Fréttablaðið - 15.05.2004, Blaðsíða 4

4 15. maí 2004 LAUGARDAGUR
Er rétt að lækka skatta strax?
Spurning dagsins í dag:
Á forsætisráðherra að biðja forseta
Íslands afsökunar á ummælum sínum
um hann í fréttum Sjónvarps?
Niðurstöður gærdagsins
á visir.is
19%
81%
Nei
Já
KJÖRKASSINN
Farðu inn á visir.is og segðu þína skoðun
visir.is
LONDON, AP Breska blaðið Daily
Mirror viðurkenndi í gær að
myndir sem blaðið hefur birt af
misþyrmingu breskra hermanna
á íröskum föngum séu falsaðar.
Baðst blaðið afsökunar á þessum
mistökum og jafnframt lét rit-
stjóri þess af störfum.
Í yfirlýsingu frá blaðinu segir
að það hafi birt myndirnar í góðri
trú og talið þær ófalsaðar. Hins
vegar væru nú komnar fram
óyggjandi sannanir þess efnis að
myndirnar væru falsaðar.
Stjórnvöld á Bretlandi lýstu
því yfir í fyrradag að myndirnar
væru falsaðar. Sögðu þau að vöru-
flutningabifreið sem sæist á
myndunum hefði aldrei farið frá
Bretlandi og því gætu myndirnar
ekki verið frá Írak. Fljótlega eftir
að Daily Mirror birti myndirnar
komu fram efasemdir um að þær
væru ófalsaðar og hafa þær efa-
semdir nú verið staðfestar. ■
Þúsundir fögnuðu
Friðrik krónprins gekk að eiga Mary Donaldson í gær. Tugir þúsunda hylltu brúðhjónin eftir at-
höfnina. Einn maður var handtekinn með blys og reyksprengjur áður en athöfnin hófst.
KAUPMANNAHÖFN Milli 20.000 og
30.000 manns hylltu Friðrik krón-
prins og Maríu krónprinsessu
þegar þau veifuðu til mann-
fjöldans af svölum Amalíuborgar-
hallar eftir að hafa gengið í hjóna-
band. Fólkið veifaði dönskum og
áströlskum þjóðfánum og fagnaði
mjög þegar hjónin nýgiftu
kysstust.
Þúsundir höfðu raðað sér upp
meðfram leiðinni sem brúðhjónin
fóru í nær aldargömlum hesta-
vagni frá Vorrar frúar kirkju til
hallarinnar. Um 1.300 lögreglu-
menn stilltu sér upp á ríflega
þriggja kílómetra langri leiðinni
sem hestavagninn bar brúðhjónin,
en alls tóku milli þrjú og fjögur
þúsund lögreglumenn þátt í
öryggisviðbúnaði vegna brúð-
kaupsins.
Sjálf athöfnin fór fram í Vorrar
frúarkirkju. Friðrik og Mary
Donaldson, sem fékk titilinn krón-
prinsessa við athöfnina, voru gefin
saman frammi fyrir hundruðum
gesta, fjölskyldumeðlimum og
fyrirmennum. Friðrik er sagður
hafa tárast þegar unnusta hans
gekk inn í kirkjuna. Þegar brúð-
hjónin stigu út úr kirkjunni klukku-
stund síðar eftir að hafa unnið heit
sín kysstust þau fyrir framan
fjölda fólks sem hafði safnast þar
saman og fagnaði kossinum mjög.
Þó virtust ekki allir mættir til að
fagna. Einn maður var handtekinn
eftir að lögregla fann blys og reyk-
sprengjur á honum. Það gerðist
nærri kirkjunni áður en athöfnin
hófst. ■
NÍU LÁTNIR
Björgunar-
menn fundu í
gær lík níunda
einstaklings-
ins sem lét líf-
ið í spreng-
ingu í plast-
verksmiðju í
Glasgow á þriðjudag. Enn var
leitað að tíunda manninum sem
talið er að hafi lokast inni í verk-
smiðjunni.
DÝRKEYPT RIFRILDI Rúmlega
tvítugur Breti sem kom sprengju
fyrir á veitingastað eftir að hann
lenti í rifrildi við þjón hefur
verið dæmdur til þriggja ára
fangelsisvistar. Maðurinn bjó til
naglasprengju og reyndi að
sprengja hana en án árangurs.
HORFÐU SAMAN Á BRÚÐKAUPIÐ
Hátt í eitt hundrað manns komu saman á
Amokka í Borgartúni til að horfa á brúð-
kaup Friðriks krónprins Dana og
Mary Donaldson.
Skora á brúðhjónin að
koma við á Íslandi:
Kliður fór um
salinn þegar
kossinn small
BRÚÐKAUP „Þau eru hið glæsileg-
asta par enda hefur konungsfjöl-
skyldan aldrei verið vinsælli í
Danaveldi,“ segir Auðunn Arnórs-
son, hirðmeistari Hins konung-
lega fjelags. En hátt í hundrað
manns komu saman á Amokka í
Borgartúni þar sem félagar komu
saman til að fylgjast með brúð-
kaupi Friðriks, krónprinsi Dana
og Mary Donaldson.
Auðunn segir klið hafa farið
um salinn þegar brúðarkossinn
small. Hann segir líka hafa verið
sérstakt þegar biskupinn, sem gaf
þau saman, talaði um að krón-
prinsessan ætti eftir að sjá
danska konungsríkið þar sem því
tilheyrðu einnig há fjöll. Þar átti
biskupinn við Grænland og Fær-
eyjar en þangað munu brúðhjónin
sigla í sumar. Auðunn segir líklegt
að Hið konunglega fjelag muni
skora á brúðhjónin að koma við í
Reykjavíkurhöfn. „Þetta er hið
glæsilegasta par enda hefur kon-
ungsfjölskyldan aldrei verið vin-
sælli í Danaveldi.“ ■
FJÖLSKYLDAN VEIFAR FJÖLDANUM
Margrét Þórhildur drottning og maður hennar, Hinrik prins, fögnuðu krónprinsinum og nýju krónprinsessunni á svölum
Amalíuborgarhallar. Tugþúsundir stóðu á torgi hallarinnar og hylltu brúðhjónin.
HVATT TIL UPPREISNAR Í BASRA
Stuðningsmenn íraska klerksins Muqtada al-Sadr hvöttu í gær íbúa Basra, þar sem breskir
hermenn fara með völd, til að taka þátt í uppreisninni gegn hernámsliðinu.
■ EVRÓPA

KONSERTMEISTARINN

Guðný Guðmundsdóttir er heiðursgestur Listahátíðar og fagnar

30 ára afmæli sem konsertmeistari.

BÓLURNAR Í MANNLÍFINU

Hvað er orðið um verðbréfaæðið, brjóstastækkanir, herbalife og

aðrar bólur í mannlífinu sem allir voru að tala um einu sinni?

SPILAFÍKILL SEGIR FRÁ

Búið er að stofna Samtök áhugafólks um spilafíkn. Spilafíkill

segir Fréttablaðinu sögu sína.

MÁR TIL BASEL

Valinn úr alþjóðlegum hópi 80 hagfræðinga
- kemur glóðvolgt inn um lúguna hjá þér alla sunnudagsmorgna
Fréttablaðið á sunnudegi
[ MEÐAL EFNIS Í BLAÐINU Á MORGUN ]
ELSTA KONUNGSFJÖLSKYLDA
Í HEIMI
Danska konungsfjölskyldan á rætur sína
rætur að rekja allt aftur til Gorms gamla,
sem var konungur yfir Noregi og
Danmörku á 10. öld.
Margrét Alexandra Þórhildur Ingiríður
drottning fæddist 16. apríl 1940 og tók
við embætti af föður sínum 1972. Hún
giftist Henri la Laborde de Monpezat
árið 1967, sem tók við það titil prins.
Krónprinsinn Friðrik fæddist 26. maí
1968 og hefur stundað nám í Dan-
mörku og Frakklandi auk Bandaríkjanna.
Krónprinsessan fæddist 5. febrúar 1971
á Tasmaníu og var nefnd Mary Elizabeth
Donaldson. Foreldrar hennar eru skoskir
að uppruna.
HEITIN UNNIN
Svend Norman Svendsen biskup gaf
krónprinsinn og ástralska unnustu hans
saman.
RÚMRA ÞRIGGJA ÁRA
TILHUGALÍF
September 2000 Kynnast meðan á
ólympíuleikunum í Sidney stendur.
16. nóvember 2001 Danska blaðið
Billed Bladet greinir frá því að prinsinn
sé í tygjum við ástralska konu en hirðin
neitar staðfestingu.
14. febrúar 2002 Hirðin staðfestir sam-
band Friðriks og Mary.
Ársbyrjun 2003 Mary flytur til
Danmerkur.
Janúar 2003 Dönsk blöð birta mynd af
parinu að kyssast.
24. september 2003 Hirðin tilkynnir um
væntanlega trúlofun.
23. mars 2004 Þingið samþykkir að
veita Mary danskan ríkisborgararétt.
14. maí 2004 Friðrik krónprins og Mary
Donaldson giftast.
BRÚÐHJÓNIN VEIFA ÁHORFENDUM
Friðrik krónprins og María krónprinsessa
ferðuðust með hestavagni frá kirkjunni til
hallarinnar. Fjöldi fólks fagnaði þeim á
leiðinni.
MIKIÐ FJÖLMENNI
Mikil mannþröng var á stéttunum meðfram götunum sem brúðhjónin óku eftir.
Fleiri þúsund manns veifuðu dönskum og áströlskum fánum.
Misþyrmingar á föngum:
Falsaðar
myndir
FR
ÉT
TA
B
LA
Ð
IÐ
/A
P
FR
ÉT
TA
B
LA
Ð
IÐ
/A
P
FR
ÉT
TA
B
LA
Ð
IÐ
/A
P
FR
ÉT
TA
B
LA
Ð
IÐ
/A
P
FR
ÉT
TA
B
LA
Ð
IÐ
/A
P
04-05 14.5.2004 21:42 Page 2