Fréttablaðið - 03.10.2004, Blaðsíða 43

24 3. október 2004 SUNNUDAGUR
Við hrósum...
...Keflvíkingum fyrir glæsilegan dag í Laugardalnum í gær. Leikmenn liðsins
unnu öruggan sigur á KA-mönnum, 3-0, og í stúkunni fór ekki á milli mála
hverjir réðu ferðinni. Stuðningsmenn Keflavíkur voru hins vegar afskaplega
drengilegir og reyndu hvað þeir gátu til að fá stuðningsmenn KA til að taka
bylgur og fleira til að skapa stemningu – við litlar undirtektir Norðanmanna.
„Ég veit ekki hvað ég geri á næsta ári. Það
er ekki enn komið í ljós hvort ég þjálfa
Keflavík áfram.“
Milan Stefán Jankovic ,þjálfari Keflvíkinga er ekki viss um að
hann stýri liðinu áfram þrátt fyrir að hafa landað titli í gær.sport@frettabladid.is
FÓTBOLTI „Ég lofaði sjálfum mér að
koma hingað aftur og vinna eftir
að ég tapaði bikarúrslitaleiknum
fyrir tíu árum sem leikmaður
Grindavíkur. Nú hefur það ræst
og þetta er fallegasta stundin sem
ég hef átt á Íslandi,“ sagði Milan
Stefán Jankovic, þjálfari Keflvík-
inga, í samtali við Fréttablaðið
eftir að lærisveinar hans höfðu
lagt KA að velli, 3-0, og tryggt fé-
laginu sigur í VISA-bikar karla í
knattspyrnu í gær.
Keflvíkingar fengu óskabyrjun
þegar þeir komust yfir strax á 11.
mínútu en þá átti afmælisbarnið
Scott Ramsey, sem var 29 ára í
gær, frábæran sprett sem endaði
með því að Daninn Ronni Hartvig
braut á Ramsey innan vítateigs.
Kristinn Jakobsson, dómari leiks-
ins, dæmdi réttilega vítaspyrnu
og úr henni skoraði Þórarinn
Kristjánsson af öryggi. Stundar-
fjórðungi síðar bætti Þórarinn
öðru marki við eftir fallegan und-
irbúning þeirra Zorans Daníels
Ljubicic og Hólmars Rúnarssonar
og við markið var sem allur vind-
ur væri úr KA-mönnum. Þeir
gerðu þó heiðarlegar tilraunir til
að sækja í síðari hálfleik en þær
tilraunir voru flestar vonlausar.
KA-menn fengu þó aragrúa af
hornspyrnum í síðari hálfleik en
tókst ekki, þrátt fyrir góðan vilja
og baráttu að nýta eina einustu
þeirra. Undir lokin skoraði Hörð-
ur Sveinsson síðan þriðja mark
Keflvíkinga eftir að KA-menn
höfðu flutt nánast alla sína menn
fram og lítið var um varnir. Áður
hafði Sandor Matus, markvörður
KA-manna, varið frá Scott Rams-
ey og Þórarni Kristjánssyni eftir
að þeir höfðu komist einir í geng-
um vörn KA-liðsins.
Keflvíkingar voru vel að
sigrinum komnir. Þeir voru tauga-
óstyrkir í byrjun leiks en eftir að
skjálftinn var farinn úr þeim réðu
þeir lögum og lofum á vellinum.
Scott Ramsey var í fínu formi á
vinstri kantinum og í framlínu
liðsins var Þórarinn Kristjánsson
mjög ógnandi. Hann kórónaði
mjög gott tímabil með því að
skora tvö mörk en hefði að ósekju
mátt fullkomna þrennuna með því
að nýta eitthvert af þeim dauða-
færum sem hann fékk. Jónas
Guðni Sævarsson var eins og
kóngur í ríki sínu á miðjunni og
þessi 21 árs gamli strákur spilaði
eins og hann hefði lítið gert annað
um ævina en að spila úrslitaleiki.
Annars var þessi sigur Keflvík-
inga sigur liðsheildarinnar og Mil-
ans Stefáns Jankovic, þjálfara
liðsins.
KA-menn reyndu hvað þeir
gátu en höfðu ekki erindi sem erf-
iði. Þetta er annað áfallið sem lið-
ið verður fyrir á tveimur vikum
en eins og Hreinn Hringsson,
framherji KA-manna, orðaði það
við blaðamann Fréttablaðsins eft-
ir leikinn: „Við gátum ekki meira
og áttum ekki meira skilið.“
oskar@frettabladid.is
SÁTTIR SUÐURNESJAMENN Að ofan fagna Keflvíkingar einu marka sinna í leiknum.
Fresmtur í flokki er besti maður vallarsins í gær, Jónas Guðni Sævarsson.
Fréttablaðið/E.Ól.
Fallegasta stundin á Íslandi
Milan Stefán Jankovic, þjálfari Keflvíkinga, stóð uppi sem sigurvegari í gær, tíu árum eftir að hann tapaði úrslitaleik í
bikarnum sem leikmaður Grindavíkur. Þórarinn Kristjánsson skoraði tvö mörk fyrir Keflavík í öruggum sigri á KA, 3-0.
N‡jar og nota›ar vinnuvélar
Sýndum þeim myndbönd frá 1997
Jakob Jónharðsson var fyrirliði Keflavíkur
fyrir sjö árum þegar þeir unnu bikarkeppn-
ina síðast en hann er nú aðstoðarþjálfari
liðsins. „Ég hafði spilað hér áður bæði í
sigurliði og tapliði. Það er ólýsanlegt til-
finning að standa upp með bikarinn og við
lögðum upp með það alla vikuna að skila
því til strákanna sem að maður hafði sjálf-
ur upplifað. Við vorum með myndbönd og
fleira frá því að Keflavík vann bikarinn síð-
ast 1997 og sýndum strákunum hvað
þetta er æðisleg stund. Þeir hafa greinilega
tekið vel eftir og fá því að upplifa þetta
núna,“ sagði Jakob sem var ánægður með
liðið. „Við vorum ákveðnir strax frá upphafi
leiks. Við fundum það strax í klefanum að
það var góð stemning í liðinu, við ætl-
uðum okkur bikarinn og kláruðum þennan
leik með stæl. Þetta er örugglega ekki síð-
asti titillinn sem þessir strákar eiga eftir að
koma með til Keflavíkur. Þetta eru ungir
strákar og ef við höldum öllum þessum
leikmönnum í Keflavík þá er hægt að gera
úr þessu mjög gott lið,“ sagði Jakob sáttur.
Vill spila áfram á Íslandi
Scott Ramsey fékk góða afmælisgjöf frá fé-
lögum hans í liðinu en þessi snjalli Skoti
átti reyndar stóran þátt í gjöfinni með því
að eiga mjög góðan leik og fiska vítið sem
færði liðinu forustu í leiknum strax á ell-
eftu mínútu. „Við áttum þetta skilið, vor-
um betri í þessum leik og hefðum alveg
eins getað skorað fleiri mörk og þetta var
góður leikur hjá okkur. Við erum með ungt
og gott lið og það verður mjög fróðlegt að
fylgjast með hvað þetta lið gerir á næsta
tímabili,“ segir Scott. „Við vorum að gera
ágæta hluti í vor í deildarbikarnum en
þetta var stórt skref fyrir okkur að koma
upp í úrvalsdeildina. Við vorum að spila
vel og illa á víxl og það var því gott að
geta endað þetta tímabil með sigri á degi
sem þessum. Ég vil spila áfram á Íslandi
en ég hef ekkert talað við Keflvíkinga um
framhaldið. Ég mun tala við þá í vikunni
því ég vil spila áfram hér á landi og mér
finnst ég passa vel inn í þetta Keflavíkur-
lið,“ sagði Scott Ramsey í leikslok en hann
var að vinna sinn fyrsta stóra titil á Íslandi
eftir að hafa spilað hér í sex ár.
Fyrstir til þess að halda hreinu
„Þetta var alveg frábært að enda tímabilið
með því að taka bikarinn. Það var að sjálf-
sögðu smá stress í manni þegar maður
gekk út á völlinn en eftir að leikurinn var
farinn í gang þá fann maður ekki fyrir því.
Þetta var góður leikur hjá okkur þótt við
hefðum spilað verr í seinni hálfleik og við
gátum alveg bætt á þá mörkum. Allt liðið
var að spila vel og við gerðum þetta sam-
an sem ein liðsheild. Það var frábært að
fara í gegnum bikarkeppnina með því að
halda hreinu og við erum fyrsta liðið sem
gerir það,“ sagði varnarmaðurinn Haraldur
Guðmundsson sem átti mjög góðan leik í
miðri vörn Keflavíkurliðsins sem spilaði all-
ar 450 mínúturnar í VISA-bikarnum í sum-
ar án þess að fá á sig mark. „Við erum í
þessu til þess að vinna titla og það er bara
vonandi að við náum að bæta nokkrum
við á næstu árum. Ég held að við höfum
sýnt það í sumar að við getum unnið
hvaða lið sem er en við getum líka tapað
fyrir öllum. Við vorum algjört jó-jó-lið í
deildinni en við vorum að koma upp, náð-
um fimmta sætinu og bætum núna bik-
arnum við þannig að ég er alveg fyllilega
sáttur við sumarið,“ sagði Haraldur.
Þórarinn Kristjánsson, sem er með lausan samning hjá Keflavík, skoraði tvö mörk í gær:
Ég trúi ekki öðru en að þeir vilji mig
FÓTBOLTI Þórarinn Kristjánsson var
vissulega tvisvar sinnum nálægt
því að ná þrennu í bikarúrslita-
leiknum gegn KA í gær en tvö
mörk og bikarmeistaratitill hljóta
að gera þennan dag af einum af
þeim bestu.
„Það er erfitt að fá betri dag en
þennan. Ég hefði getað skorað
þrennu en maður var fljótur að
gleyma því þegar bikarinn var
kominn í hús. Þetta er frábær
stund fyrir félagið, klúbbinn, leik-
mennina, stjórnina og alla þá sem
koma að Keflavíkurliðinu og ég er
alveg þvílíkt ánægður með þetta.
Við megum ekki gleyma því að við
komum upp úr 1. deildinni í fyrra
og fimmta sætið er alveg viðeign-
andi árangur fyrir þetta lið á þess-
um tíma. Þó svo að við séum með
hörkulið þá tekur alltaf tíma að
koma sér inn í deildina aftur og nú
stefnum við bara ofar. Það kemur
reynsla með hverjum leik og hver-
ju tímabili. Ef við höldum áfram að
vinna með þetta lið þá getur á end-
anum enginn stoppað okkur,“ sagði
Þórarinn sem er með lausan samn-
ing.
„Ég hef ekki hugmynd um hvað
verður um mig. Samningurinn við
Keflavík rennur út um miðjan
október. Ég trúi ekki öðru en að
þeir vilji hafa mig áfram. Ég skor-
aði reyndar níu mörk í deildinni
fyrir tveimur árum og 14 mörk í 1.
deildinni í fyrra en ég held samt að
þetta sé langbesta tímabilið mitt,“
sagði Þórarinn kristjánsson sem
skoraði 10 mörk í Landsbanka-
deildinni í sumar. ooj@frettabladid.is
1–0 Þórarinn Kristjánsson, víti 11.
2–0 Þórarinn Kristjánsson 25.
3–0 Hörður Sveinsson 90.
DÓMARINN
Kristinn Jakobsson frábær
BESTUR Á VELLINUM
Jónas Guðni Sævarsson Keflavík
TÖLFRÆÐIN
Skot (á mark) 16–11 (10–3)
Horn 4–8
Aukaspyrnur fengnar 13–22
Rangstöður 5–4
MJÖG GÓÐIR
Jónas Guðni Sævarsson Keflavík
Scott Ramsey Keflavík
Þórarinn Kristjánsson Keflavík
Haraldur Guðmundsson Keflavík
Sandor Matus KA
GÓÐIR
Magnús Þormar Keflavík
Guðjón Antoníusson Keflavík
Zoran Daníel Ljubicic Keflavík
Hólmar Örn Rúnarsson Keflavík
Örn Kató Hauksson KA
Dean Martin KA
Marktilraunir leikmanna
Keflavík 16 (10 á mark)
Þórarinn Kristjánsson 7 (5)
Guðmundur Steinarsson 3 (1)
Jónas Guðni Sævarsson 2 (1)
Ingvi Rafn Guðmundsson 2 (1)
Hörður Sveinsson 1 (1)
Scott Ramsey 1 (1)
KA 11 (3 á mark)
Ronni Hartvig 4 (0)
Jóhann Þórhallsson 2 (1)
Pálmi Rafn Pálmason 2 (1)
Örn Kató Hauksson 1 (1)
Haukur Sigurbergsson 1 (0)
Hreinn Hringsson 1 (0)
3-0
KEFLAVÍK KA
SJÖ ÁR Á MILLI BIKARA Jakob Jón-
harðsson var fyrirliði Keflavíkur fyrir sjö árum
þegar þeir unnu bikarkeppnina síðast en
hann er nú aðstoðarþjálfari liðsins og lyftir
hér bikarnum í gær. Fréttablaðið/Vilhelm
TVEGGJA MARKA MAÐUR
Þórarinn Kristjánsson skoraði tvö
mörk fyrir Keflavík bikarúrslita-
leiknum gegn KA í gær. Hér
fagnar hann öðru marka sinna.
Fréttablaðið/E.Ól.