Fréttablaðið - 09.06.2005, Page 25

Hátí› í Seltjarnarnesbæ
Nú um helgina, dagana 10.-12.
júní verður í annað sinn haldin
menningarhátíð á Seltjarnarnesi.
Dagskrá hátíðarinnar er að finna
á heimasíðu bæjarins, www.sel-
tjarnarnes.is, en auk þess hefur
dagskráin verið víða auglýst og
bæklingum dreift.
Hátíðin í ár er að mestu
heimatilbúin því að henni koma
nær eingöngu Seltirningar og er
það umtalsverður fjöldi. Lista-
menn, félög, stofnanir og al-
mennir íbúar bæjarins allt frá
leikskólaaldri upp í eldri borgara
leggja sitt af mörkum svo úr
verður fjölbreytt og lífleg dag-
skrá. Menningarnefnd Seltjarn-
arness kann öllu þessu fólki
bestu þakkir fyrir samstarfið
sem hefur frá fyrstu stundu ein-
kennst af jákvæðni, hugmynda-
flugi og vilja til að gera menning-
arhátíðina sem glæsilegasta.
Þessi vinna hefur sannfært
mig enn frekar um það, sem ég
vissi reyndar áður, að á Seltjarn-
arnesi býr kröftugt og frjótt fólk
sem er virkilega annt um bæinn
sinn. Enn og aftur sýnir það sig
að íbúar hér á Nesinu vilja við-
halda sérstöðu bæjarfélagsins og
styrkja bæjarbraginn.
Af dagskráratriðum má nefna
alls kyns tónlist; kórsöng, tónlist-
armaraþon Auðar Hafsteinsdótt-
ur fiðluleikara og bæjarlista-
manns 2005, útitónleika ung-
lingahljómsveita, jazztríós
Sunnu Gunnlaugs og sálartónlist-
ar Ingva Þórs Kormákssonar og
JJ soul band. Þá verður leiklist-
inni gert hátt undir höfði með
sýningu Leiklistarfélagsins, upp-
lestri Margrétar Helgu Jóhanns-
dóttur leikkonu og götuleikhúsi.
Myndlistin skipar stóran sess í
dagskrá hátíðarinnar en 13
myndlistarmenn ætla að opna
vinnustofur sínar fyrir gestum
hátíðarinnar, opnuð verður sýn-
ing á myndlist leikskólabarna og
handgerðum brúðum Rúnu
Gísladóttur. Eldri borgurum
stendur til boða námskeið í
vatnslitamálun og einnig kemur
út listaverkabókin Myndlykill
sem hefur að geyma umfjöllun
og myndir af völdum listaverk-
um í eigu bæjarins. Ritstjóri er
Ásdís Ólafsdóttir listfræðingur.
Síðast en ekki síst verður á hátíð-
inni vígt nýtt útilistaverk eftir
Ólöfu Nordal sem hlotið hefur
nafnið Kvika. Verkið sem er á
mörkum sjávar og lands við
Kisuklappir á Norðurströnd er
um margt óvenjulegt en það vís-
ar m.a. til laugarhefðar okkar Ís-
lendinga að fornu og nýju. Á
menningarhátíðinni verður líka
boðið upp á ballett, samkvæmis-
dans og eldri borgarar munu
sýna danslistir.
Um leið og ég óska Seltirning-
um gleðilegrar menningarhátíð-
ar vil ég bjóða þig, lesandi góður
innilega velkominn í menningar-
heimsókn á Seltjarnarnesið og
minni um leið aftur á heimasíð-
una www.seltjarnarnes.is þar
sem finna má nákvæma tíma- og
staðsetningu allra viðburða.
Höfundur er formaður menn-
ingarnefndar Seltjarnarness.
25FIMMTUDAGUR 9. júní 2005
Andri Snær Magnason
rithöfundur kynnir til sögunnar
gagnlegt hugtak í grein í Frétta-
blaðinu 27. apríl sl., nefnilega
Kárahnjúkavandann. Vandi
þessi magnast nú eins og eldur í
sinu. Það er ekki bara fórn
náttúruperla á altari mengandi
stóriðju, heldur ekki síður
efnahagsvandi. Gríðarlegar
erlendar fjárfestingar og lán-
tökur setja hagkerfið úr skorð-
um. Gengið er allt of hátt,
erlendar skuldir hrannast upp
og flest útflutnings- og ferða-
þjónustufyrirtæki að draga
saman, flytja starfsemina úr
landi eða hreinlega að fara á
hausinn.
Vinstri grænir og ýmsir
hagfræðingar vöruðu við þessu
fyrir síðustu kosningar en
ríkisstjórnin lifði kosningarnar
af og hingað erum við komin.
Hin handaflsstýrða stóriðju-
stefna ríkisstjórnarinnar er
kjarni vandans og vega Kára-
hnjúkavirkjun og Fjarðarál þar
þyngst með tilheyrandi inn-
streymi erlends fjármagns.
Einkavinavæddu bankarnir ausa
svo olíu á eldinn með útlána-
stefnu sinni. Vegna Kárahnjúka-
vandans tapast fleiri störf fyrir
Íslendinga en skapast á Mið-
Austurlandi. Hágengi krónun-
nar bitnar meðal annars á fisk-
vinnsu og hátæknigreinum sem
selja afurðir sínar til útlanda.
Varnarviðbrögin eru að flytja
starfsemi úr landi, hætta við að
fjölga störfum hér heima og
hreinlega segja upp fólki. Það er
uggur í ferðaþjónustufólki enda
samdráttur í bókunum. Kannski
ekki skrítið því verðið sem
erlendir ferðamenn þurfa að
greiða fyrir Íslandsferð hækkar
umtalsvert.
Kárahnjúkavandinn er þungt
strandhögg í íslenska náttúru og
íslenskt þjóðlíf. Það tapast fleiri
störf fyrir Íslendinga en mynd-
ast. Það verða til tímabundin og
einhæf störf fjarri heimilum
fólks. Störfin sem tapast eru
nær heimilum okkar, fjöl-
breyttari og hefðu varað lengur
og skilað almenningi meiri
hagnaði og hamingju. Ríkis-
stjórnin stefnir í ranga átt. Það
er vandinn – Kárahnjúka-
vandinn.
Höfundur er líffræðingur,
kennari og félagi í Vinstri
grænum.
SÓLVEIG PÁLSDÓTTIR
UMRÆÐAN
MENNINGARHÁTÍÐ
Á SELTJARNARNESI
Kárahnjúkavandinn er flungt
strandhögg í íslenska náttúru
og íslenskt fljó›líf. fia› tapast
fleiri störf fyrir Íslendinga en
myndast.
ÞORVALDUR ÖRN ÁRNASON
UMRÆÐAN
NEIKVÆÐIR
FYLGIFISKAR
KÁRAHNJÚKA
Kárahnjúka-
vandinn vex