Fréttablaðið - 09.06.2005, Qupperneq 2

STJÓRNMÁL Svo getur farið að þrír
eða fleiri muni keppa um fyrsta
sætið í prófkjöri sjálfstæðis-
manna í Reykjavík í haust. Enginn
hefur þó lýst því opinberlega yfir
að hann gefi kost á sér til forystu
fyrir flokkinn í Reykjavík að Vil-
hjálmi Þ. Vilhjálmssyni, oddvita
borgarstjórnarflokksins, undan-
skildum.
„Ég leiði hópinn í dag og tel
mig hafa ágæta þekkingu, reynslu
og áhuga til að sinna því starfi vel
og gef því kost á mér áfram,“ seg-
ir Vilhjálmur.
Júlíus Vífill Ingvarsson, fyrr-
verandi borgarfulltrúi, er einn
þeirra sem eru að íhuga framboð.
„Ég hef notað undanfarna daga til
að ræða við menn og konur og
þær samræður hafa verið mjög
ánægjulegar. Ég tek á næstunni
endanlega ákvörðun,“ segir hann.
Gísli Marteinn Baldursson
varaborgarfulltrúi ætlar að taka
þátt í prófkjörinu en segir óvíst
hvort hann stefni á efsta sætið.
„Það er ekki kominn sá tíma-
punktur fyrir mig að tilkynna að
ég stefni á tiltekið sæti en ég
stefni á eitthvert gott sæti og
vona að ég fái stuðning í það,“
segir Gísli Marteinn. Fastlega er
búist við því að Gísli Marteinn
muni gefa kost á sér í efsta sætið
og sama má segja um Júlíus Vífil
ef hann tekur á annað borð þátt.
Nafn Guðlaugs Þórs Þórðarsonar
borgarfulltrúa hefur einnig verið
nefnt í þessu samhengi.
Aðrir borgafulltrúar flokksins
staðfestu í samtali við Fréttablað-
ið að þeir myndu taka þátt í próf-
kjörinu að Birni Bjarnasyni frá-
töldum og Guðrúnu Ebbu Ólafs-
dóttur en ekki náðist í hana. Eftir
því sem næst verður komist
hyggst enginn þeirra blanda sér í
slaginn um efsta sætið enda eru
þar fyrir sterkir frambjóðendur.
Allur undirbúningur er þó á byrj-
unarstigi enda prófkjörið haldið í
haust.
Nokkur nöfn hafa einnig verið
nefnd meðal nýrra frambjóðenda,
þar á meðal nafn Þorbjargar
Helgu Vigfúsdóttur varaborgar-
fulltrúa sem sagði í samtali við
Fréttablaðið að hún væri að íhuga
alvarlega að gefa kost á sér. „Ég
er að skoða málin þessa dagana,“
sagði Þorbjörg.
hjalmar@frettabladid.is
2 9. júní 2005 FIMMTUDAGUR
Breytingar í hluthafahópi Íslandsbanka:
Steinunn seldi Bur›arási
VIÐSKIPTI „Okkur buðust þessi bréf
í dag og við ákváðum að kaupa
þau með stuttum fyrirvara,“ sagði
Friðrik Jóhannsson, forstjóri
Burðaráss, í gær eftir að tilkynnt
var að félagið hefði keypt rúm
fjögur prósent í Íslandsbanka.
Seljandi hlutabréfanna var Stein-
unn Jónsdóttir, stjórnarmaður í
bankanum.
Söluverðmæti hlutanna er um
7,3 milljarðar króna. Steinunn
keypti hlut í Íslandsbanka í júlí á
síðasta ári og bætti við sig hlutum
í október. Erfitt er að fullyrða um
hagnað hennar af sölunni en lík-
legt er að hann sé á annan millj-
arð.
Eftir að Jón Helgi Guðmunds-
son í BYKO, faðir Steinunnar,
seldi nýlega sinn hlut í bankanum
til stjórnenda Íslandsbanka hefur
verið hörð barátta um hennar
hlut. Tengjast þau átök valdabar-
áttu innan Íslandsbanka. Ekkert
liggur fyrir um hvort knúið verð-
ur á um stefnubreytingu í bankan-
um með boðun hluthafafundar. Ef
til átaka kemur er líklegt að
Burðarás verði samstíga Straumi,
stærsta hluthafa bankans, en
Steinunn hefur stutt núverandi
stjórnendur bankans. Salan í gær
getur því breytt valdahlutföllum í
bankanum þótt ekki sé víst að á
það reyni á næstunni.
Friðrik vildi ekkert segja til
um það hvort Burðarás ætlaði að
bæta við sig í bankanum. Steinunn
vildi ekki tjá sig um þessi við-
skipti í gær. – bg
Kristinn kveðst ekki á leið úr flokknum:
Dagn‡ ætti a› benda á dæmi
STJÓRNMÁL Dagný Jónsdóttir, þing-
maður Framsóknarflokksins, tel-
ur að Kristinn H. Gunnarsson,
flokksbróðir hennar á Alþingi, sé
vandamál í Framsóknarflokknum
og þingmaðurinn tæti niður mál
sem séu flokknum góð og þörf.
Þessu hélt Dagný fram á RÚVAK
í gær í umræðum um fylgi flokks-
ins og skoðanakannanir. Kristinn
H. Gunnarsson segir að orð Dag-
nýjar þarfnist rökstuðnings.
„Mér finnst að hún ætti að rök-
styðja mál sitt og benda á dæmi
því til stuðnings. Afstaða mín til
einstakra mála svo sem fjölmiðla-
málsins, synjunar forseta á undir-
ritun laganna og kvótakerfisins
eru kannski ekki að hennar skapi
en ég tel að skoðanakannanir hafi
sýnt að flokksmenn séu frekar á
þeirri línu sem ég hef lagt áherslu
á,“ segir Kristinn.
Hann segir ekki ástæðu til að
endurskoða stöðu sína í Fram-
sóknarflokknum. „Nei, ég held nú
ekki en það liggur auðvitað fyrir
hvernig ákveðnir hlutir hafa
gerst. Ég held að það sé rétt að
hafa áhyggjur af stöðu flokksins
og ráðlegg mönnum að taka
stefnu sem þeir verða svo að
framfylgja,“ segir Kristinn.
-hb
Margir um hituna
Margir eru nefndir sem mögulegt lei›togaefni sjálfstæ›ismanna í fyrirhugu›u
prófkjöri flokksins í Reykjavík. Oddviti borgarstjórnarflokksins óskar eftir um-
bo›i til a› lei›a flokkinn. A›rir bí›a átekta og tilkynna um frambo› sí›ar.
Stórtækur þjófur:
firjú innbrot
sömu nóttina
DÓMSMÁL Maður á fertugsaldri
hefur verið dæmdur í þrjátíu
daga fangelsi fyrir þrjá þjófnaði
og þrjár tilraunir til innbrots.
Öll brotin voru framin aðfara-
nótt 27. maí á bifreiðastæði við
Hátún 10 og 12. Innbrotin voru öll
í bíla og tókst manninum að stela
munum að verðmæti yfir fimmtíu
þúsund króna.
Maðurinn var einnig dæmdur
til þess að greiða allan sakakostn-
að en hann játaði brot sín fúslega.
Þjófurinn sleppur þó við fang-
elsisvistina haldi hann almennt
skilorð í tvö ár.
- mh
Fimmtán lík fundin:
Hús hrundi í
Alexandríu
KAÍRÓ, AP Í það minnsta fimmtán
lík hafa verið grafin úr rústum
húss sem hrundi í fyrradag í borg-
inni Alexandríu í Egyptalandi. Á
meðal hinna látnu eru fjögur
börn.
Húsið féll á vegg skóla sem
stóð uppi við það en þar beið hóp-
ur kvenna eftir börnum sínum
sem voru í skólanum. Björgunar-
sveitir hafa unnið myrkranna á
milli að því að ná konunum á lífi
úr steinsteypu- og járnahrúgunni
og í gær bjargaðist ein þeirra.
Ekki er nákvæmlega vitað hversu
margir voru í sjálfu húsinu.
Talið er að byggingin hafi gefið
sig en ofan á hana hafði verið
staflað þremur aukahæðum í
trássi við byggingarreglugerð.■
Orkuveitan:
Allt of d‡rar
framkvæmdir
BORGARMÁL Komið hefur í ljós að
kostnaður við frágang lóðar höf-
uðstöðvar Orkuveitu Reykjavíkur
að Bæjarhálsi nemur 250 milljón-
um króna og er farið þar duglega
fram úr áætlunum.
„Ég veit ekki hvað á að segja um
framkvæmd sem fer 150 prósent
fram úr áætlun annað en að ég er
ekki mjög hissa,“ segir Vilhjálmur
Þ. Vilhjálmsson, oddviti Sjálfstæð-
isflokksins í borgarstjórn.
Vilhjálmur segir þetta enn eitt
dæmið um það hvernig höndlað
er með peninga borgarbúa af
skeytingarleysi og það ekki í
fyrsta skipti. ■
SPURNING DAGSINS
Hannes, fórst flú á Járnfrúna?
„Nei, ég gaf mér ekki tíma til þess.“
Breska hljómsveitin Iron Maiden hélt tónleika í
Egilshöll í gær. Hannes Hólmsteinn Gissurarson
hefur miklar mætur á Margaret Thatcher sem gár-
ungar uppnefndu stundum járnfrúna.
ÁTÖK Í ÍSLANDSBANKA Ófriður í hluthafa-
hópi Íslandsbanka heldur áfram.
ÞORBJÖRG HELGA
VIGFÚSDÓTTIR
VILHJÁLMUR Þ.
VILHJÁLMSSON
JÚLÍUS VÍFILL
INGVARSSON
GÍSLI MARTEINN
BALDURSSON
RÚSTIR EINAR Að minnsta kosti fjögur
börn létust þegar húsið hrundi.
M
YN
D
/A
P
INDLAND
RÚTA ÓK Á HÁSPENNULÍNU
Hörmulegt slys varð í Andhra í
Pradesh-ríki á Indlandi þegar
rúta ók á háspennulínu. Ellefu
manns dóu samstundis og fimmt-
án slösuðust alvarlega. Talið er
að of miklum farangri hafi verið
hlaðið ofan á þak rútunnar og því
rakst hún í vírinn.
HÖFUÐSTÖÐVARNAR Kostnaður við lóðina
fór 150 prósent fram úr áætlunum.
KRISTINN H. GUNNARSSON Segist taka afstöðu með vilja flokksmanna.
LÖGREGLUFRÉTTIR
ÚTKÖLL HJÁ SLÖKKVILIÐINU
Slökkviliðið í Reykjavík fór í tvö
útköll á svipuðum tíma í gær-
kvöldi. Í fyrra tilvikinu reyndist
sjónvarpstæki í heimahúsi hafa
brætt úr sér og í hinu kviknaði
eldur í áhalda- og leikjaskúr við
Austurbæjarskólann. Engan sak-
aði og skemmdir urðu litlar.
BANDARÍKIN
LÍKAMSHLUTAR AF HIMNUM
OFAN Íbúa nærri JFK-flugvellin-
um í New York brá í brún þegar
fótleggur og búkur féllu af himn-
um ofan á dögunum. Talið er að
laumufarþegi hafi komið sér fyr-
ir í hjólaskáp farþegaþotu á leið
frá Dakar í Senegal en klemmst í
hjólabúnaðinum í aðfluginu með
þessum hörmulegu afleiðingum.
PRÓFKJÖR Í HAUST Búist er við því að margir muni blanda sér í slaginn um efsta sætið í
prófkjöri sjálfstæðismanna í haust.