Fréttablaðið - 01.10.2004, Blaðsíða 20

20 1. október 2004 FÖSTUDAGUR
RÁÐVILLTUR FLÆMINGI
Hinn fertugi karlkyns flæmingi Andy hefur
valdið starfsmönnum í dýragarði í
Gloucesterskíri í Bretlandi miklum heila-
brotum að undanförnu. Hann fór allt í
einu að standa vörð um steinvölu eins og
hún væri egg, steinvölunni var skipt út fyrir
timburegg og áfram stendur Andy vörð.
Venjan er að kvenflæmingjar standi vörð
um egg sín.
Geimfar einkaaðila:
Aftur út í
geiminn
BANDARÍKIN, AP SpaceShipOne varð
fyrsta geimfarið, byggt alfarið af
einkaaðilum án aðkomu ríkis-
valdsins, til að fljúga tvisvar út í
geiminn þegar því var flogið í
rúmlega hundrað kílómetra hæð
yfir jörðu. Til að hreppa rúmlega
700 milljóna króna verðlaun
verður að endurtaka flugið innan
tveggja vikna. Verðlaunin eru
veitt fyrstu framleiðendunum
sem sýna fram á að þeir hafi
byggt nothæft geimfar.
„Þetta var gaman,“ sagði geim-
farinn Michael Melvill þegar
hann var lentur í eyðimörkinni
Mojave í Kaliforníu. Ferðin gekk
ekki áfallalaust því geimfarið
ofreis hátt í þrjátíu sinnum á ferð
sinni út í geiminn. ■
Aldraðra bíður
áhyggjulaust ævikvöld
Eldri borgarar verða yfirstétt í framtíðinni, ekki byrði á unga fólkinu og hinu opinbera. Ráðstöf-
unartekjur íslenskra ellilífeyrisþega eru betri en jafnaldra þeirra á hinum Norðurlöndunum.
ALDRAÐIR Ellilífeyrisþegar munu
búa við trausta afkomu í framtíð-
inni og verða óháðir vilja vinnandi
fólks til að sjá þeim farborða og
veita þeim þjónustu. Að þessu
hefur Ásmundur Stefánsson, hag-
fræðingur og ríkissáttasemjari,
komist en hann flutti erindi um
málið á fundi Tryggingastofnunar
á dögunum undir yfirskriftinni
Aldraðir – yfirstétt framtíðarinnar.
Í máli Ásmundar kom fram að
viðtekin skoðun sé að aldraðir
verði vandamál í samfélagi fram-
tíðarinnar. Þeim fjölgi hratt og
fyrir vikið þurfi vinnandi fólk
fyrir sífellt fleirum að sjá. Heil-
brigðiskerfið verði stöðugt dýr-
ara, fjárhagur hins opinbera
versni stig af stigi og aldraðir
muni búa við fátækt og ekki fá
viðunandi hjúkrunarþjónustu.
Athuganir hans leiða hins
vegar í ljós að þessu verður þver-
öfugt farið. Ellilífeyrisþegar
munu hafa stöðugar tekjur nánast
óháð dyntum stjórnvalda á hverj-
um tíma og óháð hagsveiflum.
Framfærsla þeirra verður ekki
vandamál í hörðu árferði heldur
munu ellilífeyrisþegar viðhalda
eftirspurn á samdráttartímum
með reglubundnum tekjum sín-
um. Raunar líkir Ásmundur líf-
eyrisþegum framtíðarinnar við
jarðeigendur miðalda sem lifðu á
jarðarentu sinni.
Ein helsta ástæða niðurstöðu
Ásmundar er sú staðreynd að
réttindi til greiðslna úr lífeyris-
sjóðum hafa aukist að undanförnu
og munu aukast enn á næstu ára-
tugum. Þá segir séreignasparnað-
urinn sitt þegar þar að kemur.
Útreikningar hans leggjast svo
ofan á þá staðreynd að fjárhags-
staða íslenskra ellilífeyrisþega er
góð, í það minnsta í samanburði
við hin Norðurlöndin. Íslenskur
ellilífeyrisþegi hefur hærri
ráðstöfunartekjur en danskur,
finnskur, norskur eða sænskur og
er munurinn frá 11 og upp í 34
prósent. Því til viðbótar býr þorri
íslenskra ellilífeyrisþega í eigin
húsnæði og margur á allt sitt
skuldlaust.
bjorn@frettabladid.is
Þjófnaður:
Brotist inn
í 16 bíla
LÖGREGLUMÁL Brotist var inn í
sextán bíla á Akureyri í fyrrinótt.
Rúður voru brotnar í þrettán
bílum á bílastæðinu við Akureyr-
arflugvöll og þremur við Fisk-
vinnslu Brims.
Svo virðist sem þjófurinn hafi
einungis sóst eftir peningum því
ekkert annað var tekið úr
bílunum. Lögregla segir að sá eða
þeir sem hafi verið að verki hafi
gefið sér góðan tíma til að gramsa
í bílunum í leit að fé.
Málið er óupplýst og óskar lög-
reglan á Akureyri eftir upplýsing-
um um grunsamlegar manna-
ferðir í bænum þessa nótt. ■
Kosningar í Úkraínu:
Ásakanir um
hlutdrægni
KÆNUGARÐUR,AP Óvíst er hvort
framkvæmd fyrirhugaðra forseta-
kosninga í Úkraínu standist al-
þjóðleg viðmið. Sendinefnd Evr-
ópuráðsins sem komin er til Úkra-
ínu til að fylgjast með framkvæmd
kosninganna lýsti þessu yfir í dag.
Aðstöðumunur frambjóðenda
þegar kemur að fjölmiðlaumfjöllun
og fleiri atriðum er að mati nefnd-
arinnar slíkur að gera verði ráð-
stafanir til að leiðrétta hann í tæka
tíð fyrir kosningarnar sem fram
fara 31. október.
Mannréttindasamtök hafa bent
á margvísleg brot á kosninga-
reglum í aðdraganda kosninganna.
Eru fjölmiðlar sagðir draga taum
Viktors Yanukovych sem nýtur
stuðnings fráfarandi forseta,
Leonids Kuchma. ■
■ ÍRAK
MICHAEL HOWARD
Sagði ráðamenn hafa logið mörgu að
breskum almenningi.
Leiðtogi íhaldsmanna:
Segir Blair
hafa logið
BRETLAND, AP Tony Blair, forsætis-
ráðherra Bretlands, laug að al-
menningi í aðdraganda innrásar-
innar í Írak, sagði Michael
Howard, leiðtogi breskra íhalds-
manna, í viðtali við vikuritið New
Statesman. Howard sagði bresku
stjórnina hafa logið til um margt
en að ekkert hefði dregið meira úr
trausti almennings á valdhöfum
en lygar um Írak.
„Þetta er einfaldlega ósatt.
Hann veit að það er ósatt að Blair
eða nokkur annar ráðherra hafi
logið,“ sagði Jack Straw utanríkis-
ráðherra þegar hann andmælti
fullyrðingu Howards. ■
FRAMTÍ‹ARHÓPUR
Samfylkingarinnar
Framtí›arhópur Samfylkingarinnar bo›ar
til opins fundar í I›nó
laugardaginn 2. október kl. 11:00-13:00
L‡›ræ›isástandi› á Íslandi
- hvar er úrbóta flörf?
Frummælendur:
Ragnar A›alsteinsson hrl - L‡›ræ›i sem fláttur
í íslenskri stjórnskipan.
Kristín Ástgeirsdóttir sagnfræ›ingur - Frá fulltrúa-
l‡›ræ›i til flátttökul‡›ræ›is.
Birgir Hermannsson stjórnmálafræ›ingur - Styrking
l‡›ræ›is - lei›ir til framtí›ar.
Fundurinn er öllum opinn. Morgunver›ur kr. 1.200.
Fundarstjóri er Bryndís Hlö›versdóttir alflingisma›ur.
Sjá nánari á www.framtid.is
KÁRAHNJÚKAR Vinnubúðir Impreg-
ilo við Kárahnjúkavirkjun hafa nú
verið tengdar netinu auk þess sem
símasamband við umheiminn
hefur verið bætt í kjölfar samn-
ings fyrirtækisins við Atlassíma
um rekstur samskiptamiðstöðvar
fyrir starfsmenn.
„Alls hafa verið settar upp 10
miðstöðvar á vinnusvæðinu og
geta starfsmenn fyrirtækisins nú
hringt beint til síns heima úr
símabásum miðstöðvanna. Að
auki hafa verið settar upp tölvur
með netaðgangi sem starfsmenn
geta keypt aðgang að í hálftíma
eða klukkutíma í senn,“ segir
Ómar Ægisson, framkvæmda-
stjóri hjá Atlassíma, og bætir við
að nú geti starfsmenn Impregilo
loks á einfaldan og fljótlegan
máta fengið fregnir frá heima-
slóðum.
Massimiliano Caminzuli, einn
yfirmanna Impregilo, segir um
mikla bót að ræða fyrir starfs-
menn og að samskiptamiðstöðv-
arnar hafi mælst vel fyrir, enda
sé almennt ekki fastlínusamband
í gistiskálum og tíð símtöl til út-
landa gegnum farsímakerfið séu
dýr. ■
Atlassími semur við Impregilo:
Kárahnjúkar í netsamband
FAGNAÐ Á JÖRÐU NIÐRI
81 mínúta leið frá því að geimfarinu var sleppt úr flugvél þar til
það lenti.
VIÐ SÍMSTÖÐ ATLASSÍMA Í MIÐBÆ REYKJAVÍKUR
Ómar Ægisson, framkvæmdastjóri Atlassíma og Massimiliano Caminzuli, einn yfirmanna
Impregilo.
TÍU GÍSLAR TEKNIR Samtök sem
nefna sig Íslamska herinn í Írak
segjast hafa tekið tíu manns í
gíslingu í gær. Flestir gíslarnir
eru sagðir Írakar, sex talsins, en
einnig eru tveir Líbanar og tvær
indónesískar konur sögð á meðal
gíslanna.
EKKERT AÐ ÓTTAST
Ungviðið þarf ekki að óttast afkomuna á efri árum, samkvæmt niðurstöðu Ásmundar Stefánssonar.
FR
ÉT
TA
B
LA
Ð
IÐ
/S
TE
FÁ
N