Fréttablaðið - 31.08.2005, Qupperneq 21

Þú kemst frá Hlemmi að
Esjurótum á fjörutíu mínútum
fyrir einn strætómiða.
Við Esjurætur er strætóskýli þar
sem leið 27 stoppar á klukkutíma
fresti. Strætó bs. hefur boðið
borgarbúum upp á þessa þjónustu
í talsverðan tíma. Alltaf er slæð-
ingur af fólki sem skilur
bílinn eftir heima og tekur
strætó að Esjunni en leið
27 þjónar fyrst og fremst
íbúum á Kjalarnesi. „Það
hefur verið mikið af út-
lendingum í sumar og svo kemur
göngufólk í góðu veðri,“ segir
Árni Gunnarsson, bílstjóri á leið
27, aðspurður hvort göngufólk
nýti sér ferðir vagnsins. Honum
finnst þó ekki nógu margir nýta
sér þjónustuna því hún sé mjög
þægileg, sérstaklega vegna þess
að strætóskýlið sé svo vel staðsett
- akkúrat við rætur göngustígsins
á Þverfellshorn. Nokkrir einstak-
lingar í viku fari þessa leið að
meðaltali. „Á góðri helgi er hér
ágætis fjöldi,“ bætir Árni við.
Leið 15 leggur af stað frá
Hlemmi þrjár mínútur yfir heila
tímann og 25 mínútum seinna er
hún komin á stoppistöðina Háholt
í Mosfellsbæ. Þar er hægt að
skipta beint yfir í leið 27 sem tek-
ur fimmtán mínútur í að komast í
Esjuskála. Ferðirnar eru þó að-
eins strjálari um helgar og er
fólki bent á heimasíðu strætó,
bus.is, þar sem allar upplýsingar
er að fá. ■
5MIÐVIKUDAGUR 31. ágúst 2005
Síðumúla 11 • 108 Reykjavík • Sími: 588 6500 • www.utivistogveidi.is
OPIÐ Í SUMAR:
laugardaga 10-17, sunnudaga 11-16, virka daga 9-19
Neyðarsími allan sólarhringinn 844 7000
Mikið úrval af skotveiðibúnaði
fyrir gæsaskyttur ...
Tvíhleypur frá FAIR og
Sabatti haglaskot frá
Baschieri og Pellagri
Einnig veiðirifflar í hreindýraveiðina
frá Mannlicher og Sabatti
Me› strætó á Esjuna
Maður þarf ekki að eiga bíl til
að komast upp á Esjuna.
Það er furðulegt með kuldabola, sem nú ríður röftum
norðan lands, hann hrekur ekki burt veiðimenn sem fá
fína veiði! Það snjóar og frýs í lykkjum veiðistanga en samt
veiðist vel. Rífandi gengi hefur verið í Reykjadalsá síðustu
daga en þar er nú staddur Pálmi Gunnarsson með hinum
heimsfræga bandaríska hljóðfærasmið Stewart Spector, en
þeir voru báðir í fréttum um daginn vegna bassans sem
Spector færði Pálma. „Við komum í Reykjadalsána á föstu-
dag og erum örugglega búnir að veiða og sleppa um 25
löxum hér á sex vöktum með mjög rólegri ástundun,“ seg-
ir Pálmi. Hann telur skrýtið að í þessum kulda hafi veiðst á
yfirborðsflugur: „Púpur sem ég læt skauta á yfirborðinu
eða rétt undir því.“ En það voru fleiri að gera það gott í
kuldanum. Svartá í Bárðardal gaf vel um helgina þótt hiti
færi niður í mínus og slydda skylli á hyljum. Gengi sem þar
var setti í fjölda fiska og merkilegast var að enginn var
undir fjórum pundum. Sá stærsti var sjö pund, áætlaður,
þar sem öllum fiski er sleppt aftur samkvæmt reglum.
Þungar straumflugur gáfu best í slyddunni og skipti litlu
hvort þaulvanir veiðimenn feyktu flugum eða algjörir byrj-
endur - allir fengu veiði! Og í Skagafirðinum veiddu menn
þrátt fyrir kuldakast og slyddu. Bullandi veiði var í Mýrar-
kvísl þar sem náðust 13 laxar á einu degi og sagði Ingvar
Karl Þorsteinsson að fullt af fiski væri í ánni: „Þetta var frá-
bær dagur og fyrir utan þessa þrettán laxa, sluppu fjöl-
margir, enda skítkalt og áin aðeins fjórar gráður!“
En það eru ekki alltaf jólin þótt snjói. Hollið sem var í Mið-
fjarðará um helgina gerði engar rósir. Einungis 32 laxar
komu á stangirnar 10 í þrjá daga sem þýðir um það bil
einn lax á stangardag. Aðstæður gerðu mönnum erfitt fyrir
því það var bæði kalt og bálhvasst á bakkanum og fiskur-
inn niðri við botninn. Miðfjarðará er nú komin í um 1.200
laxa en lokatalan í fyrra var 2.228 laxar.
Og svo var lukkan yfir „Stebba kokk“ eða Stefáni Hjaltested
flugnahönnuði með meiru í Hlíðarvatni í Selvogi: „Ég fór úr
bænum klukkan sex um morguninn og þegar ég kom að
vatninu var algjör spegill á því, sólskin og blíða. Við höfum
það þannig að fullorðna fólkið festir í fiskana, litlu krakk-
arnir fá að draga þá að landi og kiðlingarnir, þessi
alyngstu, sjá um afganginn, að rota og svoleiðis. Þetta voru
mjög fínir fiskar og við náðum 37 bleikjum þennan dag.“
Svona á fjölskyldan að vinna saman!
Ekki fer miklum sögum af sjóbleikjuveiði þetta haustið.
Dapurt hefur verið í Vatnsdalsá og nú eru menn að koma
heim eftir daginn í Eyjafjarðará og Hörgá með ekki neinn
eða einn til tvo fiska. Sama er uppi á teningnum í Ólafs-
fjarðará. Hins vegar fréttist að mokstri af bleikju í Víðidalsá,
70 fiskar á bilinu 2,5-4 kíló hver hjá einu gengi!
Ótrúlegur gangur hefur verið í borgfirsku ánum þetta sum-
arið og um hlegina rauf Norðurá 3.000 laxa múrinn. Hæst
hefur hún áður farið í 2.089 fiska á ári. Sömu undrin eru
að gerast í Þverá og Kjarrá en þar eru nú komnir um 3.700
laxar á þurrt sem er algjört met. Gamla metið þar á bæ var
frá 1979 þegar 3.558 laxar veiddust. Heilræði vikunnar
tengist því sögum vikunnar: Klæddu þig bara vel, það
veiðist alltaf hvernig sem viðrar!
Veiðikveðja, Stefán Jón.
PISTILL Stefáns Jóns Hafstein
VEIÐIFRÉTTIR Í SAMSTARFI VIÐ FLUGUR.IS
Fín veiði í skítakulda
Sjóbleikjan getur verið snúðug á svip, og veiðist illa norðan
lands núna!
FR
ÉT
TA
B
LA
Ð
IÐ
/S
TE
FÁ
N
J
Ó
N
H
AF
ST
EI
N