Tíminn - 15.06.1975, Blaðsíða 3
Sunnudagur 15. júni 1975
TÍMINN
3
Fyrsta ráðstefna
félagsráðgjafa
Kér á landi
gébé Rvik — Ráðstefna samtaka
norrænna félagsráðgjafa verður
haldin i Reykjavik 21.-27. júní nk.
að Hótel Esju. Þetta er fyrsta
ráðstefnan af þessu tagi, sem
haldin er hér á landi, en samtökin
hafa áður haldið fjórar ráðstefnur
annars staðar á Norðurlöndun-
um. Þátttakendur í ráðstefnunni
eru um 100 félagsráðgjafar frá
öllum Norðurlöndunum, sem sér-
staklega hefur verið boðin þátt-
taka vegna tengsla við þá mála-
flokka, sem um verður fjallað.
Efni ráðstefnu þessarar er
fyrirbyggjandi félagslegt starf,
sem er efst á baugi meðal félags-
ráðgjafa á öllum Norðurlöndun-
um. Markmiðið með fyrirbyggj-
andi félagsstarfs er að vinna að
bættu umhverfi og lifskjörum
fólks. Þessu markmiði verður
ekki náð, nema kannað sé, hvað
veldur félagslegum vandamálum
og hvaða aðgerðir stuðla að
endurbótum.
A ráðstefnunni verður unnið i
sex starfshópum, og leggur hvert
land fram eitt rannsóknarefni, að
undanskildumNoregi, sem hefur
unnið að tveimur verkefnum. Is-
lenzka rannsóknarefnið fjallað
um Breiðholt — félagslega þjón-
ustui nýju ibúðarhverfi. fslenzkir
félagsráðgjafar hafa tekið saman
upplýsingar um skipulag og upp-
byggingu Breiðholtshverfis, og þá
sérstaklega Breiðholts III. Verð-
ur rætt-um, hvaða stofnanir eru
æskilegar, og hvernig haga megi
hvers konar félagslegri þjónustu i
hverfinu, þannig að sem bezt lifs-
skilyrði skapist fyrir ibúana. í
hópnum verða fulltrúar úr hópi
skipuleggjenda hverfisins.
Rannsóknarefni hinna land-
anna eru: Finnland: Geð-
verndarstöðvar fyrir unglinga.
Sviþjóð: Félagsleg þjónusta fyrir
aldraða. Noregur: Fyrirbyggj-
andi æskulýðsstarfsemi og
Afengisvarnir i atvinnulffinu.
Danmörk: Samtök skjólstæðinga.
A ráðstefnunni mun Gunnar
Thoroddsen félagsmálaráðherra
flytja erindi, sem nefnist Þróun
félagsmálalöggjafar á Islandi, og
Páll Sigurðsson ráðuneytisstjóri
ræðir um heilbrigðismál á Islandi
i ljósi nýrrar löggjafar. Auk þess
verða umræður um þessi efni á
ráðstefnunni, þó að mest verði
unnið I hópvinnu. Niðurstöður
rannsóknarefnanna verða siðan
gefnar út. 1
Stéttarfélag íslenzkra félags-
ráðgjafa var stofnað árið 1964, og
voru stofnfélagar aðeins fjórir.
Nú eru stafandi meðlimir félags-
ins 16að tölu, en alls munu félags-
menn vera 23, auk þess sem um
20-30 manns eru i námi. Nemar i
þessari grein verða allir að fara
erlendis til náms, og eru þeir
flestir á Norðurlöndunum. Flestir
islenzkir starfandi félagsráðgjaf-
ar starfa á vegum Reykjavikur-
borgar, rikisins, sjúkrahúsa og
annarra opinberra en aðeins einn
er starfandi út á landi, á Akur-
eyri. Formaður stéttarfélags isl.
félagsráðgjafa er Guðrún
Kristinsdóttir.
Kvenfélagasamband
Suður-Þingeyjarsýslu
gefur út bók í tilefni
70 ára afmælis
Kvenfélagasamband Suður-
Þingeyjasýslu, elzta kvenfélaga-
samband á Islandi, var stofnað að
Ljósavatni 7. júni 1905. Það er þvi
70 ára um þessar mundir. Sam-
bandið hélt aðalfund sinn dagana
4.-5. júni s.l. i Hafralækjarskóla, i
boði Kvenfélags Nessóknar. Þar
mættu að venju fulltrúar allra
félaga innan sambandsins, og
nokkrir gestir. Starfsemin hefur
verið með ágætum liðin ár, en
vegna afmælisins hyggst sam-
bandið gefa út bók, sem kemur út
siðar i þessum mánuði.
I bókinni verður rakin saga
sambandsins og allra félaga i
sambandinu, og einnig verða þar
gamlar og nýjar ritsmiðar
ýmissa félagskvenna.
1 lok aðalfundarins, að kvöldi 5.
júni, hélt sambandið afmætisfagn
að sinn i félagsheimiiinu á Húsa-
vik, og var þar samankomið mik-
iö fjölmenni, félagskonur og gest-
ir. Dagskrá var vönduð og
skemmtileg. Sambandinu bárust
margar árnaðaróskir og gjafir
frá velunnurum sinum. Tvær
konur voru gerðar að heiðurs-
félögum, vegna mikilla og góðra
starfa fyrir félagið, þær Kristjana
Arnadóttir, Grimshúsum, og
Dagbjört Gisladóttir, Laugafelli.
Einnig var Ragnheiði Sigurgeirs-
dóttur frá öxará veitt viðurkenn-
ing fyrir bezt unna nýja muni á
heimilisiðnaðarsýnungu þeirri,
sem sambandið gekkst fyrir á
þjóðhátið á Laugum 16.-17. júni
1974.
I sambandinu eru 14 félög og
487 félagar. 1 stjórn félagsins eru
nú Hólmfriður Pétursdóttir, Viði-
hlið, formaður, Elin Aradóttir,
Þuriður Hermannsdóttir, Helga
Jósepsdóttir og Jóhanna Stein-
grimsdóttir.
W|PAC
VATNSÞÉTT
GÚMAAÍLJÓS
með haligon peru
12 og 20 volt fyrir vinnuvélar. — Ennfrem-
ur ljóskastarar með haligon peru, 12 volta
fyrir bila og báta.
Pantana óskast vitjað.
SIAAI 84450
m KARNABÆR
Laugavegi 66 Sími frá skiptiborð
Laugavegi 20
Austurstræti 22