Fréttablaðið - 01.10.2004, Blaðsíða 49
FÖSTUDAGUR 1. október 2004
Fjárskortur hjá Sundsambandinu
Aðeins tveir íslenskir sundmenn taka þátt í heimsmeistaramótinu í sundi sem fram fer í
Bandaríkjunum í næstu viku. Einkaaðili verður að fjármagna keppendurna þar sem Sund-
samband Íslands er févana.
SUND Ragnheiður Ragnarsdóttir og
Hjörtur Már Reynisson munu
keppa fyrir Íslands hönd á Heims-
meistaramótinu í sundi í 25 metra
laug en mótið hefst í Bandaríkjun-
um á fimmtudaginn kemur. Sund-
fólkið hefur að mestu sjálft séð
um að fjármagna ferð sína á mót-
ið en Sundsamband Íslands hefur
aldrei sent keppendur á þetta
sterka mót.
Á mótinu sem fram fer í Indi-
anapolis dagana 7. - 11. október
taka allir bestu sundmenn heims
þátt og verður á brattann að
sækja fyrir Íslendingana. Ragn-
heiður, sem er úr Sundfélagi
Hafnarfjarðar, mun keppa í fimm
greinum á mótinu en Hjörtur, frá
sunddeild KR, í þremur og þurfa
bæði að synda á sínum allra bestu
tímum til að eiga von um að kom-
ast áleiðis í greinum sínum.
Ekki á vegum SSÍ
Athygli vekur að sundmennirn-
ir fara ekki á vegum Sundsam-
bands Íslands heldur hafa þau að
mestu sjálf séð um að fjármagna
þáttöku sína sjálf og er Gáma-
þjónustan helsti styrktaraðili
þeirra í þetta sinn.
Óskar Örn Guðbrandsson,
framkvæmdastjóri Sundsam-
bandsins, segir sambandið aldrei
hafa sent keppendur á þetta mót
heldur einblínt á Evrópumótið í
staðinn. „Það helgast að miklu
leyti af fjárskorti hjá sambandinu
en ekki að við viljum ekki taka
þátt. Við hins vegar verðum að
velja og hafna og höfum hingað til
frekar tekið þátt í Evrópumótinu
en Heimsmeistaramótinu. Hins
vegar stendur sambandið alveg að
baki þeim Ragnheiði og Hirti og
hefur tekið þátt í að fá tilskilin
leyfi og styrki frá Alþjóðasund-
sambandinu.“
Í fjáröflunarskyni fer fram
sundmót á Lækjartorgi í miðbæ
Reykjavíkur klukkan tvö á
morgun. Þar munu þau Ragn-
heiður og Hjörtur etja kappi við
þekkta einstaklinga í fimm
metra löngum gám og er ætlunin
að reyna að fá skráð heimsmet
fyrir vikið.
albert@frettabladid.is
RAGNHEIÐUR OG HJÖRTUR Eru einu íslensku keppendurnir á heimsmeistaramótinu í
sundi sem fram fer á næstunni. Um afar sterkt mót er að ræða þar sem allar helstu
stjörnur sundíþóttarinnar koma saman. Fréttablaðið/Pjetur Sigurðsson