Fréttablaðið - 03.10.2004, Blaðsíða 16

sem um leiguhúsnæði væri að
ræða og bætti við að fyrir sömu
upphæð hefði mátt byggja eða
kaupa samsvarandi húsnæði.
Talsverður urgur var í samfélag-
inu vegna málsins enda þótti
mörgum að þingmenn hefðu gert
heldur vel við sig þegar leðursóf-
ar, húsgögn úr eðalviði og raftæki
af nýjustu gerð blöstu við lands-
mönnum í fjölmiðlum.
Umfangsmikið Alþingi
Alþingi er stærri stofnun en
margan grunar og má segja að
starfsemi þess teygi anga sína út
um alla Kvosina. Auk húsa á Al-
þingisreitnum svonefnda og við
Austurstræti þá leigir stofnunin
geymsluhúsnæði við Ægisgötu í
Reykjavík að ógleymdu Jónshúsi í
Kaupmannahöfn sem Alþingi hef-
ur í umsjá sinni. Jafnframt er Al-
þingi einn stærsti
vinnustaður mið-
borgarinnar og
ólíkt mörgum
fyrirtækjum
sem flutt
h a f a
s t a r f -
semi
sína þaðan er ekkert fararsnið á
löggjafanum. 97 manns vinna í
fullu starfi hjá þinginu við ýmis
verkefni, svo sem ræstingar,
ræðuritun og vörslu af ýmsu tagi.
Ef bætt er við þingmönnunum 63
og aðstoðarfólki þeirra þá er hóp-
urinn við Austurvöll orðinn dá-
góður. Alþingistíðindi eru tölvu-
skönnuð í Ólafsfirði og af því hafa
tveir einstaklingar lifibrauð sitt,
efnisyfirlit ritsins er unnið á
Hvammstanga en einnig er starfs-
fólk Jónshúss á launaskrá þings-
ins. Þar að auki má telja með tvær
stofnanir Alþingis, Ríkisendur-
skoðun og umboðsmann Alþingis
en þar vinna samtals um 60
manns.
Margir Íslendingar hafa
þannig afkomu sína af starfsemi
löggjafans en þrátt fyrir það star-
fa færri hjá Alþingi en hjá þjóð-
þingum nágrannalandanna, meira
að segja hlutfallslega. Og hvað
sem hérlendri eyðslusemi líður þá
mega Íslendingar ef til vill vel við
una. Skotar eru um þessar mundir
að taka nýtt þinghús í notkun og
fór kostnaður við byggingu þess
tífalt fram úr upphaflegum áætl-
unum, hann endaði í litlum 56
milljörðum íslenskra króna. Þá er
kannski mál að rífa hár sitt og
skegg.
sveinng@frettabladid.is
SUNNUDAGUR 3. október 2004
SMÁAUGLÝSINGAR ALLA DAGA

Smáauglýsingasíminn er 550 5000

auglysingar@frettabladid.is
- mest lesna blað landsins
ALÞINGISREITURINN OG
NÁGRENNI HANS Merktu
svæðin sýna þau hús sem Al-
þingi ýmist á eða hefur á leigu.
AUSTURSTRÆTI 8-10 Ríkisendur-
skoðun gagnrýndi harðlega hvernig
staðið var að verkinu enda kostaði það
87% meira en ráð var fyrir gert.
SKÁLINN GÓÐI Kostaði
ríflega 800 milljónir.
FR
ÉT
TA
B
LA
Ð
IÐ
/V
IL
H
EL
M
B
O
RG
AR
VE
FS
JÁ
: M
YN
D
Ú
R
LU
KR