Fréttablaðið - 28.02.2005, Blaðsíða 35

18 28. febrúar 2005 MÁNUDAGUR
Ómissandi hluti af lífinu
Strætóskiptistöðvar þjóna mikilvægum tilgangi víðs
vegar um heim – og líka á Íslandi. Á öllum tímum dags
er fólk á flækingi á stöðvunum, bíðandi eftir strætó,
nýkomið úr strætó eða að sýna sig og sjá aðra.
Á Íslandi er allra veðra von eins og flestum ætti að
vera kunnugt og því mikilvægt að við eigum góðar
skiptistöðvar til að hlýja þeim sem nýta sér strætó til
að komast milli staða.
Það er eitthvað ótrúlega heillandi við skiptistöðvar.
Þar er hægt að sitja tímunum saman og skemmta sér
við að horfa á fólkið sem kemur inn og út úr kuldanum.
Miklar líkur eru á að maður hitti einhvern sem maður
kannast við og geti tekið upp létt spjall en ef svo er
ekki er alltaf hægt að slaka á, virða mannlífið fyrir sér
og njóta lífsins. Skiptistöðvar eru nauðsynlegur sam-
komustaður í samfélaginu þó að þessi samkomustaður
sér eilítið öðruvísi en flestir aðrir. Ómissandi hluti af
lífinu á Íslandi. ■
Mjóddin er miðstöð Breið-
holtsins og þar er afskap-
lega fjölbreytt þjónusta.
Skiptistöðvar á höfuðborgarsvæðinu eru
allar sérstakar og geta sagt margt um
hvert svæði fyrir sig.
Lækjartorg er í hjarta miðborgarinnar og aldrei tómt. Það er alltaf ys og þys í Ártúni enda miðstöð margra menntaskólanema til að komast milli staða.
Skiptistöðin var stór hluti af sögu og bæjarmynd Kópavogs allt þar til hún brann fyrir nokkrum vikum. Hlemmur er orðinn víðfræg skiptistöð enda gerð um hann samnefnd heimildarmynd.
18-19 lesið 26.2.2005 17:15 Page 2