Fréttablaðið - 01.10.2004, Blaðsíða 6
VERKFALL Reykjavíkurborg rétt eins
og önnur sveitarfélög á við fjár-
hagsvanda að stríða, segir Árni Þór
Sigurðsson, forseti borgarstjórnar
Reykjavíkur.
„Það er ljóst að fjárhagsstaða
allra sveitarfélaga er þröng,“ seg-
ir Árni. Vandinn sé byggður á vax-
andi verkefnum sveitarfélaganna.
„Fjárhagsstaða sveitarfélaganna
er þó misþröng og það má vel
halda því fram að hún sé kannski
rýmri í Reykjavík heldur en í
mörgum öðrum sveitarfélögum,“
segir Árni.
Vilhjálmur Þ. Vilhjálmsson,
borgarfulltrúi og formaður Sam-
bands íslenskra sveitarfélaga,
segir öllum hafa verið ljóst að
skuldir borgarinnar og borgar-
sjóðs hafi aukist síðustu ár. Borg-
in geti leyst vanda sinn með sölu
eigna fyrir hátt í tvo milljarða. Þá
nýti borgin ekki skattprósentu
sveitarfélaganna til fulls: „Borgin
á ónotaðan tekjustofn sem nemur
750 milljónum króna.“
Árni segir að þrátt fyrir fjár-
hagsvanda borgarinnar og ann-
arra sveitarfélaga sé hann ekki
forsenda þess að sveitarfélögin
vilji ekki hækka laun kennara um-
fram launahækkanir annarra.
„Jafnvel þó að sveitarfélögin
hefðu miklar umframtekjur myndu
þau ekki allt í einu gera samninga
um launahækkanir við eitt stéttar-
félag sem væru langt umfram það
sem gert hefur verið við aðra,“ seg-
ir Árni. Undir það tekur Vilhjálmur.
Árni segir ekki koma til greina
að Reykjavíkurborg leysi verkfall
kennara með því að semja sér við
sína kennara: „Við höfum framselt
okkar vald til launanefndar sveitar-
félaganna sem kosin er á landsþingi
Sambands sveitarfélaganna. Aðeins
landsþingið getur breytt því og það
verður ekki gert.“
gag@frettabladid.is
6 1. október 2004 FÖSTUDAGUR
Borgin mun ekki
grípa inn í deiluna
Fjárhagsstaða Reykjavíkurborgar er slæm eins og annarra sveitarfélaga,
að sögn forseta borgarstjórnar. Hann segir að borgin grípi ekki inn í
samningaviðræður kennara og launanefndar sveitarfélaganna.
VEISTU SVARIÐ?
1Hver er stærsti einstaki hluthafinn íÍslandsbanka?
2Hver var skipaður dómari við Hæsta-rétt í fyrradag
3Hvað heitir fráfarandi landsliðsþjálf-ari í handbolta?
Svörin eru á bls. 50
Staða fjölskyldna fatlaðra barna skelfileg:
Skaðleg áhrif á fötluð börn til frambúðar
VERKFALL Verði lengra rof á skóla-
göngu fatlaðra barna getur það
haft varanleg áhrif á færni
þeirra, segir Tryggvi Sigurðs-
son, sviðstjóri á Greiningarstöð
ríkisins og doktor í sálfræði; sér-
fræðingur í fötlun barna.
„Í sumum tilfellum er líklegt
að áhrifin séu óveruleg en í
mörgum tilfellum tel ég að verk-
fallið geti haft skaðleg áhrif
og það til frambúðar,“ segir
Tryggvi Sigurðsson. Hann segir
rangt að öll börnin vinni upp
missinn með tímanum og mikil-
vægt sé að þau komist sem fyrst
í skóla.
„Rof á meðferð einhverfra
barna getur til dæmis haft þær
afleiðingar að erfitt verði að ná
upp fyrri færni barnanna, hvað
þá að bæta við hana,“ segir
Tryggvi. Hann segir ekki síður
geta orðið erfitt að bæta það
gríðarlega álag sem verði á
fjölskyldur fatlaðra barna við
hið óvænta rof í skólagöngu
barnanna.
„Eftir því sem álagið er meira
á fjölskyldurnar verður hegðun
barnanna erfiðari,“ segir
Tryggvi.
Kjaradeila kennara og sveit-
arfélaga bitni mest á fjölskyld-
um fatlaðra barna. „Staða fjöl-
skyldnanna er vægast sagt
skelfileg í verkfalli kennara.
Börnin fara ekki að vinna. Ekki
er hægt að setja þau í pössun
til ættingja eða skilja þau ein
eftir heima,“ segir Tryggvi
Sigurðsson.
Undanþágunefnd kennara og
sveitarfélaga hyggst hittast í
dag og fara yfir nýja umsókn
sem barst, eina endurnýjaða og
fjórar sem frestað var á síðasta
fundi. ■
TRYGGVI SIGURÐSSON
Segir verkfall kennara skapa mikla spennu
í samskiptum foreldra fatlaðra barna og
barnanna sjálfra.
Ellefti dagur verkfalls:
Mikið á milli
VERKFALL Ljóst er að menn verða að
snúa sjónarmiðum sínum til ef þeir
ætla að ná saman, segir Ásmundur
Stefánsson ríkissáttasemjari.
Fundur stóð í sjö og hálfa klukku-
stund í Karphúsinu í gær.
„Í samningalotunni allri er búið
að fara nánast yfir allar mögulegar
hugmyndir og því erfitt að finna
nokkuð sem menn hafa ekki talað
um áður,“ segir Ásmundur: „Það er
jákvætt að menn tala saman en
mér er ljóst að mikið bil er á milli
deilenda.“ ■
FRAM HJÁ STJÓRNARRÁÐINU
Kennarar gengu fylktu liði í gær.
FR
ÉT
TA
B
LA
Ð
IÐ
/G
VA
ÓLAFUR LOFTSSON
Segir almennt talað um, meðal kennara,
að furðulegt sé að þeir sem beri ábyrgð á
menntamálum hjá borginni og ríkinu skuli
vera svo lengi í útlöndum þegar verkfall sé
í landinu.
Kennarar í verkfalli:
Fá enga
svörun
VERKFALL Um eitt þúsund kennarar
mættu við húsakynni ríkissátta-
semjara við upphaf fundar samn-
inganefnda kennara og sveitar-
félaga. Þeir komu til að lýsa yfir
stuðningi við samninganefnd sína
á tíunda degi verkfalls.
Kennarar fóru víðar um bæinn.
Þeir hópuðust saman í Ráðhúsinu
þar sem þeir vildu kynna borgar-
stjóra sjónarmið sín og gengu
fylktu liði í menntamálaráðu-
neytið í sömu erindagjörðum.
Hvorki borgarstjóri né mennta-
málaráðherra voru á landinu.
Ólafur Loftsson formaður
Kennarafélags Reykjavíkur segir
kröfu kennara að pólitískt kjörnir
fulltrúar hætti að skýla sig á bak
við launanefnd sveitarfélaga. „Það
eru einfaldar spurningar sem
brenna á kennurum og enginn
tjáir sig um málið aðrir en launa-
nefndin. Það er ósköp þægileg
staða þegar pólitískt kjörinn
maður þarf ekki að taka afstöðu til
slíkra mála,“ segir Ólafur. Hann
segist ekki átta sig ekki á því hvort
áhugaleysi sveitarstjórnamanna
sé svona mikið, hvort um hollustu
við samninganefndina sé að ræða
eða hræðslu. ■
FR
ÉT
TA
B
LA
Ð
IÐ
/G
VA
VIÐ MENNTAMÁLARÁÐUNEYTIÐ
Vilhjálmur Þ. Vilhjálmsson og Árni Þór Sig-
urðsson segja að þó sveitarfélögin ættu
nægilegt fé til að ganga að kröfum kenn-
ara yrði það ekki gert.
ÁRNI ÞÓR
SIGURÐSSON
VILHJÁLMUR Þ.
VILHJÁLMSSON