Fréttablaðið - 03.10.2004, Blaðsíða 44

SUNNUDAGUR 3. október 2004
Besta liðið eftir þrjú ár
Fyrirliði Keflavíkur, Zoran Daníel Ljubicic, telur mikið búa
í hinu unga og efnilega knattspyrnuliði Keflavíkur.
FÓTBOLTI Fyrirliði Keflavíkur, Zoran
Daníel Ljubicic, var himinlifandi í
leikslok eftir að fyrsti bikar Kefl-
víkinga í knattspyrnunni í sjö ár
var kominn á loft.
„Þetta var alveg æðislega gam-
an. Við spiluðum frábæran fót-
bolta í fyrri hálfleik, skoruðu tvö
mörk og fengum fullt af færum til
viðbótar. Í seinni hálfleik duttum
við kannski svolítið til baka en það
var aldrei hætta og við áttum síð-
an að gera út um leikinn í
nokkrum dauðafærum sem við
fengum þá. Þetta var mjög verð-
skuldaður sigur,“ sagði Zoran
Daníel sem var að vinna sinn fyrs-
ta titil á Íslandi eftir tólf ár í ís-
lenska boltanum.
„Þetta er fyrsti stóri titilinn
minn hér, ég hafði unnið einn inn-
anhússmeistaratitil áður en nú
fékk ég loksins að kynnast því að
vinna bikarinn. Ég er að spila með
mörgum ungum strákum sem hafa
verið að taka sín fyrstu skref í al-
vörunni í sumar og þetta var virki-
lega gaman og mikilvægt fyrir þá
að vinna hér í dag. Reynslan úr
þessum leik og frá þessu sumri á
eftir að hjálpa þeim mikið í fram-
tíðinni. Það er ágætis árangur að
enda í fimmta sæti á sínu fyrsta
ári í deildinni en ég held að við
getum gert miklu betur en það
sem við sýndum í ár. Ég trúi því að
innan þriggja ára verði besta liðið
á Íslandi í Keflavík. Það voru kafl-
ar í sumar sem við vorum að spila
mjög vel en það komu einnig kafl-
ar þar sem við duttum niður. Þess-
ir strákar hafa ekki þolað að fá
mikla pressu á sig en þeir sýndu í
dag að þeir geta mætt óhræddir í
svona stóran leik og spilað sinn
bolta.
Strákarnir hafa safnað reynslu
í sumar og það var dýrmætt fyrir
þá að fá að upplifa það að vinna tit-
il. Þessari tilfinningu gleymum við
aldrei. Nú bíður okkar þátttaka í
Evrópukeppninni og ég vonast eft-
ir að allir í bænum eigi eftir að
styðja okkur í framhaldinu því við
ætlum okkur að gera enn betri
hluti,“ sagði Zoran sem er ekkert
að hætta. „Já, ég mæti aftur næsta
sumar. Ég er ekkert að hætta, það
er nóg eftir hjá mér,“ sagði Zoran
að lokum. ooj@frettabladid.is
Getum verið stoltir
„Það er lítið hægt að segja við þessu.
Þetta fór svona í dag og ég held að Kefl-
víkingar séu vel að sigrinum komnir. Ég
óska þeim til hamingju með titilinn. Það er
alltaf mikilvægt að skora fyrsta markið í
svona leikjum og þeir gerðu það. Þeir
nýttu sín færi en kannski var 3-0 of stór
sigur. Við berum hins vegar höfuðið hátt
og erum stoltir. Það er engin tilviljun að
við komumst í bikarúrslitaleikinn og með
því að komast þangað held ég að við höf-
um sýnt að við getum unnið öll lið á góð-
um degi,“ sagði Atli Sveinn Þórarinsson,
fyrirliði KA-manna, eftir leikinn í gær. Atli
Sveinn heldur nú aftur til Örgryte í Svíþjóð
þar sem hann er enn samningsbundinn.
„Ég mun æfa með þeim eitthvað en hvað
verður í framhaldinu er ómögulegt að
segja. Ég veit ekkert hvar ég spila á næsta
ári, kannski á Íslandi og kannski einhvers
staðar annars staðar,“ sagði Atli Sveinn.
Sanngjarnt hjá Keflavík
„Það eru mikil vonbrigði að tapa þessum
leik. Við spiluðum mjög illa í fyrri hálfleik
og það var eins og við værum ekki tilbúnir
í leikinn. Ég held að það hafi verið sann-
gjarnt að Keflavík fór með sigur af hólmi,“
sagði danski varnarmaðurinn Ronni Hart-
vig. Hann fékk dæmda á sig vítaspyrnu
strax á 11. mínútu, þá sjöttu í sumar, og
aðspurður sagðist hann ekki skilja af hver-
ju hann hefði fengið á sig svona margar
vítaspyrnur í sumar. „Kristinn [Jakobsson]
hefur verið duglegur að dæma á mig víta-
spyrnur í sumar [þrjár af þeim sex spyrn-
um sem Hartvig hefur fengið dæmdar á
sig hafa komið í leik
sem Kristinn hefur
dæmt, innsk. blm.] en
ég held að þessi hafi
verið réttlát. Þetta var
klaufa- og heimsku-
legt hjá mér en enn
þá klaufalegra hjá
öllu liðinu að láta
manninn komast
þetta langt því hann var einn á móti fjór-
um varnarmönnum. Það er erfitt að fá á
sig mark svona snemma og ég held að
leikurinn hefði þróast öðruvísi ef þeir
hefðu ekki skorað svona snemma,“ sagði
Hartvig sem veit ekki hvort hann spili með
KA á næsta tímabili. „Við munum setjast
niður og ræða málin í vikunni. Mér líður
vel á Íslandi en ég veit ekki hvað verður.“
Toppurinn á ferlinum
Guðjón Antoníusson, hinn harðskeytti bak-
vörður Keflavíkurliðsins, var glaðbeittur
þegar Fréttablaðið ræddi við hann eftir
leikinn. Blaðamaður ræddi við Guðjón eftir
sigurleik Kelfvíkinga á Fylkismönnum í átta
liða úrslitum og þá lýsti hann því yfir að
hann og félagar hans ætluðu sér að vinna
titilinn. „Það er gaman að geta staðið við
stóru orðin. Við komum vel stemmdir til
leiks, undirbúningurinn fyrir leikinn var frá-
bær og ég hafði allan tímann góða tilfinn-
ingu fyrir þessum leik. Mér fannst við
sterkari allan leikinn og tilfinningin eftir að
vera búinn að sigra er ólýsanleg. Ég fæ
gæsahúð af því að standa hérna fyrir fram-
an okkar frábæru áhorfendur og það er
ekki spurning að þetta er toppurinn á ferl-
inum,“ sagði Guðjón.
BIKARINN Á LOFT
Zoran Daníel Ljubicic lyftir hér
bikarnum hátt á loft en þessi
37 ára gamli miðjumaður
hefur verið að spila vel með
liðinu í lok mótsins.
Fréttablaðið/Vilhelm