Fréttablaðið - 23.10.2004, Blaðsíða 49

LAUGARDAGUR 23. október 2004 37
Það hefur ekki gengið átakalaust
að veita Turner-verðlaunin í 20 ár.
Mesta undrunin við sýninguna í
ár er að ekkert verk vekur sér-
staka hneykslun, sem segir svo-
lítið til um þau verk sem hafa
verið tilnefnd undanfarin ár.
Hneykslun hófst strax við
fyrstu afhendinguna þegar
Malcom Morley voru veitt verð-
launin. Hann er Breti, en hafði þá
búið í Bandaríkjunum í 26 ár og
hafði ekki einu sinni fyrir því að
vera viðstaddur afhendinguna.
Síðustu ár hafa verk fjögurra
listamanna verið sérlega umdeild.
Þeirra Damiens Hirst, Chris Ofili,
Tracys Emin og Martins Creed.
Damien Hirst var tilnefndur árið
1995 með verk sitt Mother and
Child, Divided. Verkið sýnir kú og
kálf, bæði eru klofin í tvennt og
geymd í formalíni. Hann hefur
sagt að dýrin í formalíninu eigi að
tákna krossfestinguna. Hann
hlaut verðlaunin.
Chris Ofili
var til-
n e f n d u r
árið 1998. Í
fjölmiðlum
var mikið
gert úr því
að hann
m á l a ð i
með fíla-
skít. Það
var ekki
alls kostar
rétt, en
hins vegar
var fíla-
skítur notaður í verkum hans.
Hann hlaut verðlaunin.
Tracy Emin var tilnefnd árið 1999
með verk sitt My Bed. Þar sýndi
hún rúmið sitt, eins og það var
eftir að hún hafði dvalið þar í viku
til að jafna sig á að hafa hætt með
kærastanum. Í rúminu mátti
finna flöskur af áfengi, óhrein
undirföt, sígarettustubba og
þungunarpróf, svo eitthvað sé
nefnt. Þetta var umtalaðasta
verkið það árin, en hún hlaut ekki
verðlaunin.
Martin Creed hlaut verðlaunin
árið 2001 og var mikið grín gert af
þessu framlagi. Verk hans, The
lights going on and off, var ein-
faldlega ljós að kvikna og
slökkna, fimm sekúndur í senn.
Mörgum þótti þetta lítil list og
verðlaununum ekki til framdrátt-
ar að þessi listamaður skuli hafa
hlotið þau.
svanborg@frettabladid.is
SIGURVEGARAR
1984-2003
1984 Malcolm Morley
1985 Howard Hodgkin
1986 Gilbert & George
1987 Richard Deacon
1988 Tony Cragg
1989 Richard Long
1990 Engin verðlaun veitt
1991 Anish Kapoor
1992 Grenville Davey
1993 Rachel Whiteread
1994 Antony Gormley
1995 Damien Hirst
1996 Douglas Gordon
1997 Gillian Wearing
1998 Chris Ofili
1999 Steve McQueen
2000 Wolfgang Tillmans
2001 Martin Creed
2002 Keith Tyson
2003 Grayson Perry
Átök og hneyksli við veitingu Turner-verðlaunanna
48-49 (36-37) turner 22.10.2004 19:42 Page 3