Fréttablaðið - 23.10.2004, Blaðsíða 4
4 23. október 2004 LAUGARDAGUR
Atómstöðin:
Halldór fékk
söguna að láni
BÓKMENNTIR Atómstöðin minnir
um margt á söguþráð tékknesku
skáldsögunnar Anna öreigastúlka,
að mati Hannesar H. Gissurarson-
ar prófessors. Einar Olgeirsson,
leiðtogi kommúnista hér á landi,
benti Halldóri á bókina árið 1932
og þótti hún sannar öreigabók-
menntir. Halldór byrjaði á Atóm-
stöðinni haustið 1946.
Hannes segir að hliðstæður í
bókunum séu mjög margar. Til
dæmis fjalli báðar bækurnar um
sveitastúlku sem gerist vinnu-
kona á yfirstéttarheimili. Þær
kynnist báðar kommúnistum og
verði báðar þungaðar. Önnur
dóttirin á ríkisbubbaheimilinu
verði í báðum sögum þunguð og
látin eyða fóstri. Í báðum sögun-
um komi fyrir morð, sem röngum
aðilum sé kennt um. Þá hefjist
báðar sögurnar inni í eldhúsi og
báðum ljúki úti á torgi.
„Ég sé ekkert athugavert við
það þótt söguþráðurinn sé mjög
líkur,“ segir Hannes. „Kiljan tek-
ur söguþráð og blæs í hann nýju
lífi. Þetta gerði Jónas Hallgríms-
son líka, þegar hann orti kvæðið
Móðurást.“
Hannes segir að margir gætu
lært af vinnubrögðum Halldórs.
„Ég vona til dæmis að ég hafi
sjálfur lært af honum um hvernig
taka eigi texta annarra og vinna
úr honum eigin texta.“ Hannes
hefur lokið við að skrifa annað
bindi ævisögu Halldórs Laxness.
- ghg
Dæmdur í þriggja
ára fangelsi
Stefán Logi Sívarsson hefur verið dæmdur í þriggja ára fangelsi
fyrir að hafa ráðist á sextán ára dreng og slasað hann lífshættulega.
DÓMSMÁL Stefán Logi Sívarsson
var í Héraðsdómi Reykjavíkur í
gær dæmdur í þriggja ára fang-
elsi fyrir sérstaklega hættulega
líkamsárás sem hann framdi í
apríl. Ríkissaksóknari fór fram á
að Stefán yrði dæmdur í fjögurra
ára fangelsi.
Stefán Logi var nýkominn úr
fangelsi og var á reynslulausn
þegar hann réðst á sextán ára
dreng á heimili sínu. Hann sló
drenginn með krepptum hnefa í
andlit og maga svo drengurinn
féll í gólfið. Síðan sparkaði hann í
kvið drengsins þar sem hann lá á
gólfinu, með þeim afleiðingum að
milta rifnaði. Drengurinn fékk
lífshættuleg meiðsli innvortis.
Stefán Logi var einnig ákærður
fyrir að hafa ásamt félaga sínum
ráðist á mann í samkvæmi í mið-
bæ Reykjavíkur en var sýknaður
af þeirri líkamsárás. Seinna sama
dag slógu þeir og spörkuðu í
stúlku sem var með þeim í bíl en
Stefán var líka sýknaður af þeirri
árás því engir áverkar voru á
stúlkunni.
Stefán Logi á samfelldan saka-
feril frá árinu 1997. Síðan árið
1998 hefur hann hlotið átta refsi-
dóma fyrir þjófnað og umferðar-
lagabrot, þjófnað, gripdeild,
hylmingu og fyrir
líkamsárásir. Í
fjórum dómanna
hefur hann verið
dæmdur fyrir lík-
amsárásir og í
sumum tilvikanna
fleiri en eina.
Sálfræðingur
segir Stefán Loga
eiga við ýmiss konar félagsleg og
persónuleg vandamál að stríða,
sem að mestu megi rekja til fíkni-
efnaneyslu hans frá unga aldri og
mjög erfiðra uppeldisskilyrða.
Stefán er talinn sakhæfur. Játn-
ingar eru metnar til refsilækkun-
ar.
Maður sem ákærður var með
Stefáni fyrir tvær seinni líkams-
árásirnar var dæmdur til að
greiða 75 þúsund krónur í sekt. Sá
hlaut tveggja og hálfs árs fangelsi
árið 1999. Í september árið 2000
hlaut hann reynslulausn sem hann
stóðst. Hann hefur ekki áður gerst
sekur um líkamsárás.
hrs@frettabladid.is
Tannlæknar:
Endurgreiðslur
aukast um 4%
HEILBRIGÐISMÁL Fjögurra prósenta
hækkun gjaldskrár tannlækninga
var kynnt á ríkisstjórnarfundi í
gær. Heilbrigðisráðuneytið gefur
gjaldskrána út, en hún er notuð sem
grunnur vegna endurgreiðslna
Tryggingastofnunar ríkisins, þar
sem ekki er í gildi gjaldskrársamn-
ingur við tannlækna. Hækkunin
gildir frá og með næstu mánaða-
mótum.
Í tilkynningu heilbrigðisráðu-
neytisins kemur fram að ráðherra
grípi til hækkunar nú til að endur-
greiðslur þeirra sem eiga rétt á
þeim haldi verðgildi sínu. Þá kemur
fram að hækkunin og auknar
greiðslur sem af henni stafi rúmist
innan fjárveitinga ársins og fjár-
veitingaramma næsta árs. - óká
■ ÍRAK
■ KIRKJUÞING
■ LÖGREGLUFRÉTTIR,,Stefán
Logi á sam-
felldan
sakaferil
frá árinu
1997
Ætti að binda enda á verkfall
kennara með lagasetningu?
Spurning dagsins í dag:
Ertu búin(n) að skipta yfir á vetrar-
dekkin?
Niðurstöður gærdagsins
á visir.is
55%
45%
Nei
Já
KJÖRKASSINN
Farðu inn á fréttahluta visir.is
og segðu þína skoðun
Stykkishólmur:
Án búðar í
tvær vikur
VIÐSKIPTI Í dag opnar Bónus nýja
verslun í Stykkishólmi, en það er
fyrsta Bónusverslunin sem opnar á
Snæfellsnesi.
Egill Egilsson verslunarstjóri
segir búðina vera um 600 fermetra
að stærð og fyrst í stað verði aðalá-
hersla lögð á matvæli fremur en
sérvöru. „Ætli þetta verði ekki hátt
í 2.000 vöruflokkar hjá okkur,“
segir hann.
Framkvæmdir við búðina hófust
fyrir um hálfum mánuði síðan, en í
húsnæðinu var áður verslun 10-11.
Á meðan hafa íbúar Stykkishólms
verið án matvöruverslunar og hafa
því þurft að sækja nauðsynjar til
Grundarfjarðar. „Svo hafa bakaríið
og bensínstöðin verið með aðeins
meira af mjólk og þess háttar á
meðan,“ segir Egill. - óká
T Í S K U V E R S L U N
RÍTA, BÆJARLIND
Á 5 ÁRA AFMÆLI Í DAG
AF ÞVÍ TILEFNI GEFUM VIÐ
20% AFSLÁTT
AF ÖLLUM VÖRUM
OPIÐ FRÁ KL. 10.00 - 17.00 Í BÁÐUM BÚÐUM
B Æ J A R L I N D 6 • E D D U F E L L I 2
INNBROT Í BREIÐHOLTI Brotist
var inn á tvo staði í Breiðholti um
klukkan hálfníu í gærmorgun.
Farið var inn í geymslu í Fella-
hverfi og þaðan stolið útskornu
barborði. Þá var brotist inn í
vinnuskúr í Hólahverfi. Lögregl-
an í Reykjavík rannsakar málið.
DANIR SÆRÐUST Þrír Danir særð-
ust lítillega þegar sprengjur
sprungu þar sem dönsk hersveit
var við eftirlit suðvestur af Basra.
Sár Dananna voru minniháttar;
einn særðist á öxl, annar fékk
skurð á augnbrún og sá þriðji heila-
hristing.
OF HÆTTULEGT „Enginn hluti Íraks
getur talist öruggur,“ sagði Rupert
Colville, talsmaður Flóttamanna-
fulltrúa Sameinuðu þjóðanna, þegar
hann hvatti ríki heims til að senda
ekki flóttamenn frá Írak aftur til
landsins að svo stöddu.
HANNES H. GISSURARSON
Vonast til að hann hafi sjálfur lært af vinnubrögðum Halldórs um hvernig taka eigi texta
annarra og vinna úr honum eigin texta.
ÚR HÉRAÐSDÓMI REYKJAVÍKUR
Sálfræðingur segir Stefán Loga eiga við ýmiss konar félagsleg og persónuleg vandamál að
stríða, sem að langmestu leyti megi rekja til fíkniefnaneyslu hans frá unga aldri og mjög
erfiðra uppeldisskilyrða.
FR
ÉT
TA
B
LA
Ð
IÐ
/V
AL
LI
SKIPAN PRÓFASTSDÆMA KÖNN-
UÐ Skipuð hefur verið fimm
manna nefnd kirkjuþingsfulltrúa
sem á að fara yfir skipan pró-
fastsdæma á landinu í samráði
við biskupafund og aðra aðila.
Nefndin á að afla umsagna hér-
aðsfunda á næsta ári að undan-
genginni nauðsynlegri almennri
kynningu og skila áliti til bisk-
upafundar og kirkjuráðs.
Vegagerð:
Ný brú yfir
Vatnsholtsá
SAMGÖNGUR Verið er að leggja loka-
hönd á gerð nýrrar brúar yfir Vatns-
holtsá í Staðarsveit á Snæfellsnesi,
en þar var fyrir einbreið brú.
„Árið 2006 verður tekin einbreið
brú á leiðinni niður í Stykkishólm,
en aðrar brýr eru á langtímaáætl-
un,“ segir Ingvar Árnason, deildar-
stjóri hjá Vegagerðinni í Borgar-
nesi, en þar á meðal eru einbreiðar
brýr yfir Hítará og Haffjarðará.
Vegagerðin stefnir að því að á end-
anum verði búið að útrýma öllum
einbreiðum brúm. - óká
04-05 22.10.2004 19:00 Page 2