Fréttablaðið - 23.10.2004, Blaðsíða 25

25LAUGARDAGUR 23. október 2004
Bati hjá
Motorola
Bandaríska fjarskiptafyrirtækið
Motorola hagnaðist um tæplega
þrjá og hálfan milljarð króna á þrið-
ja ársfjórðungi. Það er tæpum
tveimur milljörðum meira en á
sama tíma í fyrra.
Fyrirtækið jók söluna um rúman
fjórðung. Helsti vaxtarbroddurinn
var í gsm símum og seldust 34%
fleiri símar nú en á sama tíma í
fyrra. Fyrirtækið hefur nær tvö-
faldað tekjur sínar frá því að nýr
forstjóri, Ed Zander, tók við í des-
ember á síðasta ári.
Samt hefur verð á hlutabréfum í
félaginu lækkað því forsvarsmenn
fyrirtækisins spá hægari vexti í
rekstrinum á komandi misserum.
- gag
MJÓR ER MIKILS VÍSIR Jeff Bezos útbjó
í skyndingu merki Amazon og notaði til
þess úðabrúsa og pappaspjald þegar hann
var fenginn í viðtal á japanskri sjónvarps-
stöð árið 1995.
Þrefaldur
hagnaður
Hagnaður bóksalans Amazon.com
þrefaldaðist á síðasta ársfjórð-
ungi miðað við sama tíma í fyrra.
Þrátt fyrir það lækkaði verð á
hutabréfum félagsins þar sem
fjárfestar áttu von á jafnvel enn-
þá betri tölum.
Amazon græddi 54 milljónir
Bandaríkjadala, eða tæpa fjóra
milljarða íslenska króna. Þessi
hagnaður er sambærilegur við
hagnað íslensku bankanna á síð-
asta ársfjórðungi en markaðsvirði
Amazon er áþekkt markaðsvirði
allra fyrirtækja á íslenska mark-
aðnum samanlagt. Amazon er nú
metið á ríflega 1.100 milljarða
króna.
Það sem af er ári hefur
Amazon hagnast um 240 milljónir
Bandaríkjadala (tæplega sautján
milljarða króna) en í fyrra var tap
á rekstri fyrstu níu mánuðina upp
á tæpa þrjá milljarða króna.
- þk
NÝR SAMSUNG Nýr farsími með öflugri
myndavél var kynntur á sýningu í Seúl í
Suður-Kóreu í vikunni. Síminn tekur mynd-
ir með fimm milljóna díla upplausn sem
jafnast á við það besta sem fæst með
venjulegum stafrænum myndavélum. Sím-
inn fer á markað í Suður-Kóreu innan
nokkurra vikna.
Enn gróði hjá Gates
Microsoft hagnaðist um 200
milljarða á síðasta ársfjórð-
ungi.
Hugbúnaðarrisinn Microsoft
hagnaðist um 2,9 milljarða Banda-
ríkjadala á síðasta ársfjóðungi.
Þetta samsvarar um tvö hundruð
milljörðum íslenskra króna. Þetta
er ellefu prósenta hækkun frá því
á sama tíma í fyrra.
Þrátt fyrir þetta féllu hlutabréf
í fyrirtækinu í verði í kjölfar
fréttanna. Fjárfestar efast um að
félaginu takist að viðhalda yfir-
burðastöðu sinni til langframa
auk þess sem tafir á útgáfu nýs
stýrikerfis hafa vakið upp efa-
semdir.
Þá hefur Microsoft gengið verr
en áður að gera langtímasamn-
inga við stóra viðskiptavini og
skrifast það að hluta til á þá stað-
reynd að fyrirtækið hefur ekki
boðið upp á miklar nýjungar upp á
síðkastið.
Næsta uppfærsla af Microsoft
Windows stýrikerfinu er ekki
væntanleg á markað fyrr en árið
2006 og ný útgáfa sem gengur
undir vinnuheitinu Windows
Longhorn kemur líklega ekki á
markað fyrr en árið 2007.
Sérfræðingar segja að
Microsoft hafi hins vegar tekist
betur upp en mörgum öðrum
tæknifyrirtækjum að draga úr
kostnaði við reksturinn.
- þk
VEIT HVAÐ KLUKKAN SLÆR Bill Gates, forstjóri Microsoft (til hægri), og Nick Hayek,
forstjóri Swatch, kynna nýtt Swatch-úr fyrr í vikunni. Gates er líklegur til að hafa efni á
nokkrum slíkum en hann er ríkasti maður heims.
FR
ÉT
TA
B
LA
Ð
IÐ
/A
P
FR
ÉT
TA
B
LA
Ð
IÐ
/A
P
24-25 viðskipti 22.10.2004 15:31 Page 3