Fréttablaðið - 12.11.2004, Síða 6

6 12. nóvember 2004 FÖSTUDAGUR
Forstöðumaður Hagfræðistofnunar Háskóla Íslands:
100 prósenta lán notuð
til að endurfjármagna
ÍBÚÐALÁN Líklegt er að fólk sem er
mjög skuldsett og hafði hugsað
sér að taka 80 prósenta íbúðalán
til að endurfjármagna hætti nú
við það og ákveði einfaldlega að
selja íbúðir sínar, að sögn
Tryggva Þórs Herbertssonar, for-
stöðumanns Hagfræðistofnunar
Háskóla Íslands.
Tryggvi Þór segir að tilkoma
100 prósenta íbúðalánanna opni
fyrir nýjan möguleika hjá fólki til
að endurfjármagna skuldir sínar.
Lánin séu aðeins veitt til íbúða-
kaupa og því sé vel hugsanlegt að
einhverjir ákveði að selja íbúðir
sínar og gera þannig upp skuldir
sínar. Þeir muni síðan notfæra sér
100 prósenta lánin til að kaupa
nýja íbúð. Þannig losni þeir við
óhagstæð lán en veðsetji nýju
eignina upp í topp með 4,2 prós-
enta láni.
Aðspurður hvers vegna bank-
arnir bjóði bara 100 prósenta lán
til íbúðakaupa en ekki til endur-
fjármögnunar segir Tryggvi Þór:
„Ætli þeir séu ekki að gera það til
þess að standa eitthvað á móti
þessum straumi að fólk sé að auka
neyslu með þessum lánum. Það
eru kannski margir sem ekki eru
tilbúnir að selja húsnæðið sitt en
væru tilbúnir að taka 100 prós-
enta lán á íbúðina sem þeir eiga ef
þeim byðist það.“ ■
Greiddu fyrir
vegtyllurnar
Framsóknarmenn sem fengu störf í gegnum flokkinn létu hluta
launa sinna renna til flokksins til að greiða skuldir í fjögur ár á tíma-
bilinu 1992 til 2000. Engu máli skipti hvers konar störf það voru.
STJÓRNMÁL Unnur Stefánsdóttir,
gjaldkeri Framsóknarflokksins
árin 1992 til 2000, setti sig í sam-
band við alla framsóknarmenn
sem beint eða óbeint voru í starfi
á vegum flokksins og óskaði eftir
því að þeir greiddu ákveðna upp-
hæð mánaðarlega. Venjulega var
miðað við 5.000 krónur á mánuði
en greiðslurnar gátu farið allt nið-
ur í 400 krónur, sérstaklega ef um
stöður með lægri launum var að
ræða. Þetta var gert með sam-
þykki og í samstarfi við formann-
inn Halldór Ásgrímsson. Unnur
segir að innheimtan hafi verið
erfið, jafnvel hjá hörðustu fram-
sóknarmönnum, og margir þeirra
hafi ekki viljað greiða þennan
skatt.
„Það er eitthvað sem ég þekki
ekki,“ segir Steingrímur Her-
mannsson, fyrrverandi forsætis-
ráðherra og seðlabankastjóri. „Ég
held að þetta hafi aðallega tíðkast
í sveitarstjórnum og launuðum
nefndum sem menn voru skipaðir
í á vegum flokksins. Ég held að
þannig sé þetta t.d. í Garðabæ en
ég hef aldrei heyrt að menn hafi
látið tíund renna til flokksins af
launuðum störfum sínum. Ég er
mjög undrandi að heyra það því
að flokkurinn skipar að sjálfsögðu
ekki í slíkar stöður.“
Steingrímur hefur aldrei
látið tíund renna af sínum laun-
um til flokksins, hvorki sem
seðlabankastjóri né ráðherra, og
hann man ekki til þess að hafa
verið í launuðu nefndastarfi fyr-
ir flokkinn síðustu áratugina.
Hvað þá að þessi spurning hafi
komið upp. Hann segist hins
vegar alltaf hafa keypt happ-
drættismiða hjá flokknum. „Ég
tel ekki rétt að skylda mann sem
hefur menntun og fær starf, t.d.
í kennslu eða skólastjórn, til að
borga í flokkssjóð. Ég tel mjög
óeðlilegt að hann borgi reglu-
lega af launum sínum til flokks-
ins nema náttúrlega að hann
geri það af fúsum og frjálsum
vilja,“ segir hann.
ghs@frettabladid.is
Stjórnarskrá ESB:
Fyrst staðfest
í Litháen
LITHÁEN, AP Litháar urðu fyrstir
aðildarþjóða Evrópusambandsins
til að staðfesta stjórnarskrá sam-
bandsins sem forystumenn aðildar-
ríkjanna 25 undirrituðu í Róm undir
lok síðasta mánaðar.
Stjórnarskráin var samþykkt
með atkvæðum 84 þingmanna á
Seimas, þingi Litháens. Fjórir þing-
menn greiddu atkvæði gegn stjórn-
arskránni og þrír sátu hjá en fimm-
tíu þingmenn voru fjarstaddir
þegar atkvæði voru greidd.
Stjórnarskráin á að taka gildi
2007. Öll aðildarríki verða að stað-
festa hana fyrir þann tíma til að hún
taki gildi. ■
Sigurður Geirdal:
Borgar þegar
illa stendur á
STJÓRNMÁL Sigurður Geirdal, bæjar-
stjóri í Kópavogi, greiðir árgjald til
Framsóknarflokksfélagsins í Kópa-
vogi og grípur svo stöku reikninga
og greiðir úr eigin vasa þegar illa
stendur á hjá flokknum. Bæjarfull-
trúar og fulltrúar flokksins í nefnd-
um hafa aldrei greitt ákveðinn
hlurta af launum sínum til flokks-
ins. Sigurður segir að það hafi kom-
ið til umræðu en aldrei til fram-
kvæmda.
„Félagsmenn borga árgjald og
það eru ekki stórir peningar. Það er
helst fyrir kosningar að félags-
mönnum er skrifað og þeir beðnir
um að leggja í kosningasjóð,“ segir
Sigurður. „Þegar kemur að kosning-
um er auglýst að öll framlög séu vel
þegin og við fáum styrk frá ótelj-
andi aðilum. Við gefum líka út blað
og menn eru þá sprækari að auglýsa
þannig að blaðið er gefið út með
hagnaði. En hjá smáfuglunum gerir
margt smátt eitt stórt. Við björgum
okkur á því.“ - ghs
■ LÖGREGLUFRÉTTIR
VEISTU SVARIÐ?
1Hver er forsprakki rappsveitarinnarHæsta hendin?
2Fyrir hverjum tapaði íslenska kvenna-landsliðið í knattspyrnu í fyrradag
7-2?
3Hver var gjaldkeri Framsóknarflokks-ins 1992-2000?
Svörin eru á bls. 54
HÖFUÐSTÖÐVARNAR
Framsóknarflokkurinn gefur engar upp-
lýsingar um styrki.
Framsóknarflokkurinn:
Gefur ekki
upplýsingar
STJÓRNMÁL „Framsóknarflokkur-
inn safnar fé til flokksstarfsins á
meðal einstaklinga og fyrirtækja.
Flokkurinn gefur hins vegar ekki
upp hverjir styrkja hann, né upp-
hæðir einstakra framlaga. Þess
má jafnframt geta að hvorki þing-
menn né ráðherrar flokksins hafa
þær upplýsingar heldur, aðeins
fjáröflunarnefnd flokksins og
framkvæmdastjóri. Upplýsingar
um greiðslur einstakra tegunda
fyrirtækja svo sem olíufélaga eru
heldur ekki gefnar upp eða
heildargreiðslur fyrirtækja til
flokksins.“
Þannig hljómar svar Sigurðar
Eyþórssonar, framkvæmdastjóra
Framsóknarflokksins, við fyrir-
spurn Fréttablaðsins um styrki
olíufélaganna til flokksins síðustu
tíu ár. - ghs
Framsóknarflokkurinn:
Framlög halda flokksstarfinu uppi
STJÓRNMÁL Allir sem eru í bæjar-
ráði, bæjarstjórn eða nefnda-
störfum á vegum Framsóknar-
flokksins í Garðabæ og Mosfells-
bæ láta hluta af launum sínum
renna til flokksfélagsins í bæn-
um og svo hefur verið lengi.
Þröstur Karlsson, bæjarfulltrúi
Framsóknarflokksins í Mosfells-
bæ, segir að þetta fyrirkomulag
hafi verið tekið upp 1994. Fólki
gefist alltaf kostur á að neita að
greiða tíundina en hingað til hafi
enginn notfært sér þann rétt.
Einar Sveinbjörnsson, bæjar-
fulltrúi Framsóknarflokksins í
Garðabæ, segir að framlagið
standi undir rekstri flokksstarfs-
ins í bænum. „Þetta er ekki um-
deilt. Menn skilja að þetta er
mikilvægt fyrir heildina. Í pólitík
eru fæstir að hugsa um eigin
vasa. Menn eru í góðum störfum
fyrir bæjarfélagið og vilja að
flokksfélagið líði ekki peninga-
legan skort. Allt stjórnmálastarf
þarf að hafa tekjur og tómt mál
að tala um það ef félögin eru
peningalega svelt.“
- ghs
FLUTTUR Á SLYSADEILD Einn slas-
aðist minniháttar og var fluttur á
slysadeild á Akureyri eftir bíl-
veltu neðst í Botnastaðabrekku
sunnan við Húnaver í fyrradag.
Ökumaður bílsins slapp með
skrámur en hann missti stjórn á
bílnum vegna ísingar þannig að
bíllinn endaði á toppnum utan
vegar.
TRYGGVI ÞÓR HERBERTSSON
Nýju 100 prósenta lánin opna fyrir nýjan
möguleika hjá fólki til að endurfjármagna
skuldir sínar.
Olís vegna Irving-olíu:
Engin hótun
OLÍUFÉLÖGIN Fráleitt er að halda því
fram að Olís hafi hótað að setja
Olgeir Jóhannesson, fyrrverandi
eiganda smurverkstæðisins Smurs
og dekks á Höfn í Hornafirði, á
hausinn ef hann myndi kaupa smur-
olíur af umboðsmanni Irving á Ís-
landi. Þetta kemur fram í tilkynn-
ingu frá Jóni Ólafi Halldórssyni,
framkvæmdastjóra markaðssviðs
stórnotenda hjá Olís.
„Olgeiri var gerð grein fyrir því
af hálfu Olís að ef hann kysi að slíta
samstarfi við Olís vegna Irving olíu
þá myndi Olís finna sér annan sam-
starfsaðila á Höfn,“ segir í tilkynn-
ingunni. „Það er algjörlega fráleitt
að halda því fram að um hótun hafi
verið að ræða, en ljóst að Olís yrði að
finna sér annan samstarfsaðila ef
Olgeir kysi að vinna með öðrum.“ ■
EINAR SVEINBJÖRNSSON
„Menn eru í góðum störfum fyrir bæjarfélagið og vilja að flokksfélagið líði ekki peninga-
legan skort,“ segir Einar Sveinbjörnsson, bæjarfulltrúi Framsóknarflokksins í Garðabæ.
STEINGRÍMUR HERMANNSSON
„Ég tel ekki rétt að skylda mann sem hefur menntun og fær starf, t.d. í kennslu eða skóla-
stjórn, til að borga í flokkssjóð. Ég tel mjög óeðlilegt að hann borgi reglulega af launum
sínum til flokksins nema náttúrlega að hann geri það af fúsum og frjálsum vilja.“
06-07 11.11.2004 20:19 Page 2