Fréttablaðið - 15.05.2004, Blaðsíða 22

22 15. maí 2004 LAUGARDAGUR
Margir sigurvegarar í Júróvisjón hafa vakið talsverða athygli og verið eftirminnilegir. En hefur það nokkuð upp á sig að sigra í keppninni?
Eftirminnilegir sigurvegarar
- en hvar eru þau nú?
Dana International
Kynskiptingurinn Dana International frá Ísraelvann Júróvisjónkeppnina 1998 með laginu
Diva. Dana hefur verið iðin við kolann eftir sigur-
inn. Hún hefur ferðast vítt og breitt um heiminn,
haldið tónleika, komið fram í sjónvarpsþáttum og
sungið inn á plötur. Hefur velgengnin þó ekki orð-
ið eins mikil og vonast var eftir í upphafi.
Dana segist hafa átt erfitt uppdráttar í sálarlíf-
inu eftir að hafa slegið í gegn í Júróvisjón. „Það
sem ég man helst eftir að hafa unnið keppnina var
hvað ég var langt niðri,“ sagði hún. „Við unnum
keppnina eftir margra mánaða erfiðisvinnu og eft-
ir að hafa reynt að komast áfram í bransanum í
mörg ár. Hvar var allt gamanið við það að vinna
keppnina? Það eina sem ég man er að eftir að hafa
unnið keppnina sá ég ekkert nema hótelherbergi.“
Dana segist engu að síður vera tilbúin að taka
aftur þátt í Júróvisjón ef henni verður boðin þátt-
taka. „Þetta var frábær reynsla og ég og margir
aðrir eigum yndislegar minningar frá keppninni.
Ef ég fæ tækifæri til að gera þetta allt aftur myndi
ég ekki hika við það,“ sagði Dana að lokum. ■
Olsen-bræðurnir
Olsen-bræðurnir dönsku, Jørgen og Niels, unnu Júróvisjónkeppnina 2000með laginu Fly on the Wings of Love og hefur gengið alveg ágætlega síð-
an. Hafa þeir gefið út hvorki meira né minna en átta plötur eftir sigurinn
enda jukust vinsældir þeirra gífurlega eftir sigurinn í Júróvisjón. Nýjasta
plata þeirra bræðra heitir More Songs og er framhald Songs sem kom út
fyrir fjórum árum. Á báðum þessum plötum syngja þeir lög sem voru í upp-
áhaldi hjá þeim í æsku og setja þau í eigin búning. Þetta eru lög á borð við
Bye Bye Love, You Don’t Have to Say You Love Me og All My Loving. ■
Sandra Kim
Aðeins þrettán ára söng Sandra Kim lagið J’aime la vie,eða Ég elska lífið, fyrir hönd Belgíu í Júróvisjónkeppn-
inni árið 1986 sem var haldin í Bergen í Noregi. Varð hún
þar með yngsti sigurvegari keppninnar frá upphafi og á
sama tíma stjarna á einni nóttu. Smáskífa með laginu
J’aime la vie hefur selst í 1,4 milljónum eintaka síðan það
sló í gegn og 350 þúsund þeirra seldust í heimalandinu
Belgíu. Þetta vorkvöld í Bergen 1986 er okkur Íslendingum
einnig minnisstætt því þá sendum við fyrsta lagið okkar til
keppni; Gleðibankann eftir Magnús Eiríksson sem endaði í
sextánda sætinu fræga.
Sandra Kim heitir réttu nafni Sandra Calderone og held-
ur hún upp á 32 ára afmælið sitt þann 15. október. Eftir að
hún sló í gegn í Júróvisjón hefur hún sungið inn á fjöldann
allan af plötum og notið mikilla vinsælda í heimalandi sínu.
Hefur henni meðal annars verið líkt við bæði Barböru
Streisand og Céline Dion. Kim hefur aldrei stigið aftur á
svið í Júróvisjónkeppninni en hver veit hvað framtíðin ber
í skauti sér? ■
Johnny Logan
Írinn Johnny Logan, eða Seán Pat-rick Michael Sherrard eins og hann
heitir réttu nafni, hefur unnið Júró-
visjónsöngvakeppnina þrisvar sinn-
um, þar af tvisvar sem söngvari. Fyrst
vann hann árið 1980 með laginu
What’s Another Year, næst 1987 með
laginu Hold Me Now og loks árið 1992
með lagi sínu Why Me? sem var sung-
ið af Lindu Martin.
Alls hafa fjögur lög eftir Logan
komist í úrslit Júróvisjón. Árið 1984
lenti lag hans Terminal 3 í öðru sæti
keppninnar og þá söng einmitt Linda
Martin eins og hún gerði í síðasta lagi
hans sem komst í keppnina.
Auk þess að semja mörg lög fyrir
írska Júróvisjónfara samdi Logan
ekki alls fyrir löngu Júróvisjónlagið
The Story of My Life fyrir Holland
sem tók þátt í undankeppninni í ár.
Hann virðist því vera með Júróvisjón-
klær sínar víða úti.
Logan hefur gefið út fjölmargar
plötur á ferli sínum. Auk þess að vera
vinsæll í heimalandi sínu hefur Logan
notið mikilla vinsælda bæði í Dan-
mörku og Þýskalandi. Þess má geta að
kappinn varð fimmtugur þann 13. maí
og óskum við honum að sjálfsögðu til
hamingju með þann merka áfanga. ■
BARNASTJARNAN SANDRA KIM
Hún skaut Íslendingum ref fyrir rass að-
eins 13 ára að aldri árið 1986. Síðan þá
hefur hún gert það nokkuð gott.
HIN ALÞJÓÐLEGA DANA
Hún segist hafa fallið í doða og drunga
eftir sigurinn. Hvar var allt gamanið?
BRÆÐURNIR OLSEN
Þeir hafa gefið út
hvorki meira né minna
en átta plötur eftir sig-
urinn í Júróvisjón árið
2000.
HJARTAKNÚSARINN LOGAN
Johnny Logan á tilkall til þess að
vera Júróvisjónstjarna allra tíma.
Hann hefur sigrað þrisvar.
22-23 euro stjörnur 14.5.2004 15:18 Page 2