Fréttablaðið - 12.02.2005, Side 54

53LAUGARDAGUR 12. febrúar 2005
Hljómsveitin Skítamórall hefur
verið að undirbúa nýja plötu sem
væntanlega mun koma út í vor.
Sveitin hefur verið í hljóðveri
með jöfnu millibili frá því í haust
og hefur sú vinna gengið vel. Nýtt
lag er síðan væntanlegt í útvarps-
spilun eftir tvær til þrjár vikur.
„Við ákváðum að leyfa
jólasleninu að renna af okkur en
erum komnir til baka núna á fullt
blast,“ segir Gunnar Ólason,
gítarleikari og söngvari sveitar-
innar. „Við erum búnir að vera
jafnt og þétt í stúdíói og stefnum
að því að platan komi út í vor.
Þetta hefur gengið mjög vel og
það sem er komið inn lofar alla
vega góðu,“ segir hann.
Tími kominn á nýja plötu
Nýja platan, sem hefur ekki
enn fengið nafn, verður fyrsta
breiðskífa Skítamórals í sex ár en
í millitíðinni gáfu þeir félagar út
safnplötu þar sem tvö ný lög var
að finna. Gunnar játar að tími hafi
verið kominn á nýja plötu. „Menn
eru búnir að vera að sanka að sér
efni síðan 1999 þannig að það ætti
nú eitthvað að vera til í handrað-
anum.“ Sigurjón Brink, gítarleik-
ari og söngvari The Flavors, mun
einnig eiga nokkur lög á plötunni
auk þess sem verið er að skoða lög
frá fleiri höfundum þessa dagana.
„Við ætlum að ná góðri, heil-
steyptri plötu sem mun að öllum
líkindum líða bara vel í gegn,“
segir hann.
Blendnar tilfinningar
Þeir Skítamóralspiltar eru orðnir
fjórir því Einar Ágúst Víðisson,
sem hefur verið helsti söngvari
sveitarinnar, er hættur. Vegna
persónulegra vandamála þurfti
hann að draga sig í hlé og vinna úr
sínum málum. „Þetta eru
blendnar tilfinningar en við höf-
um nú verið fjórir saman frá ár-
inu 1989 og vitum svo sem alveg
hvernig það er,“ segir Gunnar um
brotthvarf Einars Ágústs, sem
kemur hvergi við sögu á nýju plöt-
unni. „Það er allt gott að frétta af
honum. Hann dró sig í hlé frá
bandinu í haust og er ekki með í
dag. Svo verður bara að koma í
ljós hvað framtíðin ber í skauti
sér.“ Gunnar mun því sjá alfarið
um sönginn í fjarveru Einars.
„Kemestría“ sem virkar
Það verður nóg að gera hjá Skíta-
móral á næstunni því fyrir utan
gerð nýrrar plötu hefur sveitin
verið bókuð á böll fram yfir
páska. Aðspurður um ástæðuna
fyrir þessum miklu vinsældum ár
eftir ár segir Gunnar að Skíta-
mórall virðist hafa einhverja
„kemestríu“ sem sé að virka. „Við
reynum líka að hamra járnið
meðan það er heitt. Við erum með-
vitaðir um hvað við erum að gera
og reynum að skila þessu sem
best frá okkur,“ segir hann. Stund-
um hefur verið talað um að ein-
hver kergja hafi verið innan
Skítamórals í gegnum árin og
þess vegna hafi hún ekki náð að
starfa samfleytt í öll þessi ár. „Það
er ekkert til í því. Þetta er bara
samstaða og eining, allir í góðum
fíling. Það er bara drífandi í þessu
bandi,“ segir Gunnar ákveðinn.
Fyrsta ball Skítamórals síðan á
Brodway á annan í jólum verður
haldið í Hvíta húsinu á Selfossi,
heimabæ strákanna, í kvöld. Þetta
verður jafnframt fyrsti dansleik-
urinn þar í bæ síðan um áramótin.
freyr@frettabladid.is
Fyrsta plata Skíta-
mórals í sex ár
Einar Ágúst Víðisson, sem nú er
hættur í Skítamóral, byrjaði í
sveitinni árið 1997 eftir að Karl
Þór Þorvaldsson tók pokann
sinn. Einar fór strax að láta að
sér kveða sem söngvari og gítar-
leikari.
Árið 1998 kom út platan Ná-
kvæmlega, sem náði gullsölu
enda hafði hún að geyma marga
slagara, þar á meðal hið vinsæla
Farin eftir Einar Bárðarson. Árið
eftir kom út platan Skítamórall
og þar átti Einar meðal annars
lögin Hey þú og Fljúgum áfram,
sem bæði slógu í gegn. Árið 2000
söng Einar Ágúst í Eurovision
ásamt Telmu Ágústsdóttur og
náðu þau 12. sæti.
Eftir að Skítamórall hætti
skömmu síðar söng Einar meðal
annars með Greifunum, sigraði í
keppninni Landslagið og stofnaði
síðan hljómsveitina Englar. Árið
2002 kom Skítamórall aftur sam-
an og hefur verið starfandi allar
götur síðan, en nú er enginn Ein-
ar Ágúst með í för.
Einar er farinn
SKÍTAMÓRALL Hljómsveitin Skítamórall hefur verið í hljóðveri frá því í haust. Ný plata er
væntanleg í vor.
EINAR ÁGÚST Einar Ágúst Víðisson í
góðum gír með Skítamóral áður en hann
hætti í sveitinni.
SKÍTAMÓRALL
Gunnar Ólason – Söngur og gítar
Arngrímur Fannar Haraldsson – Gítar
Jóhann Bachmann Ólafsson – Trommur og söngur
Herbert Viðarsson – Bassi
SJÓNVARPSDAGSKRÁ
VIKUNNAR »
52-53 (36-37) skrípó 11.2.2005 21:59 Page 3