Fréttablaðið - 12.07.2004, Síða 64

SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
Auglýsinga- og markaðsdeild: 550 5010 - fax 550 2727, auglysingar@frettabladid.is Veffang: visir.is
VI Ð S EG J U M F R É T T I R SM Á A U G L Ý S I N G AS Í M I N N E R 550 5000
ÚTIMÁLNING
OG
VIÐARVÖRN
Börnin í
Moldóvu
Muniði léttinn sem fór um heiminnþegar Sovétríkin liðuðust í sundur
og frelsið gusaðist austur á bóginn?
Skyndilega þurfti að prenta ný landakort:
Sovétríkin breyttust í fimmtán lönd.
Tékkóslóvakía klofnaði í tvennt þegjandi
með kurt og pí, meðan Júgóslava sprakk í
fimm dvergríki. Á stundu fagnaðarins
var eins og flestir væntu þess að vestræn
velferð myndi á örskömmum tíma flæða í
kjölfar frelsisins.
EITT AF löndunum sem spratt fram á
Evrópukortinu er Moldóva. Þetta litla
land, þriðjungur af Íslandi, kúrir milli
Rúmeníu og Úkraínu, og á hvergi land að
sjó. Íbúarnir eru fjórar og hálf milljón,
flestir náskyldir Rúmenum, en einnig
slavar sem hernema eystri hluta landsins
í skjóli Úkraínu og Rússlands. Höfuðborg
Moldóvu heitir Chisinau og þaðan berast
nálega aldrei fréttir. Moldóva er gleymd,
enda er þar engin olía að berjast um.
MOLDÓVA er fátækasta land Evrópu,
fátækari en Albanía. Áttatíu prósent íbúa
eru fyrir neðan fátæktarmörk. Fjórir af
hverjum fimm. Hörmungasögur berast af
aðbúnaði barna í þessu litla landi. Munað-
arleysingjahælin eru í mörgum tilvikum
mannskemmandi geymslur þar sem mat-
urinn þætti ekki samboðinn gæludýrum á
Íslandi. Mörg börn komast ekki út allan
veturinn af því þau eiga ekki skó á fæt-
urna. Nú er sumar í Moldóvu en þarna
eru kaldir vetur.
KRAKKAÞING Hróksins, sem kom
saman til fyrsta fundar á laugardaginn,
samþykkti að skipuleggja söfnun á skóm
og hlýjum fatnaði fyrir börn í Moldóvu
áður en vetur gengur í garð. Krakka-
þingið er skipað börnum sem eru virk í
starfi félagsins og þau þekkja Victor
Bologan, stórmeistarann snjalla sem er
virkur í starfi Hróksins. Victor sigraði á
sterkasta skákmóti heims á síðasta ári og
er einn besti sonur Moldóvu. Hann er nú
að skipuleggja skákskóla í tíu þorpum og
bæjum Moldóvu, þar sem boðið verður
upp á skemmtilega og ókeypis skák-
kennslu. Markmið skólans er einfalt: Að
fjölga ánægjustundum meðal barna í
Moldóvu.
EN ALLIR vita að það er erfitt að
finna til mikillar ánægju ef manni er
mjög kalt. Þess vegna ætla krakkarnir
að taka höndum saman í ágúst og safna
fötum og skóm handa börnum í Mold-
óvu. Þau treysta auðvitað á stuðning
okkar sem stærri erum. Allir sem vilja
láta gott af sér leiða geta sent línu í
hrokurinn@hrokurinn.is, merkt: Börnin
í Moldóvu. ■
HRAFNS JÖKULSSONAR
BAKÞANKAR