörg ensk lið að undan-
förnu. Þessi 31 árs Hollendingur,
sem hefur einnig spilað fyrir
Ajax og AC Milan, ætlar að reyna
sig áfram á Ítalíu en þar mun
hann spila undir stjórn Roberto
Mancini sem hefur tekið við
þjálfun liðsins. Davids var með
lausan samning og talið er að
hann fái um 3,5 milljónir evra
fyrir hvert tímabil eða um 310
milljónir íslenskra króna. Forseti
Inter, fyrrum fyrirliði ítalska
landsliðsins, Giacinto Facchetti,
var ánægður með að hafa samið
við Davids sem er rómaður fyrir
vinnusemi sína og fórnfýsi fyrir
liðið. „Við erum mjög ánægðir
með að hafa klárað þennan mikil-
væga samning við frábæran leik-
mann. Það voru mörg lið á eftir
Davids og ekki bara lið hér á Ítal-
íu. Hann var með lausan samning
og gat því ráðið því sjálfur hvert
hann myndi fara. Það var ljóst
frá fyrstu mínútu í okkar viðræð-
um að markmið okkar og hans
fóru saman og því er hann á leið-
inni til Inter,“ sagði Fachetti
kampakátur og lái það honum
enginn enda er Inter Milan að
tryggja sér leikmenn sem flest
stóru liðin í heiminum öfunda það
af. Inter endaði í fjórða sæti ítöl-
sku deildarinnar og það eru 15 ár
liðin síðan liðið vann ítalska titil-
inn síðast. Það var árið 1989 þeg-
ar Þjóðverjarnir Laothar Matth-
aus og Andreas Bremhe voru í
aðalhlutverkum hjá liðinu. Síðan
þá hefur liðið sjö sinnum verið
meðal þriggja efstu en aldrei
unnið titilinn. ■
DAVIDS TIL INTER MILAN
Hollenski landsliðsmaðurinn og vinnu-
þjarkurinn, Edgar Davis, gerði um helgina
þriggja ára samning við ítalska liðið
Inter Milan.
GERIR GRÍN AÐ ANDSTÆÐINGUM SÍNUM
Michael Schumacher gerir grín að andstæðingum sínum í Formúlu 1 upp á síðkastið. Það var því vel við hæfi að ulla
eftir sigurinn á Silverstone í gær.