Fréttablaðið - 16.07.2004, Blaðsíða 39
Myndasögu flokkur Franks Miller um Sin
City er með því allra svalasta sem þekkist
í myndasögubókmenntunum en drunga-
leg film noir stemningin svífur yfir lasta-
bælinu Sin City þar sem morðingjar, mell-
ur, spilltar löggur og enn spilltari pólitíkus-
ar ráða lögum og lofum. Robert Rodrig-
ez stefnir að því að koma bíómyndinni
sem hann byggir á verkum Millers í kvik-
myndahús á næsta ári og biðin á líklega
eftir að verða mörgum Miller- aðdáand-
anum erfið. Ekki síst eftir að fréttist af
persónum og leikendum en það eru eð-
altöffarar af báðum kynjum sem koma
munu við sögu. Skutlan Jessica Alba
leikur Nancy, súlustelpuna með gullhjart-
að, og gamla brýnið Mickey Rourke leik-
ur verndarengil hennar, morðóða hálf-
tröllið Marv. Bruce Willis leikur löggu-
harðjaxlinn Hartigan sem leggur allt und-
ir til þess að bjarga Nancy, þegar hún er
barn, úr klónum á barnaníðingnum Gula
bastarðinum. Risinn Michael Clarke
Duncan úr The Green Mile, leikur skepn-
una Manute en aðrir sem koma við sögu
eru: Benicio Del Toro, Carla Gugino
(SpyKids, Karen Sisco), Josh Hartnett,
Michael Madsen, Brittany Murphy og
Elijah Wood.
FÖSTUDAGUR 16. júlí 2004 31
Around the World in 80 Days
„Stóri bömmerinn er einfaldlega sá að handritið er
stefnulaust rekald og það hefur verið höfundum
og leikstjóranum gersamlega ofviða að festa
söguna á filmu. Við sitjum því uppi með sam-
hengislausa moðsuðu misskemmtilegra hasar- og
slagsmálaatriða og sumarmynd sem nær aldrei að
skapa spennu.“
ÞÞ
Walking Tall
„Walking Tall er ekki merkileg mynd en manni leið-
ist ekkert yfir henni og í þessum geira verður það
að teljast býsna gott.“
ÞÞ
The Cronicles of Riddick
„Hér hafa menn greinilega ætlað að sleppa ódýrt
frá öllu saman og veðjað á að það væri nóg að
láta Diesel hnykla ofvaxna vöðvanna og sprengja
eitthvað í loft upp. Það þarf bara svo miklu, miklu
meira til að gera góða hasarmynd.“
ÞÞ
Godsend
„Handritið er sköllótt og sagan illa ígrunduð
þannig að engin raunveruleg spenna myndast
nokkurn tíma enda er myndin með ólíkindum
fyrirsjáanleg.“
ÞÞ
The Ladykillers
„The Ladykillers heldur þó ekki dampi og mun
seint flokkast með betri verkum þessara snjöllu
Coen-bræðra. Hún hefði sjálfsagt sigið vel niður
fyrir meðallag í höndunum á minni spámönnum
en þeim bræðrum sem eru meira að segja góðir á
slæmum degi.“
ÞÞ
The Punisher
„Þessi nýja Punisher-mynd rétt slefar því yfir
meðallagið en ég vona að hún græði nógu margar
milljónir dollara til þess að við fáum framhald. Þá
er þessi mynd eðlilegur fórnarkostnaður, það þurfti
að kynna Castle til sögunnar og leyfa honum að
drepa þá sem káluðu fjölskyldu hans. Nú er því
lokið og hann getur snúið sér að hvaða þjófi,
nauðgara og morðingja sem verður á vegi hans og
drápin ættu að geta byrjað fyrir alvöru.“
ÞÞ
Eurotrip
„Það vefst mikið fyrir mér hvernig ég á að halda
sjálfsvirðingunni um leið og ég upplýsi að mér
fannst Eurotrip ferlega skemmtileg en þessi vitleysa
er þrælfyndin á köflum. Tilgangur myndarinnar er
einfaldlega að skemmta áhorfendum í 90 mínútur
og það tekst býsna vel. Þetta er fín kynlífsbrandara-
súpa með nokkrum óborganlegum bragðefnum og
ekki skemmir fyrir að mikið skín í bert hold.“
ÞÞ
Eternal Sunshine of the
Spotless Mind
„Eternal Sunshine er hreinn gullmoli í bíóflórunni
þessa dagana. Mynd sem gleymist seint og býður
upp á endalausar vangaveltur fyrir þá sem á annað
borð nenna að pæla í nokkrum sköpuðum hlut.
Brilljant mynd.“
ÞÞ
Mors Elling
„Það er auðvitað ávísun á vandræðalegar uppá-
komur og góða brandara að senda ruglukoll eins
og Elling til Mallorca og Mors Elling er því hin
besta skemmtun. Hún er þó langt því frá jafn þétt
og góð og fyrri myndin og þar munar mest um
fjarveru Kjell-Bjarne, sem ekki er kominn til
sögunnar, en samspil vitleysinganna tveggja var
burðarás Elling.“
ÞÞ
Harry Potter and the Prisoner
of Azkaban
„Fyrir þá sem hafa lesið bókina er þetta hin prýði-
legasta skemmtun, þó svo að myndin bæti engu
við það sem fyrir var skrifað. Þeir sem ekki hafa
lesið bókina ganga mun ringlaðri út úr salnum en
þegar þeir komu inn og foreldrar fá að hlýða á
margar „af hverju“ spurningar næstu daga á eftir.“
SS
Troy
„Allt þetta nöldur mitt breytir því þó ekki að Troy er
fínasta skemmtun, þó hún sé í lengri kantinum, og
það er vissulega ánægjulegt að Hollywood skuli
gefa fornsögum svo mikinn gaum þessi misserin.
Það fer þó alltaf um mann smá hrollur þegar sígild
verk eru löguð að kröfum draumaverksmiðjunnar.“
ÞÞ
Vinirnir Lonnie, G og Dominic kom-
ast heldur betur í hann krappan í
gamanmyndinni My Baby’s Daddy
þegar þeir fá hver sitt smábarnið í
hausinn. Vinirnir eru ekki beinlínis
undir barnastúss búnir enda miklir
djamm og stuðboltar sem gera lítið
annað en halda brjáluð partí og eltast
við stelpur.
Grínistinn Eddie Griffin leikur
Lonnie en hann er einnig einn hand-
ritshöfunda og framleiðenda mynd-
arinnar sem fylgist að hans sögn með
því hvernig hipphopp-kynslóðinni
reiðir af þegar hún þarf að fullorðn-
ast og ala sjálf upp börn. Niðurstaðan
er víst bæði sláandi og drepfyndin en
piparsveinarnir eru auðvitað í tómu
rugli þegar þeir þurfa að leggja
flöskuna á hilluna og taka upp snuð í
staðinn og hætta að vaka fram eftir
þar sem fyrsta bleiuútkall dagsins
bíður þeirra snemma morguns.
Það er samt auðvitað afskaplega
gefandi að ala upp börn og þannig
taka kapparnir út mikinn þroska,
læra að umgangast barnsmæður
sínar og verða öllu fróðari um föður-
hlutverkið og ástina.
Griffin hefur félaga sinn Anthony
Anderson og Michael Imperioli sér
til halds og trausts en þeir Anderson
og Griffin léku til dæmis saman í
Scream 3.
Imperioli er mesti reynslubolt-
inn í hópnum en hann hefur farið á
kostkostum í sjónvarpsþáttunum
um Sópranó-fjölskylduna í hlut-
verki hins mislukkaða fíkils
Christophers. ■
Á eftir djammi kemur barn
■ FRUMSÝND UM HELGINA
EDDIE GRIFFIN
Neyðist til að hætta að djamma og elta
stelpur til að sinna barnauppeldi.
Í PÍPUNUM