Fréttablaðið - 03.10.2004, Blaðsíða 45

26 3. október 2004 SUNNUDAGUR
48 og við teljum enn
Arsenal rúllaði yfir Hermann Hreiðarsson og félaga hans hjá Charlton og hefur nú ekki
tapað leik í 48 leikjum í röð.
Meistarakeppni kvenna í körfu:
Ætla sér að
verja titilinn
KÖRFUBOLTI Meistarar meistaranna í
kvennaflokki í körfuknattleik, fer
fram í dag kl. 17 í Sláturhúsinu í
Keflavík. Þar etja heimastúlkur
kappi við KR úr Vesturbænum.
Keflavík er tvöfaldur meistari og
því kemur það í hlut silfurhafans í
bikarkeppninni að taka þátt í þess-
um úrslitaleik.
Undanfarin fjögur ár hefur tit-
illinn í þrígang farið til Keflavík-
urliðsins en ólíkt tímabilinu í
fyrra, eru Keflavíkurstúlkur með
bandarískan leikmann í sínum röð-
um. Hún heitir Reshea Bristol og
að sögn Sverris Þórs Sverrissonar,
þjálfara Keflavíkur, fellur hún vel
inn í liðið. „Hún lék með okkur á
móti í Danmörku og stóð sig vel
þar. Hún gerir leikmennina í
kringum sig betri,“ sagði Sverrir
og bætti því við að hann hefði úr
miklu að moða í vetur. „Ég er með
ungar stelpur í bland við eldri
reynslubolta og þær eru alltaf til-
búnar að hlaupa allar þær mínútur
sem ég gef þeim. Ég geri þær kröf-
ur að stelpurnar mæti tilbúnar og
taki vel á þeim, því KR gefur okk-
ur ekki neitt. Þær mæta grimmar
líka þannig að við þurfum á öllu að
halda í dag.“
Georgía Olga Kristiansen, einn
af leikmönnum KR, sagði Vestur-
bæjarliðið stefna á alla titla sem
væru í boði. „Við misstum besta
leikmann tímabilsins í fyrra, Hildi
Sigurðardóttir, í atvinnumennsku
til Svíþjóðar. En það er bara
skemmtileg áskorun og setur
meiri pressu á okkur hinar að
standa okkur. Við ætlum okkur að
vinna þær í leiknum í dag.“
VILJA TITILINN Birna Valgarðsdóttir úr
Keflavík og Georgía Olga Kristiansen úr KR
vilja báðar bikarinn sem þær sjást hér
halda á. Fréttablaðið/Pjetur
Rómverskar
rústir
Þau eru misjafnlega búin undir veturinn lið-
in sem kljást í stórleik helgarinnar í ítalska
boltanum sem verður sýndur á Sýn í kvöld
kl. 18.20. Inter gengur margt í haginn eftir
snjallar viðbætur við leikmannahópinn í
sumar á meðan hagléli hroðalegra tíðinda
hefur rignt yfir AS Roma á haustdögum. Int-
er hefur svosum ekki verið að glansa neitt í
Serie A en í Meistaradeildinni hefur liðið
skinið skærar. Roma er á sama tíma heppið
að fá yfirleitt að leika áfram í sömu deild
eftir að aðdáandi liðsins henti kveikjara í
höfuð dómarans Anders Frisk svo sá sænski
þurfti að flauta leikinn af. Roma gerir tilkall
til að teljast eitt af stórliðunum á Ítalíu en á
þó langt í land með að ná fjárhagslegum
burðum Mílanólið-
anna og Juventus.
Liðið sigraði í deild-
inni fyrir þremur
árum og það lið
hefði ekki átt að
þurfa nema nokkrar
skynsamlegar við-
bætur til að halda
áfram að vera í
fremstu röð. En
meiðsli lykilmanna og tilviljanakennd leik-
mannakaup gerðu þann draum að engu og
engir titlar hafa bæst í safnið síðan. Þó lék
liðið skínandi vel á köflum í fyrra og veitti
AC Milan harða keppni um meistaratitilinn
fram eftir vetri. Í sumar kom svo í ljós að
fjárhagur félagsins var enn verri en talið var
og brást þá á mikill flótti hjá nokkrum af
helstu stjörnum félagsins. Þjálfarinn Fabio
Capello stakk af til Juventus og hirti með
sér þá Emerson og Zebina á meðan Walter
Samuel gerðist ofurbolti hjá Real Madrid.
Nokkrir frambærilegir leikmenn komu þó í
staðinn en þjálfaramálin hafa verið dæma-
laus sirkus. Fyrst sagði Cesare Prandelli af
sér í sumar vegna veikinda eiginkonu sinn-
ar og Rudi Völler dugði aðeins í 26 daga.
Luigi Del Neri var svo ráðinn í vikunni og
gekk sú ráðning ekki átakalaust fyrir sig því
Del Neri er umdeildur maður fyrir margt.
Hann er mikill hægrimaður og skrifaði um
skeið í málgagn Norðurbandalagsins sem
berst fyrir aðskilnaði Norður- og Suður-Ítal-
íu, nokkuð sem gengur ákaflega illa ofan í
Rómverja. Að auki er umboðsmaður hans
vinur sonar Luciano Moggi, alsráðanda
Juventus, en Moggi er ekki vinsæll í Róm
eftir ránsferðir hans um höfuðborgina í
sumar. Sagt er að Del Neri hafi af þessum
sökum ekki verið ráðinn strax við afsögn
Prandelli og frekar verið veðjað á hinn
reynslulitla Rudi Völler. Þjóðverjinn þótti
sýna mikinn dómgreindarbrest í uppstill-
ingu liðsins og samskiptum við lykilleik-
menn og virtist einfaldlega ekki tilbúinn í
slaginn í hinni kröfuhörðu Serie A. Súper-
stjörnur Roma eru martröð hvers þjálfara,
agavandamál hafa verið mikil innan liðsins
undanfarin ár og ekki einu sinni hinn harði
húsbóndi Capello náði að halda Totti,
Cassano og Montella á mottunni. Erfitt
verkefni bíður Del Neri og það verður að
teljast mikið kraftaverk ef honum tekst að
koma reglu á rómverska hringleikahúsið þar
sem ljónið Totti hámar hvern þjálfarann í
sig á fætur öðrum.
EINAR LOGI
VIGNISSON
FÓTBOLTI Meistarar Arsenal áttu
ekki í vandræðum með að slátra
Charlton, 4-0, á Highbury í ensku
úrvalsdeildinni í gær og hafa nú
leikið 48 leiki í röð í deildinni án
þess að bíða lægri hlut. Eftir von-
brigðin í meistaradeildinni á mið-
vikudagskvöldið þegar Arsenal
náði aðeins jafntefli gegn norska
liðinu Rosenborg og sögusagnir
um slagsmál á milli Patricks
Vieira og Lauren eftir þann leik
kom liðið tvíeflt til baka.
Hinn frábæri Thierry Henry
skoraði tvívegis og var fyrra
mark hans sérstaklega glæsilegt.
Hann sendi boltann með hælnum í
fjærhornið, aðþrengdur að varn-
armönnum. Þeir Fredrik Ljung-
berg og Jose Antonio Reyes skor-
uðu hvor sitt markið.
Arsene Wenger, knattspyrnu-
stjóri Arsenal, var sáttur við sína
menn eftir leikinn og hrósaði
þeim fyrir að svara gagnrýnis-
röddum á réttan hátt.
„Liðið lék vel saman sem heild
og hafi einhver sett spurninga-
merki við andann hjá liðinu þá
hljóta þeir sömu að hafa fengið
svarið í dag. Liðið er sameinað og
svaraði gagnrýninni á réttan hátt.
Það var mikilvægt að það væri
gert á vellinum og ég get ekki ver-
ið annað en ánægður með frammi-
stöðu bæði Patricks Vieira og
Lauren í dag – þeir voru frábær-
ir.“
Alan Curbishley, knattpsyrnu-
stjóri Charlton, hristi bara haus-
inn og sagði leikmenn Arsenal
hafa sýnt það að þeir gætu skorað
fjögur, fimm eða sex mörk þegar
þeim sýndist svo. „Við komum
hingað með áætlun en hún fauk út
um gluggann eftir annað markið.
Þegar Henry skorar mörk eins og
þetta þá er ekki hægt annað en að
setjast og dást að snilli hans,“
sagði Curbishley.
Tottenham skaust í fjórða sæti
deildarinnar með glæsilegum úti-
sigri á Everton, 1-0. Enn á ný var
það sterkur varnarleikur sem
gerði gæfumuninn hjá Tottenham
og til að undirstrika mikilvægi
varnarmanna liðsins þá skoraði
franski bakvörðurinn Noe
Pamarot sigurmarkið fyrir
Tottenham.
Jacques Santini, knattspyrnu-
stjóri Tottenham, var ánægður
eftir leikinn og sagði sína menn
hafa spilað með hjartanu. „Við
spiluðum ekki vel en börðumst
eins og ljón og sýndum mikla sam-
stöðu. Ég er mjög ánægður með
úrslitin enda er Everton með
sterkt lið sem er erfitt heim að
sækja.“
Nýliðar West Brom unnu sinn
fyrsta sigur á tímabilinu þegar
þeir lögðu Bolton að velli, 2-1, á
heimavelli. Kanu og Gera voru á
skotskónum fyrir West Brom en
liðið komst með sigrinum upp úr
fallsæti.
oskar@frettabladid.is
1-0 FYRIR ARSENAL
Svíinn Fredrik Ljungberg
fagnar hér marki sínu
gegn Charlton í ensku
úrvalsdeildinni.
ENSKA ÚRVALSDEILDIN
Southampton-Man. City 0-0
Arsenal-Charlton 4-0
1-0 Fredrik Ljungberg (33.), 2-0 Thierry
Henry (48.), 3-0 Thierry Henry (69.), 4-0
Jose Antonio Reyes (70.).
Blackburn-Aston Villa 2-2
0-1 Juan Pablo Angel (25.), 1-1 Barry
Ferguson (30.), 2-1 Brett Emerton (63.),
2-2 Olof Mellberg (80.).
Everton-Tottenham 0-1
Noe Pamarot (53.).
Norwich-Portsmouth 2-2
0-1 Yakubu Aiyegbeni (37.), 1-1 Darren
Huckerby (63.), 1-2 Patrick Berger (65.),
Simon Charlton (67.).
West Brom-Bolton 2-1
1-0 Nwankwo Kanu (57.), 2-0 Zoltan
Gera (65.), 2-1 Stelios Giannakopoulus
(73.).
Arsenal 8 7 1 0 26-7 22
Chelsea 7 5 2 0 7-1 17
Everton 8 5 1 2 9-7 16
Tottenham 8 3 4 1 5-3 13
Bolton 8 3 3 2 13-11 12
Man. Utd 7 3 3 1 8-6 12
Newcastle 7 3 2 2 14-11 11
Aston Villa 8 2 5 1 10-9 11
Charlton 8 3 2 3 8-14 11
Liverpool 6 3 1 2 10-5 10
Middlesbr. 7 3 1 3 11-11 10
Man. City 8 2 2 4 8-7 8
Portsmouth 7 2 2 3 11-11 8
Fulham 7 2 2 3 8-11 8
West Brom 8 1 4 3 8-13 7
Birmingham 7 1 3 3 5-7 6
Blackburn 8 1 3 4 7-14 6
Southampton 8 1 2 5 6-11 5
Norwich 8 0 5 3 7-14 5
Crystal Palace 7 0 2 5 6-14 2