Fréttablaðið - 12.07.2004, Side 52

24 12. júlí 2004 MÁNUDAGUR
Sunna Gestsdóttir úr UMSS vann besta afrek
í kvennagreinum á mótinu:
Skemmtilegasta
keppnin mín á Íslandi
LANDSMÓT „Þetta hefur verið mjög
skemmtilegt mót, líklega skemmti-
legasta keppni sem ég hef tekið þátt
í hér á landi. Brautirnar mjög góðar,
veðrið eins og best verður á kosið
og allar tímasetningar staðist frá-
bærlega. Hlutirnir hafa líka gengið
upp hjá mér, mjög ánægjulegt að
æfingarnar og undirbúningurinn sé
að skila sér,“ sagði Sunna Gestsdótt-
ir úr UMSS sem vann besta afrek í
kvennagreinum á mótinu í 200
metra hlaupi.
Þegar við hittum Sunnu að máli á
laugardag var hún nýbúin að vinna
þetta afrek, á tíma undir landsmóts-
meti sem fékkst reyndar ekki stað-
fest vegna of mikils meðvinds. Fyrr
um daginn setti Sunna landsmóts-
met í langstökki, stökk 5,99, og á
sunnudagsmorgun sigraði hún ein-
nig í 100 metra hlaupi á 11,99, sem
er nýtt landsmótsmet. Það var þó
ekki Sunna sem hlaut flest stig í
kvennakeppninni, heldur stalla
hennar í UMSS, Vilborg Jóhanns-
dóttir. Jón Arnar Magnússon var
stigahæstur karla og vann einnig
besta afrekið í 110 m grindahlaupi. Í
heildarstigakeppni félaga fyrir
allar 30 íþróttagreinarnar sem
keppt var í á landsmótinu sigruðu
næstu gestgjafar UMSK með 1.981
stig, gestgjafarnir UMSS urðu í 2.
sæti með 1.776 og Skarphéðins-
menn, sem oftast hafa sigrað á
landsmótum, urðu að láta sér lynda
þriðja sætið með 1.650 stig. ■
UMSK vann stigakeppni landsmótsins og heldur næsta landsmót í Kópavogi eftir þrjú ár:
Gott veganesti UMSK
á næsta landsmót
LANDSMÓT UMFÍ UMSK, eða Ung-
mennasamband Kjalarnesþings,
varð sigurvegari á 24. landsmóti
UMFÍ sem lauk á Sauðárkróki í
gær. UMSK hafði betur eftir
harða keppni við heimamenn í
UMSS og hið sigursæla
Héraðssambands Skarphéðins.
HSK endaði nú í þriðja sæti eftir
að hafa verið með tveggja efstu
síðan 1949 þar af 15 sinnum í
efsta sæti. Íþróttabandalag
Reykjavíkur endaði í fjórða sæt-
inu. Það fengu alls 25 ungmenna-
félög stig á landsmótinu að
þessu sinni.
Það má því segja að UMSK
hafi fengið gott veganesti með
sér heim því næsta landsmót fer
einmitt fram á heimavelli þeirra
í Kópavogi. Þetta var í fjórða
skiptið sem UMSK ber sigur úr
býtum á mótinu en Kjalnesingar
unnu einnig 1940, 1975 og svo
árið 1990 þegar þeir héldu lands-
mótið síðast en þá fór það fram í
Mosfellsbænum. Á þriðja þús-
und keppendur tóku þátt í mót-
inu sem tókst mjög vel í alla
staði. Mótssvæðið á Sauðárkróki
var tilkomumikið með mikilli
fánaborg íslenska fánans, Hvít-
bláans, fánum sambandsaðila,
styrktaraðila og annarra. Áætlað
er að fánarnir séu á um þriðja
hundrað, fyrir utan þá fána sem
flaggað er í heimagörðum á
Sauðárkróki.
Sauðárkróksvöllur er stór-
glæsilegur, enda hefur sveitar-
félagið Skagafjörður staðið að
uppbyggingu leikvangsins af
stórhug og metnaði. Landsmót
UMFÍ er fjölmennasta íþrótta-
mót á Íslandi en fyrsta mótið var
haldið árið 1909. Á þessu móti er
keppt í mörgum greinum íþrótta
auk ýmissa starfsíþrótta eins og
dráttarvélarakstri, starfshlaupi,
línubeitingu auk annarra greina.
Það sem gerir mót þetta að stór-
viðburði á Íslandi er hinn mikli
fjöldi keppenda og áhorfenda
auk mikillar fjölbreytni í keppn-
isgreinum.
Landsmót UMFÍ hafa sett
sterkan svip á íslenska íþrótta-
sögu og þeim hefur jafnan fylgt
mikil uppbygging á þeim stöðum
sem mótin eru haldin. Eins og
áður sagði fer næsta landsmót
fram í Kópavogi árið 2007. 26.
landsmótið fer síðan fram á Akur-
eyri 2009 en 100 árum fyrr fór
þar fyrsta landsmótið fram. ■
SVEINN NÁÐI Í GULL EN EKKI MET
Sveinn Margeirsson að loknu 5000 metra
hlaupinu ásamt Kára Steini Karlssyni.
Sveinn Margeirsson var
fánaberi Skagfirðinga:
Vantaði meiri
keppni til að
slá metið
LANDSMÓT „Það voru mér vonbrigði
að þrír sterkir hlauparar hættu við
og það minnkaði möguleika mína á
að slá Íslandsmetið. Mig vantaði
meiri keppni til að halda hraðanum
lengur í hlaupinu,“ sagði Sveinn
Margeirsson, Skagfirðingurinn
knái sem sigraði örugglega í 5000
metra hlaupinu en vantaði nokkuð
upp á að slá Íslandsmet Jóns Dið-
rikssonar í greininni. Það er við að-
stæður eins og voru á Sauðárkróki
um helgina, þegar veðrið og
stemningin er til staðar, sem
frjálsíþróttamenn vilja setja met
og þótt Sveinn hlypi glæsilega og
að því er virtist áreynslulaust
dugði það ekki til að takmarkið
næðist. Sveinn var fánaberi Skag-
firðinga við setningu mótsins á
föstudagskvöld og framkvæmdi
fánakveðju að athöfn lokinni, en
setningarathöfnin heppnaðist frá-
bærlega vel. Þar sýndi m.a. dansk-
ur fimleikaflokkur listir sínar við
aðstæður sem væntanlega hefðu
ekki getað verið betri í risasýning-
arhöllum. Fjöldi fólks fylgdist með
af brúnum Nafanna fyrir ofan
íþrótta- og sýningarsvæðið. ■
Landsmótið á
Sauðárkróki 2004:
Jón Arnar
setti þrjú
landsmótsmet
LANDSMÓT Fyrirliði landsmóts-
meistaranna í UMSK, Jón Arnar
Magnússon, fór fyrir sínu félagi í
frjálsíþróttakeppninni en hann
setti þrjú landsmótsmet um helg-
ina, í stangarstökki, 200 metra
hlaupi og 110 m grindarhlaupi.
Jón Arnar náði besta afreki móts-
ins í því síðastnefnda og var stiga-
hæsti karlinn í frjálsíþrótta-
keppni landsmótsins. Það voru þó
gömlu félagar hans í UMSS sem
unnu frjálsíþróttakeppni mótsins,
hlutu alls 428 stig. Næst kom ÍBR
með 402 og Jón Arnar og félagar
hans í UMSK urðu þriðju með
343,5 stig. Jón Arnar er reyndasti
landsmótsgesturinn en hann
hefur keppt fyrir UMSK, UMSS
og HSK á landsmótinu. ■
SIGURSÆLL NORÐMAÐUR
Norðmaðurinn Thor Hushovd fagnar þegar
hann kemur fyrstur í mark í 8. áfanga í
Tour de France hjólreiðakeppninni.
Frakkinn Thomas Voeckler er enn efstur í
heildina en Hushovd er ekki langt á eftir.
TOUR DE FRANCE
SKEMMTILEGT MÓT AÐ BAKI
Sunna Gestsdóttir að loknu 200 metra hlaupinu ásamt stöllu sinni úr UMSS,
Arndísi Einarsdóttur.
LOKASTAÐAN Á 24. LANDSMÓTI UMFÍ 2004
1. Ungmennasamband Kjalarnesþings 1.981,25
2. Ungmennasamband Skagafjarðar 1.776,25
3. Héraðssambandið Skarphéðinn 1.650
4. Íþróttabandalag Reykjavíkur 1.452,50
5. Héraðssamband Suður-Þingeyinga 667,50
6. Keflavík - íþrótta- og ungmennafélag 525
7. Ungmenna- og íþróttasamband Austurlands 500,25
8. UMS Eyjafjarðar / UMF Akureyrar 429,75
9. Íþróttabandalag Hafnarfjarðar 321
10. Ungmennasamband Borgarfjarðar 304,50
11. Ungmennafélag Njarðvíkur 280
12. Héraðssamband Vestfirðinga 276,50
13. Íþróttabandalag Akureyrar 248
14. Héraðssamband Snæfellsness og Hnappadalssýslu 195
15. Ungmennafélagið Fjölnir 184
16. Ungmenna- og íþróttasamband Ólafsfjarðar 119
17. Ungmennasamband A-Húnvetninga 90
18. Héraðssamband Bolungarvíkur 90
19. Ungmennasamband Dalamanna og N-Breiðfirðinga 56
20. Ungmennasamband V-Húnvetninga 28
21. Ungmennasamband Vestur-Skaftafellssýslu 13,50
22. Ungmennasamband Norður-Þingeyinga 10
23. Ungmennafélagið Vesturhlíð 10
24. Ungmennasambandið Úlfljótur 10
25. Héraðssambandið Hrafnaflóki 4
MIKIL STEMNING Á SAUÐÁRKRÓKI UM HELGINA
Forseti Íslands, Herra Ólafur Ragnar Grímsson, var heiðursgestur á opnunarhátíð 24. landsmótsins sem fram fór á Sauðárkróki um helgina.
JÓN ARNAR Í SIGURLIÐ Á HÁLFGERÐUM HEIMAVELLI
Jón Arnar Magnússon var fyrirliði UMSK sem sigraði á landsmótinu en hann hafði lengi
aðsetur á Sauðárkróki og keppti því á hálfgerðum heimavelli.
Með Jóni Arnari á myndinni er sonur hans Krister Blæ.