Fréttablaðið - 20.12.2004, Qupperneq 8

8 20. desember 2004 MÁNUDAGUR
VILJA EKKI TYRKI
Þjóðernissinnar á Ítalíu mótmætlu í gær
fyrirhugaðri inngöngu Tyrkja í Evrópusam-
bandið.
Barni rænt úr móðurkviði:
Montaði sig af barninu
BANDARÍKIN Lisa Montgomery
var á föstudag kærð fyrir að
hafa kyrkt konu til bana og rænt
barni hennar úr móðurkviði.
Barnið er við góða heilsu.
Montgomery og maður hennar
gengu um með barnið á veit-
ingastað og montuðu sig af því
nokkrum tímum áður en þau
voru handtekin.
Upp komst um Montgomery
þegar farið var í gegnum skila-
boðasendingar hinnar látnu,
Bobbi Jo Stinnett, en Mont-
gomery hafði komið á heimili
hennar í Kansas undir því yfir-
skini að ætla að kaupa hund af
henni. Þær höfðu skipst á skila-
boðum á netinu áður. Mont-
gomery játaði á sig glæpinn
undir yfirheyrslu. Hún á tvö
börn á menntaskólaaldri og
hafði sagt fólki áður að hún
væri ólétt og gengi með tvíbura.
Þegar hún sýndi barn Stinnett
kvaðst hún hafa misst annan tví-
burann við fæðinguna.
Morð á óléttum konum eru
algengari en margir halda, Sam-
kvæmt Washington Post hafa
1.367 óléttar konur verið myrtar
í Bandaríkjunum frá árinu 1990.
Kannanir sýna að meiri líkur
eru á að ólétt kona sé myrt en að
hún deyi af náttúrulegum orsök-
um. ■
Jólagjöf til þín
Það er sælla að gefa en þiggja, þess vegna höfum við hjá Ömmubakstri ákveðið
að bæta við einni flatköku í pakkana hjá okkur yfir jólin, þannig að þegar þú opnar
flatkökupakka næst, þá færðu fimm flatkökur í staðinn fyrir fjórar. Svo viljum við
óska öllum landsmönnum nær og fjær, gleðilegra jóla og farsælls komandi árs.
Starfsfólk Ömmubaksturs
S
kó
la
vö
rð
us
tí
g
2
•
S
ím
i 5
5
2
1
7
0
0
Bæjarstjórn skortir
kjark til að hagræða
Andrés Sigmundsson, sem er í minnihluta bæjarstjórnar Vestmannaeyja, segir
meirihlutann skorta pólitískan kjark til að hagræða. Gert er ráð fyrir að eigið fé
bæjarsjóðs Vestmannaeyja verði neikvætt um rúmar 185 milljónir í lok árs 2005.
■ LÖGREGLUFRÉTTIR
HLJÓP UNDAN LÖGREGLU Bíll valt
á Garðveginum utan við Keflavík
rétt fyrir hádegi á sunnudag. Öku-
maður var mikið ölvaður og hljóp
í burt en náðist á flótta. Maðurinn
var færður í fangageymslur.
VESTMANNAEYJAR
Bæjarstjórinn í Vestmannaeyjum segir að róðurinn verði þungur á næsta ári, líkt og hjá öðrum sambærilegum bæjum.
SVEITARSTJÓRNARMÁL Reiknað er
með að rekstur bæjarsjóðs Vest-
mannaeyjabæjar verði neikvæð-
ur um 52 milljónir á árinu 2005
samkvæmt fjárhagsáætlun Vest-
manneyjabæjar sem lagður var
fyrir bæjarstjórn á fimmtudag.
Taka á ný langtímalán upp á rúm-
ar 127 milljónir, en greiða um 94
milljónir af eldri lánum. Lang-
tímalán bæjarsjóðs munu því
aukast um rúmar 33 milljónir.
Samkvæmt áætluninni verður
eigið fé bæjarsjóðs neikvætt um
rúmar 185 milljónir í lok árs
2005. Bergur Elías Ágústsson,
bæjarstjóri í Vestmannaeyjum,
segir að rekstur Vestmannaeyja-
bæjar, líkt og sambærilegra
bæja, verði þungur á næsta ári.
„Launahækkanir og kostnaðar-
auki vegna ógerðra kjarasamn-
inga vega þungt. Þessu gerum
við ráð fyrir en erum ekki að
reyna að fegra þetta með tölum.“
Andrés Sigmundsson, sem sit-
ur í minnihluta bæjarstjórnar,
segir ljóst að pólitískan kjark
vanti til að ná fram þeirri hag-
ræðingu sem nauðsynleg er. „Það
vantar hagræðingu. Það er verið
að reyna að skera niður og mark-
ið sett á fimm prósent. Það er
ljóst að þeir ná þessu ekki. SS-
flokkarnir hafa ekki dug í sér til
að ná þessu fram, heldur halda
áfram að safna skuldum. Þeir eru
að velta vandanum á undan sér.“
Bergur segir að bæjarsjóður
hafi safnað skuldum frá 1991. Á
móti komi nauðsynlegar fram-
kvæmdir. Á næsta ári verði til
dæmis farið í hafnarfram-
kvæmdir sem séu nauðsynlegar
því höfnin sé lífæð Vestmanna-
eyinga.
Eignir í lok árs 2005 eiga að
vera rúmir þrír milljarðar króna.
Þar af eru kröfur á eigin fyrir-
tæki rúmur 1,5 milljarður. Bergur
segir að meirihluti þess sé vegna
leigugreiðslna stofnana og fyrir-
tækja bæjarins, eftir að eignir
voru seldar fasteignafélagi fyrr á
þessu ári, til að greiða niður óhag-
stæðar skuldir. Skuldir, án lífeyr-
isskuldbindinga, verða rúmir 2
milljarðar. Þar af eru skuldir við
eigin fyrirtæki rúmar 960 millj-
ónir. svanborg@frettabladid.is
LISA MONTGOMERY
Hefur verið kærð fyrir að kyrkja konu til bana og ræna barni hennar úr móðurkviði.
Fórnarlamb ruslpósts:
Fær millj-
arða bætur
IOWA, AP Dómstóll í Iowa hefur
dæmt þrjú fyrirtæki til þess að
greiða netþjónustufyrirtæki 63
milljarða króna í skaðabætur fyrir
ruslpóst sem þau sendu.
Netþjónustan fær að meðaltali
10 milljón ruslpósta á dag frá fyrir-
tækjunum. „Þetta er sigur fyrir
okkur öll sem fáum gríðarlegt
magn af ruslpósti inn á tölvuna okk-
ar daglega,“ sagði Robert Kramer,
eigandi netþjónustunnar. Talið er
að þetta sé stærsti dómur sem hef-
ur fallið í máli af þessum toga. ■