Fréttablaðið - 25.11.2005, Blaðsíða 12

12 25. nóvember 2005 FÖSTUDAGUR
ÍRAK Þjóðarbrotin í Írak samþykktu
einum rómi ályktun á ráðstefnu
Arababandalagsins um að erlent
herlið skuli yfirgefa landið innan
tilsetts tímaramma og landsmenn
taki sjálfir að sér löggæslu og
landvarnir. Þetta er í fyrsta sinn
sem sátt næst um málið.
Ráðstefnuna sátu áhrifamenn
í írökskum stjórnmálum, þar á
meðal Jalal Talabani forseti, en
hún fór fram í Kaíró í vikubyrj-
un. Í ályktun þingsins segir að
„erlendar hersveitir skuli á brott
úr landinu samkvæmt settum
tímaramma og um leið skuli sér-
stakri áætlun um uppbyggingu
Írakshers hrint í framkvæmd.“
Gert er ráð fyrir að önnur ráð-
stefna, sem haldin verði í febrúar,
ákveði tímamörkin nánar. Dag-
blaðið Independent hefur hins
vegar eftir Bayan Jabr innanrík-
isráðherra að Írakar verði sjálfir í
stakk búnir til að sjá um öryggis-
mál landsins í síðasta lagi í árslok
2006.
Samkvæmt ályktun öryggis-
ráðs Sameinuðu þjóðanna verður
erlenda hernámsliðið að yfirgefa
Írak fari ríkisstjórn landsins fram
á það. Sjíar hafa hins vegar verið
tregir til að setja dagsetningar í
þeim efnum því þeir óttast að upp-
reisnarmenn muni þá bíða átekta
þangað til. - shg
������������� ����������� ����������� ����
�����������������������������������
FERMINGAR „Að minnsta kosti 120
unglingar munu fermast borga-
legri fermingu í vor og þessi hópur
hefur farið stórvaxandi á undan-
förnum árum,“ segir Hope Knúts-
son, formaður Siðmenntar. Það er
tæp 30 prósenta aukning frá síð-
asta vori.
Félagsmenn skilgreina félagið
sem lífsskoðunarfélag sem sé mál-
svari mannúðarstefnu og frjálsrar
hugsunar, óháð trúarsetningum.
Sigurður Hólm Gunnarsson,
varaformaður félagsins, segir
þeim stórfjölga einnig sem óski
eftir giftingum og útförum án ten-
gsla við trúfélög en slík þjónusta
sé af afar skornum skammti. „Við
höfum tvívegis sóst eftir því að fá
skráningu sem trúfélag hjá dóms-
og kirkjumálaráðuneytinu og að
sömu reglur giltu um okkur og
trúfélög en þá fengjum við greidd
sóknargjöld og
gætum þá eflaust
veitt þessa félags-
legu þjónustu sem
við teljum að hver
maður eigi rétt
á óháð því hvort
hann sé trúaður
eða ekki,“ segir
Sigurður Hólm.
Umsóknum Sið-
menntar var hafnað.
„Nú erum við að vinna að því að
lög verði sett um lífsskoðunarfélög
svo staða okkar verði lík stöðu trú-
félaganna. Í Noregi til dæmis hafa
slík lög verið sett svo að jafnræði
sé með þegnunum hvort sem þeir
eru í trúfélagi eða lífsskoðunarfé-
lagi,“ segir Sigurður Hólm.
Hjörtur Magni Jóhannsson
fríkirkjuprestur sagði í útvarps-
messu sinni síðasta sunnudag að
rúmlega 40 þúsund manns kjósi að
standa utan þjóðkirkjunnar. Hann
sagði ennfremur að það stangaðist
á við jafnréttisákvæði stjórnar-
skrárinnar að opinberum gjöldum
einstaklinga sé með beinum eða
óbeinum hætti ráðstafað til efling-
ar trúfélaga sem viðkomandi ætti
ekki aðild að. Þetta væri mismun-
un því að þjóðkirkjan fengi hátt í
fjóra milljarða af fjárlögum rík-
isins.
„Það er í rauninni aðeins 85
prósent landsmanna sem eru nú
innan þjóðkirkjunnar en ekki 95 til
99 prósent líkt og lengi var og því
er spurningin sú: hvað þarf þetta
hlutfall að verða lágt svo að þessi
forréttindastaða verði afnumin,“
segir Friðrik Þór Guðmundsson,
oddviti Samtaka um aðskilnað
ríkis og kirkju.
jse@fréttabladid.is
SIGURÐUR HÓLM
GUNNARSSON
Telur trúlausa ekki fá þá
þjónustu sem þeim ber
Borgaralegar fermingar verða fleiri en nokkru sinni í vor. Félagsmenn
Siðmenntar segja þó mikið skorta á að fólk utan trúfélaga fái sjálfsagða
þjónustu en fólki fjölgar ört í þessum hópi.
BORGARALEG FERMING Sífellt fleiri fermast borgaralegri fermingu. Eins sækjast fleiri eftir öðrum borgaralegum athöfnum en þjónusta við
þá sem það kjósa er afar lítil segja félagsmenn Siðmenntar.
ÁRSGÖMUL APPELSÍNUBYLTING Viktor
Jústsjenkó, forseti Úkraínu, ávarpaði þjóð
sína af Fullveldistorginu í Kænugarði á
þriðjudagskvöldið í tilefni af ársafmæli
appelsínubyltingarinnar svonefndu.
FRÉTTABLAÐIÐ/AP STUNGIÐ SAMAN NEFJUM Þessir herramenn voru á meðal þeirra sem ræddu málin á
ráðstefnunni í Kaíró. FRÉTTABLAÐIÐ/AP
SANTIAGO, AP Aug-
usto Pinochet, fyrr-
verandi einræðis-
herra í Chile, hefur
verið ákærður fyrir
brot á skattalögum
landsins og hneppt-
ur í stofufangelsi.
Honum er auk þess
gefið að sök að hafa
notað falskt vega-
bréf til að stofna
b a n k a r e i k n i n g a
erlendis en á stjórnarárum sínum,
1973-90, sankaði hann að sér feikna-
legum auðæfum.
Ekki er sjálfgefið að af réttarhöld-
unum verði því málum gegn Pinochet
hefur áður verið vísað frá vegna
heilsufars hans. Læknar úrskurð-
uðu hins vegar á dögunum að þrátt
fyrir ellimerki væri hann nægilega
hraustur til að bera vitni. ■
Augusto Pinochet:
Hnepptur í
stofufangelsi
PINOCHET Áður
hefur málum
verið vísað frá
vegna heilsufars
hans.
BANDARÍKIN Michelle McCusker,
kennslukona í New York, hefur
kært skólann sem hún kenndi við
fyrir að reka sig úr starfi fyrir
að verða barnshafandi án þess að
vera í hjónabandi.
Mannréttindasamtök höfða
málið fyrir hönd McCusker og
segja augljóst mál að henni hafi
verið sagt upp á grundvelli kyn-
ferðis. Sjálf segist hún ekki skilja
hvers vegna gripið sé til svo
harkalegra aðgerða þegar horft
sé til þess að kristin trú byggist
á fyrirgefningu og virðingu fyrir
lífinu og eigi þá einu að gilda hver
hjúskaparstaða manns sé.
Talsmenn erkibiskupsdæmis-
ins í New York segja hins vegar
að skólinn hafi ekki átt annars
úrkosti en að fylgja þeim reglum
sem kveðið sé á um í handbók
kennara. ■
Kennari í kaþólskum skóla:
Rekin fyrir að
verða ólétt
Ráðstefna Arababandalagsins um frið í Írak:
Samstaða um að herliðið víki