Fréttablaðið - 12.02.2005, Qupperneq 18

Aðdragandi þess að Alþýðu-
flokkurinn nánast hvarf í lok
Viðreisnar var sennilega sá
hvernig Gylfi Þ. Gíslason
sveigði flokkinn frá vinstri til
hægri undir hæl Sjálfstæðis-
flokksins. Sem dæmi þá mun
Gylfi hafa talað um hæfilegt at-
vinnuleysi sem hagstjórnar-
tæki.
Verkföll voru svo tíð að mikla
undrun vakti meðal sósíalde-
mókrata í Svíþjóð, sem skildu
ekki hvernig slíkt gerðist með
þjóð þar sem sósíaldemókratar
sætu í stjórn. Þessu svaraði
Gylfi afdráttarlaust og að því er
virtist án þess að skammast sín
á þessa leið í sænska sjónvarp-
inu í byrjun júní 1971: Þetta er
bara þannig að í stað þess að
fara í sumarfrí fer íslenskur
verkalýður í verkfall. Að lokinni
þessari skýringu ráðherrans
hlógu viðstaddir og öfunduðu ís-
lendinga af ánægjulegum verk-
föllum. Þessi ráðherra missti
völdin í kosningum sem fram
fóru skömmu síðar og nú er Al-
þýðuflokkurinn horfinn.
Eftir að Halldór Ásgrímsson
tók við forystu í Framsóknar-
flokknum hefur hann stöðugt
sveigt stefnu hans lengra til
hægri, svo gróflega að flokkur-
inn er nú hægra megin við hinn
hægfara flokk Sjálfstæðisflokk-
inn og hefur Halldór lagt niður
kjörorð eins og Fólkið í fyrir-
rúmi enda virðast hann og hirð
hans starfa fremur eftir kjör-
orðinu fjármagn og einkafram-
tak í fyrirrúmi.
Í könnunum um stuðning al-
mennings við ýmis mál kemur í
ljós að stefna Halldórs og hirð-
arinnar, eða ætti jafnvel að
segja aðeins stefna Halldórs og
vitringanna, á sjaldnast stuðn-
ing meirihluta framsóknar-
manna. Óánægja framsóknar-
manna með forystu Halldórs og
vitringanna kemur fram í
margskonar skoðanalegum nún-
ingi innan flokksins. Sá núning-
ur er að aukast enda fara
hraksmánarleg vinnubrögð
Halldórs og hirðar hans vax-
andi. Halldór hefur lengi ekki
þolað nema jábræður og þó svo-
kallaður dauðalisti sé ekki hans
verk er uggur í mörgum góðum
framsóknarmönnum að Halldór
hafi velþóknun á höfundum
slíks lista, sé hann þá til.
Engum dylst hugur um að
harkaleg vinnubrögð þingflokks
Framsóknar gagnvart Kristni
H. Gunnarssyni hafa ekki verið
gerð gegn vilja Halldórs heldur
með vilja hans og samþykki. Að
setja Siv af var harkaleg aðgerð
gagnvart jafnrétti í flokknum.
Að taka ákvörðun um stuðning
við Bandaríkin um árás á Írak
án þess að fá til þess samþykki í
þingflokknum og án þess að
ræða þá ákvörðun í utanríkis-
málanefnd og án þess að ræða
þessa landráðaákvörðun í ríkis-
stjórn eru dæmi um gróflega
vanhæfni Halldórs Ásgrímsson-
ar til að vera leiðtogi Framsókn-
arflokksins. Fólkið í fyrirúmi,
samvinna og félagshyggja er
greinilega það sem Halldór hef-
ur vikið til hliðar.
Hin lokaða klíka sem Halldór
hefur safnað um sig er nú að búa
sig undir átök á komandi flokks-
þingi. Framtíð Framsóknar-
flokksins er nú í húfi. Þeir sem
vilja fólkið í fyrirrúmi og að-
hyllast samvinnu og félags-
hyggju verða að safna liði innan
flokksins, í flokksfélögunum og
kjósa þá sem raunverulega eru
framsóknarfólk sem fulltrúa á
flokksþingið. Vonandi hafa sem
flestir innan Framsóknarflokks-
ins heyrt viðtalið við Steingrím
Hermannsson í Silfri Egils á
Stöð 2 sl. sunnudag eða viðtalið
við hann á Sögu daginn eftir. Þar
talaði framsóknarmaður svo að
eftir var tekið. Hann talaði ann-
að mál en Halldór og hirð hans.
Slíkur forystumaður gæti
komið Framsóknarflokknum
aftur á réttan kúrs. Slíkan mann
er því miður ekki að finna með-
al sporgöngumanna Halldórs
Ásgrímssonar. Siv, Jónína og
Guðni Ágústsson, að ógleymd-
um Kristni H. Gunnarssyni, eru
hugsanleg efni enda vissulega
utan hirðar Halldórs. Fyrir
framsóknarfólk er rétt að gæta
líka að aðför hirðmanna Hall-
dórs að Alfreð Þorsteinssyni.
Sú aðför kemur úr klíku Hall-
dórs og er að mínu mati mikil
meðmæli með Alfreð Þorsteins-
syni. Af því ætti að vera ljóst að
framsóknarfólk, ekki bara á
landsvísu heldur líka í Reykja-
vík verður að bregðast myndar-
lega við og hafna með öllu
valdabrölti Halldórsklíkunnar.
Góðir framsóknarmenn, snúum
flokknum okkar aftur á veg
samvinnu og félagshyggju og
setjum fólkið í forgang. ■
Vel gengur að ljósleiðaravæða
Ísland á hagkvæman og skilvirk-
an hátt. Á tíu árum hefur Síminn
lagt ljósleiðara að 40.000 heimil-
um á höfuðborgarsvæðinu, um
helmingi allra heimila á svæð-
inu. Uppbyggingin á landsbyggð-
inni hefur einnig gengið vel.
Ekkert erlent símafyrirtæki get-
ur tengt stærri hluta markaðar
síns við ljósleiðara. Samtals eru
ljósleiðarar Símans, í stofn- og
aðgangsneti, um 4.500 km um
land allt og eru umfangsmesta
ljósleiðarakerfi landsins.
Jarðvinnan er stærsti kostn-
aðarliðurinn við ljósleiðaravæð-
ingu heimilanna, yfir 75%. Til
hagsbóta fyrir neytendur hefur
Síminn dregið verulega úr kostn-
aði við ljósleiðaravæðinguna
með nýtingu skurða sem grafnir
eru upp vegna annarra ástæðna.
Oftast hefur þetta verið gert í
samstarfi við Orkuveitu Reykja-
víkur. Kostnaðurinn við jarð-
vinnsluna er greiddur í hlutfall
af nýtingu. Síminn hefur greitt
hluta jarðvinnunnar og lækkað
þar með kostnað annarra sem
nýta skurðina.
Síminn hefur lagt áherslu á að
nýta þær lagnir sem fyrir eru,
enda anna þær vel háhraðasam-
böndum, interneti, sjónvarpi og
útvarpi, svo eitthvað sé nefnt, í
ansi mörg ár í viðbót. Tækniþró-
un undanfarinna ára hefur beinst
að því að auka flutningsgetu
símalína og jafnframt að þjappa
gögnum. Þetta hefur orðið til
þess að hægt er að senda sjón-
varpsrásir með hefðbundnum
símalínum eins og Síminn gerir
nú með stafrænt sjónvarp til tíu
þéttbýlisstaða á landinu. Sjón-
varpsefnið er sent með ljósleið-
ara í símstöðvar þéttbýlisstað-
anna og þaðan með ADSL-tækni
til heimilanna með símalínum.
Fyrir lok þessa árs munu allt að
92% landsmanna hafa möguleika
á að ná stafrænu gagnvirku sjón-
varpi um kerfi Símans, með ljós-
leiðaraheimtaug eða símalínu.
Þessi aðferð er og mun vera
notuð af leiðandi fjarskiptafyrir-
tækjum í Evrópu með góðum ár-
angri. Í nýrri skýrslu, European
Broadband Forecast 2004-2010,
frá bandaríska ráðgjafafyrir-
tækinu Forrester Research, er
talið að sambærilegar tækni-
lausnir og Síminn notar muni
vera með yfir 80% af háhraða-
tengingum í Evrópu árið 2010.
Einungis er talið að ljósleiðarar
muni sinna um 5% tenginganna.
Ljóst er að sú aðferð sem
Orkuveitan notar við lagningu
eigin ljósleiðara verður aldrei
jafn hagkvæm og sú samnýting
sem Síminn hefur notað með
góðum árangri síðasta áratug
auk þess sem núverandi lagnir
úreldast ekki í bráð. Þann tíma á
að nýta til að leggja ljósleiðara
með þeim hagkvæma og mark-
vissa hætti sem notaður hefur
verið. Slík ráðdeild sparar neyt-
endum að auki verulegar upp-
hæðir, því þeir borga ávallt
framkvæmdirnar þegar upp er
staðið.
Það getur heldur aldrei verið
hagkvæmt að leggja tvö ljósleið-
arakerfi hlið við hlið, þegar neyt-
andinn nýtir aldrei nema annað
þeirra. Hverjum mundi detta í
hug að leggja tvö hitaveitukerfi
hlið við hlið? Það er líka álitamál
hvort eðlilegt sé að Orkuveita
Reykja-víkur fari út fyrir verk-
svið sitt og inn á fjarskiptamark-
aðinn með þessum hætti. Fyrir-
tækið hefur einokun á sölu raf-
magns og vatns á athafnasvæði
sínu og í hæsta máta óeðlilegt að
fyrirtækið nýti hagnað sinn á því
verndaða sviði til þess að greiða
niður framkvæmdir á öðru sviði
og óskyldu þar sem hörð sam-
keppni ríkir.
Samkeppni um hylli við-
skiptavina mun ekki snúast um
ljósleiðara eða aðrar tæknilegar
útfærslur. Það sem skiptir við-
skiptavininn máli er að fá ör-
ugga, einfalda og hagkvæma
þjónustu. Síminn leitar leiða til
ná þessum markmiðum við-
skiptavinum sínum til hags-
bótar. Í því felst að nýta núver-
andi lagnakerfi eins vel og kost-
ur er, byggja upp á hagkvæman
hátt og fjárfesta ekki í nýju
lagnakerfi fyrr en nauðsynlegt
er. ■
12. febrúar 2005 LAUGARDAGUR
Jarðvinna er yfir 75% kostnaðar
ÞÓR JENS ÞÓRISSON
FRAMKVÆMDASTJÓRI
GAGNASVIÐS SÍMANS
UMRÆÐAN
LJÓSLEIÐARAR
Klofnar eða hverfur
Framsóknarflokkurinn?
Óánægja framsókn-
armanna með for-
ystu Halldórs og vitringanna
kemur fram í margskonar
skoðanalegum núningi inn-
an flokksins. Sá núningur
er að aukast enda fara
hraksmánarleg vinnubrögð
Halldórs og hirðar hans
vaxandi.
KRISTINN SNÆLAND
BÍLSTJÓRI
UMRÆÐAN
FRAMSÓKNAR-
FLOKKURINN
,,
Ljóst er að sú aðferð
sem Orkuveitan
notar við lagningu eigin
ljósleiðara verður aldrei jafn
hagkvæm og sú samnýting
sem Síminn hefur notað
með góðum árangri síðasta
áratug
,,
18-19 umræða 11.2.2005 18.43 Page 2