Fréttablaðið - 15.05.2004, Blaðsíða 52

40 15. maí 2004 LAUGARDAGUR
■ VEIÐIFRÉTTIR
s í m i 5 5 3 8 0 5 0 • w w w . e c c o . c o m
KOMDU OG UPPLIFÐU!
af völdum tegundum af Receptor skóm alla helgina,
fyrir dömur og herra. Fyrstu 40 fá vasaútvarp með.
15% afsláttur
Sportdagar
Þau Erlingur Óttar Thoroddsen,Dagbjört Hákonardóttir og
Baldvin Kári Sveinbjörnsson fá
það vandasama hlutverk í sumar
að stjórna þættinum Hjartsláttur
á Skjá einum. Krakkarnir taka við
þættinum af Þóru Karítas
Árnadóttur og Maríkó Margréti
Ragnarsdóttur sem hafa stjórnað
honum undanfarin ár.
Tíndi sígarettustubba
„Það er eiginlega löng og flókin
saga hvernig við fengum starfið.
Við sóttum um annað starf en
fengum þetta,“ útskýrir Erlingur
um aðdraganda þess að þau voru
ráðin til að taka við Hjartslætti.
Erlingur og Dagbjört eru bæði
nemendur í Menntaskólanum í
Hamrahlíð, en Baldvin Kári er í
heimspekinámi við Háskóla
Íslands.
„Ég og Erlingur höfum þekkst
síðan í grunnskóla en hann og
Dagbjört kynntust í MH,“ segir
Baldvin Kári, en krakkarnir hafa
unnið saman að myndbandagerð í
ein fimm ár, hafa meðal annars
gert tónlistarmyndbönd og
stuttmyndir.
„Við höfum gert nokkrar
stuttmyndir sem eru hálfgert
drasl en einhver myndbönd eftir
okkur hafa verið sýnd á Skjá
einum og í Sjónvarpinu,“ segir
Baldvin Kári. Krakkarnir hafa
meðal annars gert myndbönd
við tónlist Guitar Islancio en þar
eru hæg heimatökin því
Erlingur er sonur Björns
Thoroddsen gítarleikara. „Pabbi
hefur alla vega verið ánægður
með myndböndin hingað til,“
segir Erlingur og brosir.
Á sumrin hafa krakkarnir
unnið hin ýmsu störf þar á meðal í
unglingavinnunni, í Eymundsson
og á bókasafni. „Ég vann við að
tína upp sígarettustubba hjá
kvikmyndafyrirtæki,“ segir
Baldvin Kári hlæjandi, sem vann
sem aðstoðarmaður á tökustað
þegar verið var að skjóta myndina
Næsland. Þau tóku starfinu því
fegins hendi þegar það bauðst.
Ekki of karlmannlegt
Þóra Karitas og Maríkó
Margrét skiluðu sínum
hlutverkum vel þegar þær
stjórnuðu Hjartslætti. Krakkar-
nir segjast ekki óttast að feta í
fótspor þeirra. „Við erum svo
heppin að við verðum með sama
dagskrárgerðarmanninn, Jón
Þór Þorleifsson, þannig að við
rennum ekki blint í sjóinn,“
segir Baldvin Kári og Dagbjört
bætir við. „Þetta er í raun allt
sama liðið, Hreiðar Þór
Björnsson myndatökumaður er
til dæmis í Hjartsláttargenginu
fjórða sumarið í röð og við
höfum mjög trausta bakhjarla á
Skjá einum sem við getum leitað
til. Okkur líst ofsalega vel á
þetta verkefni og hlökkum
mikið til sumarsins.“
Nýjar áherslur koma með
nýju fólki þótt formið á þæt-
tinum verði hið sama. „Nú koma
tveir strákar inn í þáttinn og það
hlýtur að hafa einhverjar
breytingar í för með sér,“ segir
Baldvin Kári.
„Ekki að ég hafa nokkrar
áhyggjur af því að þetta verði of
karlmannalegur þáttur,“ skýtur
Dagbjört inn í – hörð á sínu.
Kveðja Henson
Henson-gallarnir frægu sem
Þóra Karitas og Maríkó Margrét
kynntu þjóðinni á ný fá að víkja í
sumar. „Minningin um Henson
verður heiðruð en ekki til lofts.
Við verðum öðruvísi klædd – í
borgaralegum klæðum,“ segir
Dagbjört. Erlingur, Dagbjört og
Baldvin Kári útiloka þó ekki að
reyna koma nýrri tískubylgju af
stað. „Það er aldrei að vita,“ segir
Dagbjört.
Stjórnendur Skjás eins hafa
hingað til verið óhræddir við að
prófa nýja þætti en kippa þeim
jafnharðan af dagskrá ef þeir ná
ekki vinsældum. Hjartsláttar-
krakkarnir óttast ekki að þætt-
inum verði kippt af dagskrá.
„Hjartsláttur er rótgróið konsept
á stöðinni og hefur verið mjög
upplýsandi um hvað er að gerast á
sumrin. Ég held að þetta sé frekar
öruggt dæmi. Það er samt aldrei
að vita hvernig þjóðin á eftir að
fíla okkur,“ segir Dagbjört.
„Meikdraumar“
Íslensk dagskrárgerð hefur
átt erfitt uppdráttar síðustu ár
og sjónvarpsstöðvarnar gagn-
rýndar fyrir að sýna ekki meira
af íslensku efni. Hjartsláttar-
krakkarnir segjast þó vera
ánægð með marga af þeim þátt-
um sem hafa verið sýndir. „Það
hafa verið gerðir margir góðir
magasínþættir í vetur eins og
Mósaík og At-ið á RÚV,“ segir
Baldvin Kári.
„Við erum ekki að fara finna
upp hjólið en ég held að þátturinn
verði samt hressilegri en gengur
og gerist,“ bætir Dagbjört við.
„Hjartsláttur hefur verið
hressilegur þáttur og við verðum
að reyna halda uppi þeim
merkjum. Miðað við það sem við
höfum verið að pæla í núna á
þátturinn eftir að verða frekar
skemmtilegur,“ segir Erlingur,
en krakkarnir ætla að reyna
kynna ungar upprennandi
stjörnur í bland við þær eldri.
„Er ekki alltaf einhver að reyna
meika það á Íslandi?“
kristjan@frettabladid.is
HJARTSLÁTTARKRAKKARNIR
Fyrsti Hjartsláttarþátturinn undir stjórn þeirra verður sýndur fimmtudaginn 3. júní.
Nýir þáttastjórnendur hafa tekið við sjónvarpsþættinum Hjartslætti. Nýjar
áherslur með nýju fólki. Henson-gallarnir fá að víkja.
Úr stubbatínslu
í sjónvarpið
Við erum ekki að
fara finna upp
hjólið en ég held að þátt-
urinn verði samt hressilegri
en gengur og gerist.
,,
Það er uppselt í ána [Langá] ísumar og það hefur gengið vel
að selja veiðileyfi fyrir næsta
sumar. Við vorum efsta laxveiðiáin
síðasta sumar og það hefur sitt að
segja,“ sagði Ingvi Hrafn Jónsson
aðspurður spurðum um stöðuna í
Langá á Mýrum fyrir sumarið. Vel
hefur gengið að selja veiðileyfi
almennt, bæði í lax og silung.
„Það hefur gengið vel að selja í
Hrútafjarðará og Breiðdalsá,“ sagði
Þröstur Elliðason hjá
Veiðiþjónustinni Strengjum. Og það
hefur líka selst vel í Minni-
vallarlæk.“
Löngu er uppselt í Leirvogsá og
hefði verið hægt að selja í ána
mörgum sinnum. Talsmenn
Veiðifélags Laxár segja að veiði-
leyfasala gangi vel og í sama streng
taka fleiri sem selja veiðileyfi.
Veiðileyfamarkaðurinn veltir
um 3,5 milljörðum og sífellt fleiri
erlendir veiðimenn koma til að
veiða hér á landi.
Fyrstu veiðiárnar opna 1. júní og
verður spennandi að sjá hvernig
veiðin byrjar. Aðstæður eru fínar
og fiskurinn örugglega á leiðinni,
allavega í Norðurá.
Skemmtinefnd SVFR hættir
Skemmtinefnd Stangaveiði-
félags Reykjavíkur með Brynju
Gunnarsdóttur, Hrefnu Ósk
Benediktsdóttir, Ragnheiði
Thorsteinsson og Þórdísi Klöru
Bridde lét af störfum á síðasta
opna húsi vetrarins og er nú
leitað ljósum logum að nýrri
skemmtinefnd.
„Þetta var orðinn góður tími
og kominn tími til að hætta,“
sagði Brynja Gunnarsdóttir, frá-
farandi formaður skemmti-
nefndar félagsins.
Sigmundur Ófeigsson talaði
um Fnjóksá á opna húsinu, en
ána þekkir hann feiknavel og
hefur oft veitt laxa í henni.
Þá talaði Stefán Jón Hafstein
einnig um silungsveiði. Góð
mæting var á þetta síðasta opna
hús vetrarins. Skemmtinefnd
SVFR hefur séð með ágætum
um árshátíð og opið hús. ■
Á VEIÐUM
GUNNAR BENDER
■ skrifar um veiðiskap.
MOKVEIÐI Í GRENLÆK Holl sem
var við veiðar í Grenlæk í
Fitjaflóðinu fyrir fáum dögum
lenti í sannkallaðri veislu. Stórar
torfur eru af fiski á svæðinu og
veiddi hollið um 300 fiska.
VINNINGSHAFI Kristján P.
Arnarsson hlaut á dögunum
fyrsta vinning hjá Veiðifélaginu
Laxá, en vinningurinn er ekki af
verri endanum, þrír dagar í
Miðfjarðará, í sumar.
NÁMSKEIÐ Í GRÍMSÁ Grímsá í
Borgarfriði er í útboði, en engin
veit hver mun ná henni til sín.
Tíu hafa sótt útboðsgögn. Í næstu
viku á að halda námskeið í sam-
vinnu við Veiðifélag Borgar-
fjarðar, í veiðihúsinu við Grímsá.
Leiðbeinendur á námskeiðinu eru
frá Landbúnaðarháskólanum,
Landssambandi Veiðifélaga og
Veiðimálastofnun.
ÆFINGAR Veiðimenn geta æft sig
víða eins og í Seltjörn, Reynis-
vatni og Hvammsvík. Veiðimaður
sem var í Hvammsvík fyrir fáum
dögum, veiddi feiknavel og
fiskurinn var vænn.
Veiðileyfasala gengur vel:
Uppselt í nokkrar veiðiár
SKEMMTINEFND HÆTTIR
Í nefndinni sátu þær Hrefna Ósk
Benediktsdóttir, Þórdís Klara Bridde, Brynja
Gunnarsdóttir og Ragnheiður Thorsteinsson.
52-53 (40-41) veiði 14.5.2004 15:31 Page 2