Fréttablaðið - 16.07.2004, Blaðsíða 10

10 16. júlí 2004 FÖSTUDAGUR
HEIMKOMAN UNDIRBÚIN
Nelia Cayanan, systir filippseyska gíslsins
Angelo dela Cruz, sem verið hefur í haldi
mannræningja í Írak, undirbýr heimkomu
bróður síns. Vonir ættingjanna standa til
þess að Angelo verði sleppt úr haldi eftir
að stjórnvöld á Filippseyjum ákváðu að
draga herlið sitt heim.
Bíða ekki eftir að verða bjargað af öðrum:
Vestfirðingar leita sóknarfæra
ÍSAFJÖRÐUR Ráðstefnan Með höfuðið
hátt var sett í gærkvöld á Ísafirði af
herra Ólafi Ragnari Grímssyni for-
seta. Hún stendur yfir til sunnudags.
Albertína Elíasdóttir, formaður
undirbúningsnefndar, segir að með
ráðstefnunni sé reynt að skapa nýtt
viðhorf gagnvart landsbyggðinni,
bæði hjá borgarbúum og lands-
byggðinni sjálfri. „Í staðinn fyrir
að velta okkur upp úr vandamálun-
um og bíða eftir því að einhver
komi að bjarga okkur þá viljum við
benda á að við getum gert eitthvað
sjálf. Við getum fengið hugmyndir
og framkvæmt þær.“
Á hádegi í dag á ráðstefnunni
verður fyrsta kennslustund Há-
skóla Íslands á Vestfjörðum á Silf-
urtorgi í tilefni af stofnun hans. Þá
verður fundur um samfélagsleg
áhrif menntunar og sóknarfæri, í
kvöld verður varðeldur og flösku-
skeyti verður sent til Evrópusam-
bandsins.
Að ráðstefnunni standa grasrót-
arhreyfing ungs fólks á norðan-
verðum Vestfjörðum sem og ungir
framsóknar-, jafnaðar- og sjálf-
stæðismenn. ■
Ísland í fjórtánda sæti
yfir efnahagsfrjálsræði
Ný skýrsla sýnir að Ísland stendur sig ágætlega hvað varðar frjálsræði í efnahagsmálum. Fjárfest-
ing, landsframleiðsla og tekjur á mann haldast í hendur við stöðu þjóða á listanum þar sem vel-
sæld er mest hjá þeim sem búa við mest frjálsræði.
EFNHAGSMÁL Ísland er í fjórtánda
sæti yfir þau lönd þar sem frjáls-
ræði í efnahagsmálum er mest.
Sætinu deilum við með Dönum.
Ísland fær einkunnina 7,6 í nýrri
skýrslu kanadísku stofnunarinnar
Frazer sem birtir árlega skýrslu um
frjálsræði í efnahagsmálum.
Íslenski hluti skýrslunnar er unninn
í samvinnu við Hagfræðistofnun
Háskóla Íslands.
Ísland fellur um sæti og lækkar í
einkunn frá árinu 2001. Breytingin
er óveruleg. Tryggvi Þór Herberts-
son segir hana skýrast af breytingu
á gengi dollars og tæknilegra breyt-
inga á útreikningi auk hækkunar
ríkisútgjalda. Einkavæðing við-
skiptabankanna er meðal þess sem
kemur í veg fyrir frekari lækkun
Íslands á listanum. Ísland hefur
hækkað um þrjú sæti frá 1995 og
segir Tryggvi þá breytingu mark-
tæka.
Hong Kong trónir á toppi listans
með 8,7 í einkunn. Af Norðurlönd-
unum eru Norðmenn neðstir eða í
36. sæti en Svíar eru í 22. sæti. Af
Norðurlöndunum er mest frjáls-
ræði í efnahagsmálum í Finnlandi
sem er í 11. sæti með einkunnina
7,7.
Tryggvi Þór segir töluverða
reynslu komna á þessar rannsóknir.
Sterk fylgni sé milli stöðunnar á
þessum lista og hagsældar í við-
komandi löndum. „Aukið atvinnu-
frelsi leiðir af sér aukna fjárfest-
ingu, aukinn hagvöxt og í framhaldi
af því bætt lífskjör,“ segir Tryggvi.
Rannsóknir hagfræðinga benda
til þess að frjálsræði í efnahagsmál-
um auki velmegun á tvo vegu. Ann-
ars vegar með því að leysa úr læð-
ingi kraft og hugvit einstaklinga.
Hins vegar með því að auka fjár-
festingu.
Skýrslan sýnir að í þeim löndum
sem búa við mest frjálsræði var
hagvöxtur 3,4 prósent að meðaltali
árin 1980 til 2000 samanborið við 1,7
prósent hjá löndum fyrir miðju list-
ans og 0,4 prósent hjá þeim neðstu.
Erlend fjárfesting er mun meiri
hjá löndum sem búa við frjálsræði
og landsframleiðsla á mann mun
hærri. Meðallandsframleiðsla á
mann í efstu ríkjunum var 26.100
dollara eða rúmar 1,8 milljónir
króna meðan landsframleiðsla á
mann í þeim fátækustu var um 200
þúsund krónur.
haflidi@frettabladid.is
Alnæmisfaraldurinn:
Lífslíkur
minnka
BANGKOK, AP Lífslíkur í mörgum
landa Afríku hafa fallið niður í
fjörutíu ár af völdum alnæmis. Al-
næmisfaraldurinn er einnig vald-
ur að aukinni fátækt og auknu
hungri í álfunni að því er fram
kom í máli talsmanna Sameinuðu
þjóðanna á ráðstefnu um sjúk-
dóminn sem fram fer í Bangkok í
Taílandi.
Úttekt Sameinuðu þjóðanna
sýndi að í tuttugu löndum hafa
lífslíkur minnkað síðan árið 1990.
Þrettán þessara landa eru í vest-
urhluta Afríku þar sem 25 millj-
ónir af þeim 38 milljónum sem
smitaðir eru af alnæmi búa. ■
SKIPULAGSMÁL Samþykkt var að
auglýsa deiliskipulag fyrir Borg-
artúnsreit sem afmarkast af
Skúlagötu, Borgartúni og Skúla-
túni í borgarráði á þriðjudag.
Gert er ráð fyrir því að heimil-
að verði að byggja þriggja hæða
viðbyggingu við hornhúsið, Skúla-
götu 51, auk þess sem heimilað
verður að stækka hús Frímúrara-
reglunnar við Skúlatún 53-55. Þar
má einnig byggja þriggja hæða
nýbyggingu á austurhluta lóðar-
innar sem tengja má við hús frí-
múrara með tengibyggingu á efri
hæðum, en kvöð er um göngustíg
undir tengibygginguna.
Tillaga þessi er unnin í takt við
óskir Frímúrarareglunnar að sögn
Margrétar Þormar, arkitekts hjá
skipulags- og byggingarsviði
Reykjavíkurborgar, en reglan hafði
áður gert athugasemdir við tillögur
sviðsins. Þá mótmæltu frímúrarar
byggingu hótelíbúða að Skúlagötu
51 í bréfi til sviðsins, þar sem þeir
teldu að verið væri að leggja til
gerð undirmálsíbúða fyrir leigu-
markað, til dæmis langtímaleigu til
framhaldsskólanema.
Að sögn Margrétar hefur ekki
verið lögð fram formleg byggingar-
nefndarteikning frá lóðareiganda
Skúlagötu 51 um hótelbyggingu á
lóðinni. Þó hafi verið lögð fram
fyrirspurn um hvort slíkt myndi
samræmast landnotkun í aðalskipu-
lagi og jákvætt svar fengist. ■
Samþykkt að auglýsa deiliskipulag Borgartúnsreits:
Má byggja við hús við Skúlagötu
Dómur vegna vinnuslyss:
Fékk yfir sig
sperrur úr
stæðu
DÓMSMÁL Alefli ehf. þarf að
greiða manni tæplega 1,3 millj-
ónir króna vegna vinnuslyss sem
hann lenti í árið 1999. Maðurinn
slasaðist þegar ysta röð úr
timburstafla féll á bak hans og
herðar þar sem hann vann við að
færa sperrur á vinnusvæði Ale-
Aleflis. Fyrirtækið bar að slysið
hefði orðið vegna aðgæsluleysis
mannsins en dómurinn komst að
þeirri niðurstöðu að fyrirtækinu
hafi borið að tryggja að fyllsta
öryggis væri gætt á vinnustaðn-
um. Dómurinn var kveðinn upp
fyrir Héraðsdómi Reykjavíkur í
gær, miðvikudaginn 14. júlí. ■
Engjateigi 5, sími 581 2141
Opið virka daga frá kl. 10.00-18.00, laugardaga frá kl. 10.00-16.00.
15% AUKAAFSLÁTTUR
Á STÓRÚTSÖLUNNI
Mörkinni 6. Sími 588 5518
OPIÐ
Virka daga
frá kl. 10-18
Laugardaga
frá kl. 10-16
Stuttar og síðar kápur,
sumarúlpur, heilsársúlpur,
regnkápur bolir, peysur
og slæður.
15 50% Afsláttur!
s
1Ú T S A L A
50% afsláttur afsíðum kápum
Evrópusambandið:
Svíar lækki
skatt á vínum
BRUSSEL, AP Evrópusambandið
hefur veitt sænskum stjórnvöld-
um tveggja mánaða frest til þess
að samræma skattlagningu á
bjór og víni. Hærri skattur er á
vínum, sem flest eru flutt inn, en
á bjór í landinu og telja forsvars-
menn Evrópusambandsins að
það brjóti gegn samþykktum.
Svíar minnkuðu mismuninn
milli skattlagningar á bjór og
víni eftir bréf frá Evrópusam-
bandinu fyrir um þremur árum.
Forsvarsmenn Evrópusam-
bandsins töldu ekki nóg að gert
og hóta því að málið fari fyrir
dómstóla verði skattlagningin
ekki samræmd. ■
ÓLAFUR RAGNAR GRÍMSSON
Setti ráðstefnuna Með höfuðið hátt á
Ísafirði í gærkvöld. Fjölmörg spennandi
mál verða á dagskrá. Allir sem áhuga hafa
geta tekið þátt og kynnt sér dagskrána á
vefsíðunni www.mhh2004.tk.
SKÚLAGATA
Heimilað verður að byggja við bæði við hornhúsið og hús Frímúrarareglunnar samkvæmt
deiliskipulagi sem samþykkt var að auglýsa í borgarráði á þriðjudag.
M
YN
D
/R
EY
KJ
AV
ÍK
U
R
B
O
RG
FRJÁLSRÆÐIÐ Í ASKANA
Tryggvi Þór Herbertsson, forstöðumaður Hag-
fræðistofnunar Háskóla Íslands, segir atvinnu-
frelsi leiða af sér aukinn hagvöxt. Töluverð
reynsla sé komin á rannsóknir á sambandi
frjálsræðis í efnahagsmálum og hagsældar.
FR
ÉT
TA
B
LA
Ð
IÐ
/G
VA