Fréttablaðið - 16.10.2004, Side 10

10 16. október 2004 LAUGARDAGUR
ÓRÓI Á HAÍTÍ
Mikill órói ríkir á Haítí þar sem stuðnings-
menn Jean-Bertrand Aristide, fyrrum for-
seta, minnast þess að áratugur er síðan
hann sneri heim úr fyrri útlegð sinni.
Bandarísk stjórnvöld hvöttu í gær alla
sendiráðsstarfsmenn sem eru ekki nauð-
synlegir vegna starfsemi sendiráðsins til að
fara frá Haítí.
Geislavarnir ríkisins um kjarnorkuskip:
Geislamælingaferð
ekki í bígerð
HERSKIPIN Geislavarnir ríkisins
hafa ekki uppi ráðagerðir um að
mæla geislun á hafsvæðinu þar
sem rússnesku herskipin halda
sig, segir Guðlaugur Einarsson,
aðstoðarforstjóri Geislavarna, en
hann er yfir eftirlitssviði stofnun-
arinnar. „Við vitum ekki til þess
að nokkur ástæða sé til þess,“ seg-
ir hann og bætir við að sjálfsagt
gætti þó einhverrar geislunar í
kringum kjarnorkuknúna her-
skipið sem þarna er, líkt og við
væri að búast með slík skip. „Svo
eru í gangi reglulegar vöktunar-
mælingar hjá stofnuninni þannig
að við myndum sjá ef skipin
skildu eitthvað eftir sig hér,“ seg-
ir Guðlaugur.
Sigurður E. Pálsson, sviðsstjóri
vöktunarsviðs Geislavarna, segir
að stofnuninni berist reglulega
sýni úr fiski, tekin séu þangsýni
ársfjórðungslega auk þess sem
sjávarmælingar séu framkvæmd-
ar í samvinnu við Hafrannsókna-
stofnun. Hann segir að hafi menn
ekki grun um geislamengun á ein-
hverjum stað geti liðið einhverjir
mánuðir áður en hún uppgötvast
ef hún á annað borð er í magni
sem einhverju máli skiptir. Hann
segir stofnunina ætla að gefa
svæðinu þar sem rússnesku skip-
in hafa haldið sig aukinn gaum í
framhaldinu, enda þurfi ekki
mikla geislamengun til að hún
gæti haft efnahagsleg áhrif með
því að skemma orðspor á markaði.
- óká
Rússneskt flaggskip
á síðasta snúningi
Líklegt er talið að kjarnorkuknúna beitiskipið Pétur mikli sem verið hefur við strendur Íslands
verði tekið úr umferð á næsta ári. Herskipin verða við æfingar til 26. október.
HERSKIP Rússnesku herskipin sem
haldið hafa til hér við land síðustu
daga eru hluti af skipum Norður-
flotans sem héldu til æfinga undir
stjórn Vladimírs Dobroskotsj-
enko, varaflotaforingja og aðstoð-
araðmíráls í rússneska flotanum,
að því er rússneska fréttastofan
Itar-Tass greindi frá undir lok
september.
Skipin héldu upp frá flotastöð-
inni í Severomorsk, norðarlega á
Kólaskaga og héldu sameiginlega
æfingu með bandaríska sjóhern-
um í nokkra daga. Eftir þá æfingu
hélt rússneski flotinn sína eigin
æfingu sem nefnist Atlantika 04.
Varaflotaforinginn upplýsti fjöl-
miðla um það áður en skipin lögðu
af stað að þau myndu verða við
æfingar í norðausturhluta Atl-
antshafs allt til 26. október.
Fregnir herma að skipin sem hér
hafa haldið sig fari ekki á brott
fyrir en eftir nokkra daga.
KUZNETSOV AÐMÍRÁLL -
SÍÐUNÚMER 063
Flugmóðurskip, stærð 58.000 tonn,
lengd 304 metrar
Skipinu, sem upphaflega var
nefnt Tiblisi, var hleypt af stokk-
unum árið 1985 og er það eitt sinn-
ar tegundar í Norðurflota Rússa.
Öðru eins að nafni Varyag var
hleypt af stokkunum þremur
árum síðar en var aldrei fullbúið.
Það skip var á endanum afhent
Úkraínu, sem seldi það svo til
Kína árið 1998.
Flugmóðurskipið Kuznetsov
hefur verið virkt í Norðurflota
Rússa síðan í nóvember 1998. Þá
höfðu staðið yfir viðgerðir og
endurbætur á skipinu í tæp þrjú
ár, en þær töfðust vegna skorts á
fjárveitingum.
PYOTR VELIKIY (PÉTUR MIKLI) -
SÍÐUNÚMER 099
Beitiskip, stærð 23.400 tonn,
lengd 252 metrar
Pétur mikli er kjarnorkuknúið
beitiskip í flokki Kirov-árásar-
skipa sem eiga að geta tekist á við
stór flugmóðurskip og varið flot-
ann gegn árásum bæði flugvéla og
kafbáta. Skipið er knúið áfram af
blöndu kjarnorku- og gufuafls-
véla. Pétur er síðastur í sínum
flokki skipa í notkun og eru uppi
sögusagnir um að skipið verði tek-
ið úr umferð á næstu árum. Smíði
Péturs mikla hófst árið 1986 og
var skipið það fjórða í flokki
Kirov-skipa. Áður höfðu verið
smíðuð skipin Ushakov aðmíráll
(smíðað árið 1980), Lazarev að-
míráll (1984) og Nakhimov að-
míráll (tekið í notkun árið 1988).
USTINOV MARSKÁLKUR -
SÍÐUNÚMER 055
Beitiskip, stærð 11.500 tonn,
lengd 186 metrar
Ustinov er beitiskip af „Slava“-
flokki og var upphaflega tekið í
notkun í Norðurflotanum árið
1986. Upphaflega bar skipið síðu-
númerið „070“, síðar „088“ og nú
„055“. Skipið var í mikilli yfir-
halningu í St. Pétursborg um
miðjan tíunda áratuginn en sneri
aftur til Norðurflotans árið 1998.
Skipið var eitt sinn talið til flagg-
skipa Norðurflotans.
„Slava“-skipin voru hugsuð
sem minni og ekki eins framúr-
stefnuleg útgáfa af „Kirov“-skip-
unum, þar sem flesta möguleika
stærri skipanna væri að finna, en
umfangið minna.
BESSTRASHNY - SÍÐUNÚMER 434
Tundurspillir, stærð 7.900 tonn,
lengd 156 metrar
Skipið er af flokki „Sovremenny“-
tundurspilla, en 18 slíkir hafa ver-
ið smíðaðir fyrir rússneska sjó-
herinn. Fimm skip eru enn í notk-
un, öll smíðuð í St. Pétursborg.
Besstrashny var hleypt af stokk-
unum árið 1994. Tundurspillar af
þessari tegund eru meðal annars
sagðir bera þyrlu til kafbáta-
varna, 48 loftvarnaflaugar, 8 árás-
arskeyti, tundurskeyti, djúp-
sprengjur, fallbyssur og annan
búnað. Skipið var yfirfarið og
endurnýjað í fyrra.
SERGEY OSIPOV
Birgðaskip, stærð 23.400 tonn, lengd
162 metrar
Osipov er ekki að heimsækja
landið í fyrsta sinn því í ágúst árið
2002 kom skipið í fylgd með öðru
rússnesku herskipi í Reykjavíkur-
höfn áður en þau héldu áfram til
Bretlands þar sem þau tóku þátt í
hátíðahöldum sjóhersins.
SB-406
Dráttarbátur, stærð 3.000 tonn,
lengd 69 metrar
Bátar sem þessir eru notaðir í
margvísleg verkefni. SB-406 er
dráttarbáturinn sem var á leið
með kjarnorkukafbátinn K-159 í
togi í brotajárn 26. ágúst í fyrra
þegar kafbáturinn sökk í Barents-
haf. Af tíu manna áhöfn kafbáts-
ins komst einn af.
ALTAY
Dráttarbátur, stærð 4.000 tonn,
lengd 93 metrar
Altay er dráttarbátur í flokki
björgunarskipa Norðurflotans.
Báturinn hefur meðal annars ver-
ið notaður í viðleitni til að bjarga
kafbátnum K-159 af hafsbotni í
Barentshafi.
olikr@frettabladis.is
Umferðarslys:
Haldið
sofandi
SLYS Maður slasaðist alvarlega
eftir að hafa ekið út af með þeim
afleiðingum að bíll hans valt á
Biskupstungnabraut í Þrastar-
skógi, rétt ofan við Þrastarlund,
um hálf sjöleytið í gærmorgun.
Maðurinn sem var einn í bíln-
um var fluttur með sjúkrabíl á
Landspítala - háskólasjúkrahús í
Fossvogi. Að sögn vakthafandi
læknis á gjörgæslu er ástand
mannsins stöðugt en honum er
haldið sofandi í öndunarvél. Bíll-
inn skemmdist mikið. - hrs
Málstofa
um olíurétt og nýtingu olíuauðlinda
í Norðaustur-Atlantshafi
Háskóla Íslands, Lögbergi, stofu 101,
mánudaginn 18. október 2004 kl. 11.00-14.00
Dagskrá:
11.00 Setning: Sverrir Haukur Gunnlaugsson sendiherra,
stjórnarformaður Hafréttarstofnunar Íslands.
11.05 Ernst Nordtveit, prófessor í olíurétti við Háskólann í
Björgvin.
11.35 Rory Boyd, aðstoðarskrifstofustjóri olíumálaskrifstofu
samgöngu- og auðlindaráðuneytis Írlands.
12.00 Hádegissnarl í boði Hafréttarstofnunar Íslands.
12.30 Sigurð í Jakupsstovu, yfirmaður Olíustofnunar
Færeyja.
12.50 Hans Kristian Schönvandt, yfirmaður
auðlindaskrifstofu heimastjórnar Grænlands.
13.10 Sveinbjörn Björnsson, sérfræðingur á Orkustofnun.
13.30 Umræður.
14.00 Slit.
Málstofustjóri: Tómas H. Heiðar þjóðréttarfræðingur,
forstöðumaður Hafréttarstofnunar Íslands.
Málstofan er öllum opin á meðan húsrúm leyfir.
LA
N
D
H
EL
G
IS
G
Æ
SL
AN
M
YN
D
/L
AN
D
H
EL
G
IS
G
Æ
SL
AN
M
YN
D
/L
AN
D
H
EL
G
IS
G
Æ
SL
AN
M
YN
D
/L
AN
D
H
EL
G
IS
G
Æ
SL
AN
LA
N
D
H
EL
G
IS
G
Æ
SL
AN
LA
N
D
H
EL
G
IS
G
Æ
SL
AN
M
YN
D
/J
Ó
N
Á
R
N
I Á
R
N
AS
O
N
STJÓRNMÁL Umræður verða utan
dagskrár á Alþingi á mánudag um
rússneskan herskipaflota við Ís-
land, að ósk Steingríms J. Sigfús-
sonar, formanns Vinstri grænna.
Björn Bjarnason dómsmálaráð-
herra verður til andsvara. Stein-
grímur J. gagnrýnir stjórnvöld
fyrir að hafa ekki gert neina til-
raun til að losna við Rússana.
„Það er rangt hjá formanni utan-
ríkismálanefndar að þeir séu utan
lögsögu okkar. Þeir eru djúpt inni
í sérefnahagslögsögu okkar.“
Steingrímur J. bendir á að ef
tillaga sem hann hafi margsinnis
flutt á Alþingi um að lýsa lögsög-
una kjarnorkuvopnalausa sé laga-
grunnur til að stugga við Rússun-
um. „Það er ömurlegt að vita af
þessum ryðgandi kjarnorkukláf-
um upp við landsteina á fengsæl-
ustu fiskimiðum landsins.“ -ás
Utandagskrárumræða á mánudag:
Rússaskipin rædd á þingi
STEINGRÍMUR J.
Segir rússnesku
skipin innan ís-
lenskrar sérefna-
hagslögsögu.
RÚSSNESK HERSKIP
Olíubrák lagði frá rússnesku herskipunum sem hafa haldið sig í íslenskri lögsögu undanfarna
daga. Geislavarnir ríkisins ætla að hafa auga með svæðinu með tilliti til geislamengunar.
M
YN
D
/L
AN
D
H
EL
G
IS
G
Æ
SL
AN
Margra ára réttarhöld:
Hundurinn
fær að lifa
BRETLAND, AP Eftir þriggja ára stapp
og fjárútlát upp á hálfa áttundu
milljón króna tókst skosku hjónun-
um Bryan og Carol Lamont að
bjarga lífi hundsins síns, Dino.
Dino, sem er þýskur fjárhundur,
beit mann í höndina snemma árs
2001 og fyrirskipuðu yfirvöld að
hann skyldi aflífaður þess vegna.
Bryan og Carol voru ekki á því að
láta svæfa hann og hófu baráttu
fyrir lífi Dino. Þau þurftu að höfða
mál, ráða lögmenn og fara í gegnum
réttarhöld á öllum dómstigum áður
en dómari komst að þeirri niður-
stöðu að Dino skyldi lifa. ■