Fréttablaðið - 03.10.2004, Blaðsíða 40
SUNNUDAGUR 3. október 2004 21
gefa plöturnar sínar og svo hefur
Zonet útgáfan tekið að sér dreif-
ingu þeirra hér á landi.
Plöturnar endurútgefnar
Fyrsta hljómplata Árna, Bassus
Erectus, kom út fyrir um það bil
aldarfjórðungi. Hún var nýlega
endurútgefin undir heitinu
Bassus Re-Surrectus.
„Ég hafði unnið þarna baki
brotnu í stúdíóunum. Á þessum
tíma voru allar þessar stóru
djassstjörnur að spila með
manni, og menn voru alltaf að
prófa nýja hluti. En þetta hefur
breyst mikið. Núna er þetta orð-
ið meira sinfóníuhljómsveitar-
legt einhvern veginn. Það eru
komnir svo miklir „special
effectar“ í myndirnar, að tónlist-
in má helst ekki heyrast of mik-
ið.“
Árni hefur í gegnum tíðina
starfað mikið með sömu tón-
skáldunum, sem hafa leitað til
hans aftur og aftur. Þar á meðal
er fyrrnefndur vinur hans,
Bruce Broughton, sem hefur níu
sinnum hlotið Emmy-verðlaun
fyrir kvikmyndatónlist sína, nú
síðast í september fyrir tónlist-
ina í Eloise at Christmas, sem er
með Julie Andrews í aðalhlut-
verki.
Ekki sokkinn ennþá
Úti í Kaliforníu býr Árni ásamt
eiginkonu sinni skammt fyrir
norðan Los Angeles, í litlum
hafnarbæ sem heitir Oxnard.
„Þetta er svo yndislegur stað-
ur. Við höfum búið þarna í sex ár,
og þetta er eins og að búa í báta-
höfn. Bryggjan er bara rétt fyrir
aftan okkur, eiginlega úti í
garði.“
Árni skreppur gjarnan út að
sigla, og svo fara ómældar stund-
ir í að dytta að bátnum.
„Konan mín lakkar hann og ég
geri svo restina. En það eru
aldrei til nógir peningar til að
gera allt sem þarf fyrir svona
bát. Hann hefur þó ekki sokkið
hjá okkur ennþá.“
MEÐ BASSANN HANS BJARNA BÖ
Árni Egilsson hefur látið gera upp gamla
bassann hans Bjarna Böðvarssonar, föður
Ragga Bjarna, og notar þennan sögufræga
bassa jafnan þegar hann spilar hér á landi.
Jóhann Ásmundsson
í Mezzoforte
„Ég hef náttúrlega hlustað á hann frá því að
hann gaf út fyrstu plötuna sína, þótt ég hafi
ekkert kynnst honum fyrr en á þessu ári,“
segir Jóhann Ásmundsson bassaleikari,
meðal annars í Mezzoforte. „Í mínum huga
er enginn vafi á því að hann er einn af fær-
ustu mönnum á sínu sviði. Hann hefur yfir
að ráða afburðatækni. Þessi fyrsta plata
hans er líka mjög merkileg. Þegar maður
hlustar á hana í dag áttar maður sig á því
hvað hún hefur verið langt á undan sinni
samtíð.“
Þórður Högnason
kontrabassaleikari
„Mér hefur alltaf skilist að hann sé í því
starfi sem allir bassaleikarar í heiminum
vildu vera í, að minnsta kosti þeir sem eru
jafnvígir á djass og klassík eins og hann,“
segir Þórður Högnason kontrabassaleikari.
„Eins og margir fleiri hlustaði ég mikið á
fyrstu plötuna hans, Bassus Erectus, og hún
hafði mikil áhrif á mig þegar ég var að byrja
sjálfur. Svo keypti ég hana aftur um daginn
á geisladisk, og það kom mér svolítið á óvart
hvað hún hefur elst vel. Hún er alveg jafn
fersk og þegar hún kom út.“
Jón Rafnsson
kontrabassaleikari
„Þegar Árni gaf út plötuna Bassus Erectus
var ég ungur kontrabassanemandi og keypti
að sjálfsögðu þessa plötu og drakk hana í
mig,“ segir Jón Rafnsson, sem meðal annars
hefur spilað með Guitar Islancio. „Hann
hafði uppörvandi áhrif á mig þegar ég var
ungur, og síðan hef ég fylgst vel með Árna
og því sem hann hefur verið að gera. Mér
finnst hann flott tónskáld og hann væri held-
ur ekkert í þessari stöðu úti í Los Angeles ef
hann væri ekki góður bassaleikari.“
Myndirnar
Þessi listi sýnir aðeins brot af
þeim aragrúa kvikmynda, sem
Árni hefur sett mark sitt á með
bassaleik sínum. Hann hefur
spilað inn á meira en þrjú
þúsund kvikmyndir og sjónvarps-
þætti, og enginn núlifandi bassa-
leikari mun hafa leikið inn á fleiri
myndir en hann.
Princess Diaries 2 (2004)
Monster’s Inc (2001)
Princess Diaries (2001)
Toy Story 2 (1999)
A Bug’s Life (1998)
Airforce One (1997)
Titanic (1997)
Appollo 13 (1995)
Toy Story (1995)
Hook (1991)
Coccoon (1985)
Raiders of the Lost Ark (1981)
Patton (1970)
Planet of the Apes (1968)
HVAÐ SEGJA AÐRIR BASSALEIKARAR UM ÁRNA: Hrifust af honum ungir