Fréttablaðið - 16.10.2004, Blaðsíða 40

28 16. október 2004 LAUGARDAGUR
„Minn prinsessudraumur snerist
um að verða fræg rokkstjarna
sem sigraði heiminn og spratt upp
í hjarta mínu þegar ég fyrst
heyrði í Bítlunum. Ég varð þess
seinna aðnjótandi að fá drauminn
uppfylltan þegar ég starfaði með
Bellatrix og við vorum mikið í
sviðsljósinu í útlöndum,“ segir
smiðurinn Kristín Þórhalla Þóris-
dóttir, oftast nefnd Kidda Rokk,
sem spilar á gítar með Rokkslæð-
unni.
„Ég var aldrei þrátekin af
óraunhæfum draumum sem barn
og gat ekki skilið þessa pælingu
með riddarann á hvíta hestinum.
Hún höfðaði aldrei til mín og ég
var skilningsvana hvers vegna,
fyrr en ég var orðin viss um sam-
kynhneigð mína. Því bjó ég mér til
aðrar útgáfur af prinsessu-
draumnum en vinkonur mínar.“
Kidda segist hafa upplifað að
draumur æskunnar er allt annað
en veruleikinn í fullorðins-
heimum. „Það sem er frægð eða
frami í hugum barnanna er allt
annað en það sem maður upplifir
síðar. Ljómi frægðarinnar getur
vissulega verið sveipaður glamúr
en stundum snýst eltingaleikur-
inn við frægðina upp í það að
lepja dauðann úr skel.“
Og í huga Kiddu gengur
prinsessudraumur stúlkna út á
það að vera númer eitt; í aðalhlut-
verki og með ómælda athygli.
„En maður spyr sig; hvað er al-
vöru prinsessa? Er maður þá að
tala um grey Díönu eða Viktoríu
krónprinsessu Svíþjóðar sem
fékk anorexíu? Þetta er nefnilega
fyrst og fremst fantasía. Prinsess-
urnar sem höfum fyrir augunum í
raunveruleikanum eru allt öðru-
vísi en Disney-prinsessurnar.
Þetta eru venjulegar manneskjur
sem lifa undir gífurlegu álagi og
þurfa sífellt að hugsa um ímynd
sína og það að vera góð fyrir-
mynd. Oft endar líf þeirra sem
allsherjar harmsaga og getur vart
verið eftirsóknarvert.“
En líkt og Kiddu dreymdi um
líf rokkstjörnunnar dreymir smá-
stelpurnar í dag um að verða
poppprinsessur. „Prinsessur nú-
tímans eru alls ekki þær konung-
bornu heldur meira í ætt við
poppprinsessuna Britney Spears.
Um hana snýst draumurinn nú í
stað prinsessa með kórónu í ævin-
týrum H.C. Andersen.“
„Ég átti mér sannarlega
prinsessudraum í barnæsku og
hélt mikið upp á Öskubusku í æv-
intýrunum; þessa fátæku stúlku
sem varð prinsessa vegna þess að
hún týndi skónum sínum,“ segir
glæsikonan Unnur Arngrímsdótt-
ir sem nú er komin á áttunda tug
æviskeiðsins en geislar enn af
fegurð. „Ég vissi þó að konungleg
prinsessa yrði ég ekki og lét fljótt
af þeim draumi. Dreymdi þess í
stað um að feta í fótspor Shirley
Temple sem var mesta prinsessan
í mínum huga.“
Unnur nálgaðist prinsessu-
drauminn þegar hún lærði að
steppa eins og Shirley Temple
gerði. Seinna lærði hún samkvæm-
isdansa og varð danskennari. Allt
fyrir tilstuðlan prinsins á hvíta
hestinum; eiginmannsins Her-
manns Ragnarssonar danskennara.
„Sagan um Dimmalimm fól í
sér drauminn um sannan prins og
prinsinn minn varð sá sem gerði
mig að prinsessu. Ég var hvorki
fugl né fiskur áður en hann kom
til sögunnar og frekar feimin,
óframfærin og félagsfælin. En
Hermann sendi mig til Danmerk-
ur í dansskóla og tískuskóla til
Bandaríkjanna og hvatti mig til
metorða og dáða. Vegna hans
rættist draumurinn um dans-
prinsessuna.“
Unnur setti á fót Módelsamtök-
in sem hún stýrði styrkri hendi í
þrjátíu ár, auk þess að sýna sjálf á
tískusýningum í áratugi. Í því hlut-
verki fann hún ótal prinsessur sem
margar fóru utan í fegurðarsam-
keppni og stálu senunni með töfr-
um sínum. Mest þeirra var dóttirin
Henný Hermannsdóttir, sem árið
1970 var kosin Miss Young
International. „Jú, það má segja að
ég sé drottningarmóðir enda átti ég
fegurstu prinsessu heims. Allt sem
sneri að því er sem draumur. Kór-
ónan var hlaðin gulli, perlum og
demöntum og tryggð fyrir stórfé.
Að ári liðnu fórum við til Japans að
skila kórónunni og það var mikið
ævintýri.“
Í lífinu segist Unnur hafa verið
fyrirmynd þegar sem hún kenndi
íslenskum konum allt um siðvenj-
ur, göngulag, snyrtingu, dans og
framkomu. Og hún veit nákvæm-
lega hvernig prinsessa á að vera.
„Sönn prinsessa er ljúf og góð
og ber sig alltaf með reisn.
Prinsessur fæðast ekki allar með
geislabaug, en útlit og falleg
framkoma, ásamt því að vera
hrein og snyrtileg til fara, er
alltaf plús við sterkan karakter.
Ég hef fylgst vel með kóngafólk-
inu í gegnum tíðina, ekki síst
dönsku konungsfjölskyldunni og
er afar hrifin af alþýðustúlkunni
Mary Donaldson sem giftist Frið-
riki krónprins í vor. Hún geislar
og hreinlega smellpassar í hlut-
verkið.“
Fegurðardrottningin Unnur
Steinsson hefur komist nær
prinsessudraumnum en mörg ís-
lensk stúlkan. Þegar lúðrarnir
blésu fegurð hennar og töfrum
lofsöng fyrir alþjóð fékk hún dýr-
indis kórónu ofan á dökkbrúnt
hárið; með glitrandi fögrum eðal-
steinum og mátti hafa hana heima
í heilt ár.
„Hún var nú aðallega borð-
skraut heima þessi kóróna, enda
stór og þung og afar óþægilegt
höfuðfat sem tolldi illa á höfði
mínu. Mér þótti engin sérstök til-
finning að fá kórónu á kollinn,
enda aldrei átt prinsessudrauma
um dagana,“ segir strákastelpan
Unnur sem kaus alltaf útileik með
strákunum fram yfir dömulegri
leiki með stelpunum í hverfinu.
„Það var alltaf mamma sem
vildi klæða mig í kjóla og hafa
mig fína, og margar myndir til í
albúmum af mér í fínum
prinsessukjólum úr hennar
smiðju. Sjálf vildi ég bara vera í
buxum og strigaskóm úti að
leika.“
Móðir Unnar er Jórunn Karls-
dóttir kjólameistari sem saumað
hefur marga kjóla íslenskra feg-
urðardrottninga í gegnum árin.
Unnur var í einum slíkum,
prinsessubleikum, þegar hún var
kosin Ungfrú Ísland 1983.
„Sjálf hafði ég engan áhuga á
aðdáun á útliti mínu en gerði
samning við mömmu um að taka
þátt í keppninni. Hún hvatti mig
óspart og sagði þátttökuna verða
hreint ævintýri. Ef ég ynni fengi
ég að eiga bílinn hennar. Það var
því af hreinni hagsmunaástæðu
sem ég féllst á að taka þátt og
keppa. Ég kom út úr því með kór-
ónu og bíl sem hentaði vel á þeim
tíma því ég var í menntaskóla og
þótti leiðinlegt að taka strætó.“
Mamma veit alltaf best, segir
máltækið og Unnur segir sína
hafa haft rétt fyrir sér því keppn-
in og prinsessulífið hafi reynst
skemmtilegur skóli. „Maður fór
út í þetta sem keppni og það er
alltaf indælt að sigra. Ég sé ekki
eftir neinu, þótt draumurinn hafi
ekki verið minn í upphafi. Mig
dreymdi ekki einu sinni hina
kvenlegu fantasíu um prinsinn á
hvíta hestinum. Vildi miklu frek-
ar bónda með báða fætur á jörð-
inni.“
Og Unnur segir prinsessur
jafn misjafnar og þær eru marg-
ar, enda hver og ein með ólíkan
karakter. „Prinsessuímyndin
toppaði þó heiminn þegar Díana
var upp á sitt besta, enda stór-
glæsileg kona. Ef einhver var
prinsessa í mínum huga var það
Díana.“
Drottningarmóðir með fegurstu prinsessuna
Vart eftirsóknarvert að vera prinsessa
Kórónan þungt og óþægilegt höfuðfat
KIDDA ROKK
GÍTARLEIKARI Í ROKKSLÆÐUNNI
UNNUR ARNGRÍMSDÓTTIR
DANSKENNARI OG FYRIRSÆTA
UNNUR STEINSSON
VERSLUNARKONA
Prinsessur að eilífu
Á síðustu árum hefur prinsessudraumnum rignt yfir dætur hins vest-
ræna heims í formi bóka, kvikmynda, rúmfata, prinsessukjóla og hvers
kyns fylgihluta. Draumurinn um riddarann á hvíta hestinum og ham-
ingjusama lífdaga í konungsríki eru hvergi á undanhaldi þótt innihald
hans sé orðið um margt öðruvísi síðan á dögum ævintýra H.C. Ander-
sen og Walt Disney. Þórdís Lilja Gunnarsdóttir fékk að heyra af
prinsessudraumum fimm kvenna af fimm kynslóðum; hverjir þeir
voru, hvort þeir rættust og hvernig þeir hafa breyst.
FR
ÉT
TA
B
LA
Ð
IÐ
/V
AL
G
AR
Ð
U
R
FR
ÉT
TA
B
LA
Ð
IÐ
/E
.Ó
L.
FR
ÉT
TA
B
LA
Ð
IÐ
/P
JE
TU
R