Fréttablaðið - 20.01.2005, Page 11

FIMMTUDAGUR 20. janúar 2005 11
FRÁ ÍSAFJARÐARBÆ
Ánægja er fyrir vestan með samstarf við
Veðurstofuna.
Vestfirðir:
Sátt um fyr-
irkomulag
SNJÓFLÓÐAHÆTTA Sýslumenn, bæjar-
stjórar og sveitarstjórar á þéttbýlis-
stöðum á sunnan- og norðanverðum
Vestfjörðum lýsa yfir að þeir hafi
góða reynslu af því fyrirkomulagi
sem er um rýmingu húsa. Ástæða
yfirlýsingarinnar er umfjöllun í
fjölmiðlum um að Veðurstofan hafi
of mikið vald til rýmingar.
Ráðamennirnir segja samstarf
við Veðurstofuna hafa reynst afar
vel og því ástæðulaust að hrófla við
því fyrirkomulagi. Þá hafi Veður-
stofan ekki lögregluvald til að fram-
kvæma rýmingu heldur beri henni
að hafa samráð við lögreglustjóra og
almannavarnanefndir þegar gefin
er út viðvörun um snjóflóðahættu og
rýmingu húsa lýst yfir. - hrs
Botnfiskveiði:
Afkoman
versnar
SJÁVARÚTVEGUR Afkoma botnfisk-
veiða versnaði frá árinu 2002 til
ársins 2003 en afkoma botnfisk-
vinnslu batnaði. Þetta kemur
fram í hefti Hagstofunnar um
sjávarútveg. Helstu botnfiskteg-
undir eru þorskur, ýsa og karfi.
Hagur rækjuvinnslu batnaði
en hagur hörpudiskvinnslu versn-
aði á árinu enda reyndist hún lítil.
Hagnaður var áfram á rekstri
mjölvinnslu en tap varð á rekstri
loðnuskipa á árinu 2003.
Heildareignir sjávarútvegs í
árslok 2003 voru 255 milljarðar
króna, heildarskuldir námu 179
milljörðum og eigið fé var 76
milljarðar. ■
Hagstofa:
Atvinnuleysi
minnkar
ATVINNA Á fjórða ársfjórðungi 2004
var atvinnuleysi 2,5 prósent sam-
kvæmt nýjum tölum Hagstofunnar.
Á sama tíma í fyrra var atvinnuleys-
ið 2,9 prósent. Aðeins stærra hlutfall
kvenna, 2,9 prósent, var án vinnu á
tímabilinu á móti 2,1 prósenti karla.
Atvinnuleysið var mest meðal fólks
á aldrinum 16-24 eða 6,9 prósent.
Meðalfjöldi vinnustunda hefur
minnkað um 0,3 stundir í viku á milli
ára. Nú er meðalfjöldinn 41,2
klukkustundir en var 41,5 stundir.
Karlar vinna nokkuð fleiri stundir en
konur eða 46,7 stundir á móti 34,6
klukkustundum sem konur vinna í
launuðu starfi á viku hverri. - ss
HJÁLPARGÖGNUM BJARGAÐ
Þessi indónesíski piltur var allur útataður í
leðju þegar honum hafði tekist að ná á
þurrt land hjálpargögnum sem áströlsk
þyrla varpaði.
Loðnuveiðar ganga vel:
Veiðarfæralaus með mokafla
LOÐNA Ekkert lát er á góðri loðnu-
veiði en veiðisvæðið er nú um 50
mílur út af Austfjörðum. Til að
koma í veg fyrir að útgerðirnar
brenni inni með óveiddan kvóta í
lok vertíðar hafa sumar útgerðir,
sem einnig eiga verksmiðjur,
brugðið að það ráð að senda veiðar-
færalaus skip á miðin til að sækja
afla sem önnur skip hafa veitt. Með
þeim hætti eykst einnig nýting
þeirra verksmiðja sem standa
lengst frá miðunum en a.m.k. tvö
veiðarfæralaus skip hafa verið í
loðnuflutningum af miðunum að
undanförnu, Seley ÞH og Örn KE.
Síldarvinnslan sendi Örn KE í
loðnuflutningana en fimm eru í
áhöfn og allir á föstu kaupi, segir
Freysteinn Bjarnason hjá Síldar-
vinnslunni.
Önnur leið sem útgerðir eru að
fara til að freista þess að ná öllum
kvótanum er að kaupa skip með
skilarétti. Þá leið fór Samherji þeg-
ar Högaberg var keypt nýlega frá
Færeyjum en í kaupsamningi er
ákvæði um endursölurétt innan
þriggja mánaða frá undirritun. - kk
Íbúar í Fjarðabyggð:
Vilja sameinast
Austurbyggð
SAMEINING Tæplega 63 prósent íbúa
Fjarðabyggðar vilja sameinast ná-
grönnum sínum í Austurbyggð, Fá-
skrúðsfjarðarhreppi og Mjóafjarð-
arhreppi, samkvæmt nýrri könnun
sem IMG-Gallup vann fyrir Fjarða-
byggð.
Í könnuninni voru íbúarnir
einnig spurðir hvort selja ætti fé-
lagsheimilin í Fjarðabyggð og kváð-
ust 49,7 prósent vera því andvíg.
Konur eru almennt andvígari sölu
félagsheimilanna sem og samein-
ingu sveitarfélaganna. Alls var úr-
takið 500 íbúar á aldrinum 16 til 75
ára og svarhlutfall um 70 prósent. ■
BEÐIÐ EFTIR LÖNDUN
Fjölmörg skip voru við bryggju eða biðu
eftir því að komast að á Norðfirði í gær.
Hákon frá Grenivík þurfti að bíða í sólar-
hring eftir löndun. Fremst á myndinni má
sjá grænlenska skipið Siku og aftar eru Há-
kon og norska skipið Kvannöy.