Fréttablaðið - 28.02.2005, Blaðsíða 6

6 28. febrúar 2005 MÁNUDAGUR
Ákvæði um hlutfall kynja:
Sigur fyrir jafnréttið
FLOKKSÞING Framsóknarmenn
samþykktu á flokksþinginu í gær
ákvæði um að hlutur hvors kyns
skuli ekki vera lægra en 40 pró-
sent við skipan í trúnaðar- og
ábyrgðarstöður innan flokksins,
sem og við val á framboðslista.
Þetta þýðir meðal annars að taka
þarf mið af kynjahlutföllum
þegar valið er í ráðherraembætti
á vegum flokksins.
„Þetta er ofboðslega stórt
skref fyrir jafnréttisbaráttuna í
landinu og stór áfangi í stjórn-
málasögu landsins,“ segir Bryn-
dís Bjarnarson, formaður jafn-
réttisnefndar Framsóknar-
flokksins. „Þetta er sigur fyrir
jafnréttissinna í flokknum,“
segir hún.
„Ég á von á því að aðrir flokk-
ar muni líta til þessa ákvæðis í
lögum Framsóknarflokksins og
taka það til fyrirmyndar,“ segir
Bryndís. Hún sagði að lagabreyt-
ingin væri til þess gerð að auka
hlut kvenna í stjórnmálum.
„Breytingin mun gera þeim sem
stjórna framboðsmálum og kosn-
ingum í stjórnir og ábyrgðastöð-
ur auðveldara með að fá konur til
að starfa fyrir Framsóknarflokk-
inn,“ segir Bryndís.
- sda
Ályktun flokksþings:
Flugvöllurinn áfram í Reykjavík
FLOKKSÞING Tekist var á um það á
flokksþingi framsóknarmanna
hvort álykta ætti um það að flytja
innanlandsflugið burt úr miðborg-
inni. Niðurstöðurnar voru þær að
miðstöð innanlandsflugsins yrði
áfram rekin í Reykjavík. Leitað
skyldi leiða að skipuleggja flugvall-
arsvæðið og næsta nágrenni þess
þannig að landsvæði sem undir
hann fer minnkaði og stuðlaði að
eðlilegri byggðarþróun í Reykjavík.
Fyrstu drög ályktunarinnar
gengu út á að Reykjavíkurflugvöll-
ur yrði aflagður og innanlandsflug
yrði flutt til Keflavíkur.
Með niðurstöðunni er því ekki
lokað fyrir þann möguleika að
Reykjavíkurflugvöllur verði starf-
ræktur í breyttri mynd; að flug-
brautir verði lagðar út í Skerjafjörð
svo nýta megi til frekari uppbygg-
ingar landsvæði sem nú fer undir
flugbrautir. - sda
Átakamikið flokksþing
Hörð átök voru um stór mál á flokksþingi framsóknarmanna. Mestu deilurnar voru um Evrópumál.
Evrópusinnar bökkuðu mikið frá upphaflegum drögum að ályktun en fengu grundvallaratriði í gegn.
FLOKKSÞING Framsóknarmenn tók-
ust á í afstöðu sinni til Evrópu-
mála á flokksþingi í gær. Sam-
þykkt var verulega breytt útgáfa
frá upprunalegum drögum að
ályktun. Í endanlegri ályktun var
samþykkt að á vettvangi Fram-
sóknarflokksins skuli haldið
áfram upplýsingaöflun og vinnu
við mótun samningsmarkmiða og
hugsanlegs undirbúnings aðildar-
viðræðna við Evrópusambandið.
Niðurstöður þeirrar vinnu skuli
kynna á næsta flokksþingi.
Í upphaflegum drögum var
gert ráð fyrir að hefja aðildarvið-
ræður strax á þessu kjörtímabili
en í útgáfu sem lögð var fyrir
þingið í gærmorgun eftir umfjöll-
un í nefnd hafði ákvæðinu verið
breytt í þá veru að á næsta flokks-
þingi skyldu fara fram kosningar
um það hvort sækja ætti um aðild
eða ekki.
„Það stóð aldrei til á þessu
flokksþingi að taka endanlega af-
stöðu til þess hvort Ísland ætti að
sækja um aðild að Evrópusam-
bandinu. Það var hins vegar sam-
þykkt að opna með beinum hætti
fyrir aðild að Evrópusambandinu
þannig að við höfum umboð
flokksmanna til þess að vinna á
þeim grundvelli. Það finnst mér
mjög góð niðurstaða,“ segir Hall-
dór Ásgrímsson, sem kjörinn var
formaður Framsóknarflokksins í
sjötta sinn í gær.
Steingrímur Hermannsson,
fyrrverandi forsætisráðherra og
formaður flokksins, mótmælti
ákvæðinu um að kjósa um málið á
næsta flokksþingi harðlega í gær-
morgun. „Ef þetta verður sam-
þykkt þýðir það að við séum að
undirbúa aðildarviðræður við
Evrópusambandið. Ég er því al-
gjörlega mótfallinn. Ég veit ekki
hvað menn eru að álpast út í,“
sagði hann. Steingrímur benti á að
það væri flokknum í óhag að tak-
ast á við svo stórt mál rétt fyrir
næstu alþingiskosningar.
Kristinn H. Gunnarsson tók
undir orð Steingríms. „Það væri
óðs manns æði að stefna okkur í
þessa stöðu skömmu fyrir alþing-
iskosningar vitandi um mikla and-
stöðu í flokknum við aðild sem
ekki mun hverfa við atkvæða-
greiðslu verði hún samþykkt,“
sagði hann.
Guðni Ágústsson varaformað-
ur sagði að Evrópumálin hefðu
verið langþyngsta deiluefnið en
náðst hefði viðunandi lausn og
mikil samstaða. „Við sýndum þá
jafnvægislist sem við erum
þekktir fyrir, að ná sameiginlegri
niðurstöðu í mjög erfiðu máli,“
sagði hann.
„Þetta þýðir einfaldlega það að
Framsóknarflokknum, eins og
stjórnvöldum í landinu, ber að
halda vöku sinni og vinna í því að
skoða stöðu Íslands í Evrópu, ég
tala nú ekki um ef eitthvað gerist
varðandi EES-samninginn,“ sagði
Guðni. sda@frettabladid.is
Fylgistu með fréttum af flokks-
þingi framsóknarmanna?
SPURNING DAGSINS Í DAG:
Þarf Ísland að ganga í
Evrópusambandið ef Noregur
gerir það?
Niðurstöður gærdagsins á visir.is
60,5%
39,5%
Nei
Já
Farðu inn á fréttahluta visir.is
og segðu þína skoðun
KJÖRKASSINN
REYKJAVÍKURFLUGVÖLLUR
Framsóknarmenn vilja ekki leggja Reykjavíkurflugvöll af. Þeir útiloka hins vegar ekki að
flugbrautum verði breytt svo nýta megi landsvæðið betur.
FR
ÉT
TA
B
LA
Ð
IÐ
/P
JE
TU
R
JAFNRÉTTISVERÐLAUN FRAMSÓKNARFLOKKSINS AFHENT
Sigrún Sturludóttir, Áslaug Brynjólfsdóttir og Sigrún Magnúsdóttir fengu viðurkenningu
fyrir störf sín að jafnréttismálum á vegum Framsóknarflokksins. Þær stóðu meðal annars
að undirbúningi stofnunar Landssambands framsóknarkvenna.
FR
ÉT
TA
B
LA
Ð
IÐ
/P
JE
TU
R
FORYSTA FRAMSÓKNARFLOKKSINS Á FLOKKSÞINGI Í GÆR
Halldór Ásgrímsson og Guðni Ágústsson voru á öndverðum meiði í afstöðu sinni til Evrópusambandsins. Báðir sögðust þeir sáttir við
niðurstöðu þingsins.
Ný stefnu-
mál afgreidd
FLOKKSÞING Húsnæðismál Allir
landsmenn hafi jafnan aðgang
Innflytjendamál Fjölmenningar-
stefnu verði fylgt eftir. Íslensku-
kennsla fyrir innflytjendur verði
stóraukin.
Ættleiðingar Samkynhneigðir njóti
sama réttar og gagnkynhneigðir til
ættleiðinga. Annarri mismunun á
grundvelli kynhneigðar verði líka
útrýmt.
Heilbrigðismál Uppbyggingu Land-
spítala – háskólasjúkrahúss verði
fylgt eftir.
Ríkisfjármál Álagning stimpil-
gjalda og vörugjalda, sem og virðis-
aukaskattur á matvæli, verði tekin
til endurskoðunar.
Orkumál Breytt fyrirkomulag raf-
orkusölu valdi sem minnstum verð-
hækkunum á rafmagni á lands-
byggðinni.
Iðnaðarmál Orkufrekur iðnaður er
fagnaðarefni. Lögð er áhersla á að
næsta verkefni verði á Norður-
landi.
Menntamál Skoða skal hugmyndir
um að gera síðasta ár leikskóla að
skyldunámi. Allt grunnnám verði
gjaldfrjálst í ríkisreknum skólum.
Stofna skal háskóla á Ísafirði.
Menningarmál Ríkisútvarpið verði
í þjóðareigu og sjálfstæði þess eflt.
Nýsköpun Starfsemi frumkvöðla-
setra verði aukin og ný setur stofn-
uð á landsbyggðinni.
Samgöngumál Veggjald í Hval-
fjarðargöng verði lækkað og virðis-
aukaskattur af því felldur niður.
Póst- og fjarskiptastofnun verði
efld. Hluti af söluandvirði Símans
gangi til að styrkja dreifikerfi í
dreifðum byggðum.
Sveitastjórnarmál Tryggt verði að
tekjuskipting milli ríkis og sveita-
félaga sé í samræmi við verkskipt-
ingu.
Höfuðborgarstefna Lóðaframboð
skal ávallt vera nægilegt svo lóða-
skortur valdi ekki hækkun á hús-
næðisverði. Mislæg gatnamóti rísi
við Kringlumýrarbraut og Miklu-
braut.
Grunnskólastefna Tómstundir
verði hluti af daglegu skólastarfi
grunnskólabarna.
06-07 27.2.2005 21:59 Page 2