Fréttablaðið - 23.10.2004, Blaðsíða 45

LAUGARDAGUR 23. október 2004 33
PRÓTEINRÍKUROG FITULAUS
Í september markaðssetti Mjólkursamsalan skyr.is-
drykk í þremur bragðtegundum sem neytendur hafa
tekið frábærlega. Viðtökur hafa verið slíkar að ekki
hefur enn tekist að anna eftirspurn sem er langt
umfram áætlanir. Umbúðir eru um það bil að klárast
en eru væntanlegar næstu daga. Því gæti komið til
þess að vöruna vanti í verslanir. Mjólkursamsalan vill
þakka neytendum og söluaðilum biðlund, en innan
fárra daga verður hægt að anna þessari miklu
eftirspurn.
Uppistaðan í skyr.is-drykknum er hið einstaka próteinríka
skyr.is, en ekkert af næringarefnunum fer forgörðum
þegar því er breytt í svalandi drykk. Útkoman er bragð-
góður og fitulaus hollustudrykkur.

Um nokkurt skeið hefur MS markaðssett nýja kynslóð
mjólkurdrykkja í umbúðum sem auðvelt er að grípa til og
drekka úr í amstri dagsins. Þörfin var greinilega fyrir hendi
því viðtökurnar hafa verið einstaklega góðar.
Skyr.is-drykkurinn er enn einn valkosturinn af þessari
tegund mjólkurdrykkja.
Skyr.is-drykkurinn er
próteinríkur drykkur í dós
með opnunarflipa á loki
sem fljótlegt er að drekka úr.
Þökkum frábærar viðtökur
við skyr.is-drykknum!
Hjartaáfall Travis og upprisa
Stuttu eftir tónleika Travis á Ís-
landi fyrir tveimur árum síðan
lenti trommarinn Neil Primrose í
alvarlegu slysi. Á tímabili var ótt-
ast að hann yrði lamaður að hluta,
eftir að hann braut á sér hálsinn í
slysi á sundlaugarbakka, og því
kraftaverki líkast að maðurinn
skuli vera kominn aftur á bak við
trommusettið.
Í nýju myndbandi sveitarinnar,
við lagið Walking in the Sun, sést
hvar Fran Healy söngvari lendir
ítrekað í lífsháska. Hefði Neil
kannski ekki átt að leika aðalhlut-
verkið?
„Ég held að hann sé búinn með
sinn skammt,“ segir Fran og hlær.
„Okkur finnst öllum ennþá ótrú-
legt að hann hafi náð fullum bata.
Það fáránlega við þetta allt saman
var að nokkrum dögum áður en
hann lenti í þessu hræðilega slysi
vorum við á Íslandi á snjósleðum
og hestbaki. Við fórum líka niður
hættulegar ár í gúmmíbátum. Svo
nokkrum dögum síðar hoppar
hann ofan í sundlaug og brýtur á
sér hálsinn! Þetta var mjög undar-
legt. Ég held að allt gerist af ein-
hverjum ástæðum. Á þessum tíma
vorum við allir að velta fyrir
okkur hvernig lífið yrði án hljóm-
sveitarinnar. Eftir The Invisible
Band plötuna áttum við eiginlega
ekkert einkalíf. Okkur sárlangaði
í frí, og suma jafnvel eitthvað
meira. Slysið olli því að við feng-
um það. Þetta væri eins og Guð
væri að ákveða að nú tæki hann
hljómsveitina í burtu frá okkur
um tíma. Eftir að það gerðist átt-
uðum við okkur á því að við vild-
um vera í sveitinni áfram. Ég trúi
ekki svo mikið á Guð, en ég trúi
því að það sé eitthvað til sem sé
stærra en við sjálfir.“
Hafði þetta mikil áhrif á sam-
skipti ykkar á milli eða viðhorfi
ykkar til fjölskyldunnar?
„Nei, kannski mest fyrir Neil. Í
átta mánuði þurfti hann að hugsa
mikið. Hann hefur breyst örlítið,
en ekki svo mikið. Þetta var eins
og Travis hefði fengið hjartaáfall
og væri liggjandi á jörðinni, svo
hefði elding skotist niður í sveit-
ina og lífgað hana aftur við. Við
gerðum okkur grein fyrir því
hversu mikilvægt það væri að
vera í hljómsveit. Við áttuðum
okkur á því að það eru mikilvæg-
ari hlutir í lífinu en að selja plötur.
Við höfðum gleymt því að fyrir
utan stórkostlegar sölutölur áttum
við ótrúlegri velgengni að fagna.
Við elskuðum allir hvor annan og
við eyddum alltaf löngum tíma
saman. Við áttuðum okkur á því að
við vorum í hljómsveit af öllu
réttu ástæðunum. Þegar maður
byrjar að selja milljónir platna þá
er svo auðvelt að láta það fara að
skipta mestu máli. Við þurftum
bara að fá jarðtengingu aftur. Mér
er illa við að segja þetta, en í dag
er ég ótrúlega glaður að þetta
gerðist.“
„Dópisti ræðst á söngvara Travis
með notaðri sprautunál.“
Síðustu vikurnar hafa Travis spil-
að á níu tónleikum um Bretland til
að minna á sig. Þeir tóku einnig
upp á því að spila á götunni, fyrir
vegfarendur borganna sem þeir
voru staddir í hverju sinni.
„Við fórum út á götu í
Newcastle, Cambrigde, Glasgow,
Sheffield og London. Tókum lagið
og söfnuðum peningum.“
Þekkti fólk ykkur?
„Já, þetta var virkilega
skemmtilegt. Við græddum slatta
af peningum, sem var frábært. Við
gáfum þá til blaða sem styrkja
heimilislausa. Við græddum 180
pund í Glasgow, 240 pund í Sheffi-
eld og 485 pund í London. Betlar-
arnir voru virkilega þakklátir.
Þetta var frábær leið til þess að
komast í samband við fólk aftur.“
Þegar Badly Drawn Boy gerði
það sama í London náði hann bara
inn mjög smáum upphæðum. Að-
allega vegna þess að það þekkti
hann enginn í sjón.
„Já, ég veit. Við erum heppnir í
Bretlandi því það þekkja svo marg-
ir lögin okkar. Það er hægt að sjá
myndbandsupptökur af þessu á
Travis heimasíðunni. Á einni upp-
tökunni ryðst maður að okkur með
sprautunál. Blöðin skrifuðu að
„dópisti hefði ráðist á mig með not-
aðri sprautunál“. Þetta var ekkert
þannig. Hann var bara utan við sig,
hélt á nálinni og benti stöðugt á
höndina á sér. Hann bað mig um
peninga fyrir heróíni, ég hélt bara
áfram að syngja.“
Peningar og sköpunargáfa
Saknið þið þess að spila á minni
stöðum þar sem þið sjáið framan í
fólkið?
„Já, ég trúi því að það sé ekkert
til sem heitir risa-rokksveit. Við
erum bara klúbbasveit að spila á
stórum stöðum, alveg eins og U2.
Það er skemmtilegast að spila
fyrir framan 2.000 manna hóp.
Það er leiðinlegt þegar það þarf
risakerfi til þess að koma tónlist-
inni til skila til allra.“
Í talanda virkar Fran Healy
eins og manneskja sem skoðar
sjálfa sig reglulega innanfrá.
Passar þannig upp á að tapa ekki
söguþræði síns eigin lífs.
„Já, það er alveg satt. Það
getur stundum verið mjög óþol-
andi fyrir kærustuna mína,“ segir
hann og hlær. „Maður verður að
hafa sitt á hreinu. Ég fór frá því
að eiga enga peninga, til þess að
eiga bunka af seðlum á ótrúlega
stuttum tíma. Ég áttaði mig á því
að þegar maður á enga peninga þá
veltir maður því fyrir sér hvernig
það væri að eiga miklu meira. Svo
þegar það gerist áttar maður sig á
því að þessir hlutir skipta ekki
öllu máli. Ég ætla ekki að segja að
þessir hlutir séu ekki góðir en á
sama tíma áttar maður sig á því á
lífið og sambönd við annað fólk
skiptir miklu meira máli. Maður
þarf að græða slatta af peningum
til þess að átta sig á því að þeir
gera mann hvorki hamingjusam-
ari né óhamingjusamari. Sumir
segja að ef maður eigi meira af
peningum, verði vandræðin meiri.
Það er ekki satt. Þeir sem segja
svoleiðis munu líklegast bara
alltaf vera óhamingjusamir, sama
hvernig fjárhagsstaðan þeirra er.“
Ertu þá að segja peningar
hjálpi ekkert til með að vera skap-
andi?
„Ef maður á peninga getur mað-
ur farið og keypt nýjan gítar og
hljóðfærið ýtir við einhverju inni í
manni sem verður svo að nýju lagi.
En þegar ég átti enga peninga þá
sleit ég kannski streng, og átti ekki
pening fyrir nýjum. Svo þegar ég
var að semja bara með fimm
strengi í gítarnum, þá réð sú stað-
reynd að það vantaði einn, því
hvernig lagið varð á endanum. Ef
þú ert með haus sem hættir aldrei
að hugsa um að skapa og leysa
vandamál hafa peningar ekki nein
áhrif á það.“
Ok. Þá geta íslenskir tónlistar-
menn bara haldið áfram að semja
góða tónlist á kúpunni, án þess að
varða sig frekar um lífsgæði.
44-45 (32-33) Jóhann/Á vegi 22.10.2004 19:41 Page 3