Fréttablaðið - 03.10.2004, Blaðsíða 46

■ ■ LEIKIR
 13.00 Þróttur og ÍBV 2 mætast í
Strandgötu í 32 liða úrslitum SS-
bikars karla í handbolta.
 17.00 Keflavík og KR mætast í
íþróttahúsinu í Keflavík í Meist-
arakeppni KKÍ í kvennaflokki.
 19.15 Keflavík og Njarðvík mæt-
ast í íþróttahúsinu í Keflavík í
Meistarakeppni KKÍ í karlaflokki.
■ ■ SJÓNVARP
 15.00 Enski boltinn á Skjá einum.
Bein útsending frá leik Chelsea
og Liverpool í ensku úrvals-
deildinni í fótbolta.
 17.00 Enski boltinn á Skjá einum.
Útsending frá leik Manchester
United og Middlesbrough í
ensku úrvalsdeildinni í fótbolta.
 18.20 Ítalski boltinn á Sýn. Beint
frá leik Roma og Inter Milan í
ítölsku A-deildinni í fótbolta.
 20.25 Spænski boltinn á Sýn.
Beint frá leik Real Madrid og
Deportivo í spænsku deildinni.
 21.55 Helgarsportið á RÚV.
 22.05 Ameríski fótboltinn á Sýn.
Beint frá leik Miami Dolphins og
New York Jets í NFL-deildinni.
KÖRFUBOLTI Í dag fer Meistara-
keppni KKÍ fram í tíunda sinn.
Báðir leikirnir fara fram í Slátur-
húsinu í Keflavík, heimavelli Ís-
landsmeistara karla og kvenna. Í
kvennaflokki mætir KR í heim-
sókn og etur kappi við Keflavíkur-
stúlkur en í karlaflokki taka
heimamenn á móti nágrönnum
sínum í Njarðvík.
Hingað til hefur tíðkast að Ís-
landsmeistararnir leiki við bikar-
meistarana en þar sem Keflvík-
ingar urðu tvöfaldir meistarar
mun Njarðvík taka sæti andstæð-
ingsins, en liðið hafnaði í öðru
sæti í bikarkeppninni á síðasta
ári.
Liðin tvö hafa aðeins mæst
einu sinni í Meistarakeppninni en
það var árið 1999. Þá hafði Njarð-
víkurliðið betur og vann auðveld-
an sigur, 111-92.
Keflvíkingar eru núverandi
meistarar meistarana en liðið
sigraði Snæfell í fyrra, 97-90.
Ef marka má afrek haustsins
munu bæði lið mæta grimm til
leiks. Keflvíkingar urðu Norður-
landameistarar félagsliða fyrir
stuttu og Njarðvík vann Knock
Out Cup mótið í Danmörku.
Þess má geta að liðin tvö hafa
mæst 149 sinnum og hafa Njarð-
víkingar oftar haft betur, eða 81
sinni, sem gerir 54% vinnings-
hlutfall. Keflavík er þó ekki langt
undan með 68 sigra.
Falur Harðarsson, aðstoðar-
þjálfari Keflavíkurliðsins, sagði
að búast mætti við hörkuleik.
„Það er alltaf viðbúið þegar þessi
tvö lið mætast,“ sagði Falur. „En
það er bannað hjá okkur að tapa á
heimavelli og má alls ekki gerast.
Síðasti heimaleikurinn sem við
töpuðum gegn íslensku liði var
gegn Njarðvíkurliðinu í janúar
árið 2000. Við ætlum að halda sig-
urgöngunni áfram.“
Falur var ánægður með Norð-
urlandatitilinn hjá Keflavík og
sagði afrekið segja meira en mörg
orð um styrk íslensks körfubolta.
„Það er náttúrlega frábært að sjá
bæði okkur og Njarðvíkinga ná
þessum árangri. Íþróttin er að
styrkjast til muna á Íslandi, sem
er gott mál. Ég held samt að þetta
sé enginn skuggi sem muni hvíla
yfir okkur því það er enginn
ódauðlegur í íslenska körfubolt-
anum,“ fullyrti Falur.
Njarðvíkingar voru síðastir til
að vinna Keflavík á heimavelli
fyrir fjórum árum síðan og ætla
þeir sér að endurtaka leikinn í
dag. Að sögn Einars Árna Jó-
hannssonar, þjálfara Njarðvík-
inga, eru einhverjar breytingar á
liðinu frá síðasta tímabili. „Við
erum í vígahug fyrir veturinn og
erum komnir með nýja menn sem
munu styrkja okkur. Þar á meðal
er Jóhann Ólafsson, sem er kom-
inn heim eftir dvöl í Bandaríkjun-
um. Keflvíkingar eru með gott lið
en við verðum að mæta ákveðnir
til leiks og taka þá,“ sagði Einar
Árni. smari@frettabladid.is
SUNNUDAGUR 3. október 2004 27
Njarðvík oftar haft betur
Meistarakeppni KKÍ í karlaflokki fer fram í dag þegar Ís-
lands- og bikarmeistarar Keflavíkur mæta Njarðvík.
BARIST UM BIKARINN Njarðvíkingurinn Matt Sayman og Keflvíkingurinn Gunnar
Einarsson sjást hér með bikarinn sem barist verður um í dag. Fréttablaðið/Pjetur
HVAÐ? HVENÆR? HVAR?
30 1 2 3 4 5 6
Sunnudagur
OKTÓBER