Fréttablaðið - 16.07.2004, Blaðsíða 12

12 16. júlí 2004 FÖSTUDAGUR
DÝRÐLEGUR EIFFEL
Eiffelturninn ljómaði í allri sinni dýrð þegar
flugeldar lýstu upp himininn yfir París að
kvöldi þjóðhátíðardags Frakka 14. júlí.
RÉTTAÐ YFIR FORSETA Réttar-
höld eru hafin yfir Rolandas
Paksas, sem hraktist úr emb-
ætti forseta Litháen vegna
ásakana um spillingu. Paksas
sagðist fullviss um að verða
hreinsaður af ásökunum um að
hafa ljóstrað upp um ríkis-
leyndarmál. Fleiri mál gegn
forsetanum fyrrverandi fylgja í
kjölfarið.
BJÖRGUNARMENN
ÁKÆRÐIR Ítalskir sak-
sóknarar íhuga að ákæra
áhöfn skipsins Cap
Anamur sem flutti 37
flóttamenn í land. Flótta-
mönnunum björguðu
skipverjar af sökkvandi
bát. Saksóknarar telja
skipverjana hafa gerst
seka um að hjálpa til við
ólöglega flutninga fólks
milli landa.
Samkeppnismál:
Kók vill
málamiðlun
BRUSSEL, AP Coca Cola fyrirtækið
hefur boðist til að gera verulegar
breytingar á viðskiptaháttum
sínum í Evrópu. Með því vonast
fyrirtækið til að binda endi á
rannsókn samkeppnismála-
yfirvalda Evrópusambandsins
sem hefur staðið yfir í sex ár.
Fyrirtækið er reiðubúið að
draga úr kröfum um sölu-
aukningu hjá smásölum sínum,
hætta að veita ekki afslátt af kók
nema smásalar kaupi einnig aðra
drykki frá fyrirtækinu og leyfa
takmarkaða sölu drykkja frá
öðrum framleiðendum úr kælum
sínum og sjálfsölum.
Málaferlin hófust eftir að
Pepsí kærði viðskiptahætti Coca
Cola. Evrópusambandið ber til-
lögu félagsins nú undir keppi-
nauta þess. ■
Ástralía:
Kveikt í barni
LÖGREGLUMÁL Lögregla í bænum
Minto í Ástralíu leitar nú tveggja
stúlkna sem gerðu sér lítið fyrir
og kveiktu í níu ára stelpu í al-
menningsgarði í gær. Engin vitni
vissu nákvæmlega hvað átti sér
stað en það sást til tveggja stúlkna
með grímur hlaupa frá vettvangi.
Litla stúlkan liggur þungt haldin á
sjúkrahúsi með bruna á 40 prós-
entum líkamans. Lögregluyfir-
völd hafa enga hugmynd um hvað
lá að baki árásinni en leit stendur
yfir. ■
Í TOLLI
Áfengi og tóbak eru dýrar vörur í Noregi
og fleiri láta hafa sig út í smygl
vegna þess.
Noregur:
Smygl
stóreykst
INNFLUTNINGUR Ekkert lát er á til-
raunum Norðmanna til að smygla
áfengi og tóbaki til landsins en það
magn sem norsk tollayfirvöld hafa
gert upptækt á þessu ári hefur
margfaldast. Þannig hefur náðst
helmingi meira áfengi en á sama
tíma fyrir ári og enn betri árangur
hefur náðst hvað tóbak varðar.
„Raunin virðist vera sú að venju-
legt fólk sem að öllu jöfnu er lög-
hlýðið virðist færa sig meira og
meira upp á skaftið hvað varðar
smygl á þessum vörum, „segir Marit
Wiig, hjá norska tollstjóraem-
bættinu. „Það er áhyggjuefni hversu
margir eru reiðubúnir að brjóta
lögin fyrir nokkrar krónur.“ ■
■ MIÐAUSTURLÖND ■ EVRÓPA
SheerDrivingPleasure
BMW3Línan
www.bmw.is
SÍMINN ALLTOF DÝR Líbönskum
neytendum blöskrar svo hversu
dýr símafyrirtæki landsins eru
að sextán samtök neytenda og
launþega hvetja nú til þess að
landsmenn fari í dálítið öðruvísi
verkfall en þeir eru vanir. Nú
vilja þeir að fólk noti farsíma
sína ekki í heilan sólarhring til að
láta vanþóknun sína í ljós. Dýr-
ustu innanlandssímtölin kosta um
40 krónur á mínútuna.
Ungt fólk í Bretlandi:
Fjárhags-
aðstoð æ
algengari
FÉLAGSMÁL Sá fjöldi ungs fólks í
Bretlandi sem lent hefur í alvar-
legum fjárhagsvandræðum og
þurft á hjálp að halda hefur tí-
faldast á síðustu tveimur árum. Á
sama tíma hefur hlutfallsleg
skuld hvers og eins hækkað mik-
ið, úr rúmum 300 þúsundum í
tæpa milljón. Hafa nokkur sam-
tök bent á að þetta megi skýra
með hærri skólagjöldum í bresk-
um háskólum og það sé ein helsta
ástæða þess hve ungt fólk hrapar
fljótt í fjárhagsvandræði. ■
Blóðsúthellingar og skemmdarverk í Írak:
Stjórnvöld skipa
öryggissveit
OLÍUFRAMLEIÐSLA Bráðabirgða-
stjórnvöld Íraka hyggjast koma á
fót sérstakri öryggissveit vegna
þeirra árása uppreisnarmanna
sem verið hafa að undanförnu.
Sprengja varð tíu að bana í bæn-
um Haditha í gær og hafa enn-
fremur sprengjur verið sprengd-
ar við tvær stórar olíuleiðslur og
þannig skert getu landsins til olíu-
útflutnings til muna. Yfirvöld
reiða sig á það fjármagn sem fæst
með sölu olíu til nauðsynlegrar
uppbyggingar og til að koma á
friði í landinu.
Fátt virðist hafa breyst þó Írakar
sjálfir hafi tekið við stjórnartaum-
um í landi sínu. Ekki líður dagur án
blóðsúthellinga af einhverju tagi og
er þá oft um bílsprengjur að ræða.
Uppreisnarmenn gera sér far um að
sprengja slíkar sprengjur þar sem
mannfjöldi er samankominn og
óttast er að slíkt grafi undan trú
almennings á stjórn sinni ef fram-
hald verður á slíku. ■
HEFT FRAMLEIÐSLA
Efnahagur Íraka reiðir sig á fjármagn vegna
sölu á olíu og því eru skemmdarverk á olíu-
leiðslum afar kostnaðarsamar fyrir landið.