Fréttablaðið - 03.12.2005, Blaðsíða 4

4 3. desember 2005 LAUGARDAGUR
Kristín Helga Gunnarsdóttir
edda.is
Bókamerki
fylgir!
Nýjar sögur um Fíusól sem heillaði
lesendur á öllum aldri í fyrra!
„Önnur bókin um gleðisprengjuna Fíusól
er komin út. Jibbí! ... andrúmsloftið í Fíusól
er notalegt, öruggt og ánægjulegt. Hvað
betra er hægt að bjóða börnum?“
Inga María Leifsdóttir, Mbl.
2. sæti
Barnabækur
Penninn Eymundsson
og Bókabú›ir MM
23. – 29. nóv.
2. sæti
Barnabækur
Metsölulisti Mbl.
22. – 28. nóv.
GENGIÐ
GENGI GJALDMIÐLA 2.12.2005
Gengisvísitala krónunnar
63,51 63,81
109,76 110,3
74,33 74,75
9,973 10,031
9,38 9,436
7,883 7,929
0,5258 0,5288
90,12 90,66
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
USD
GBP
EUR
DKK
NOK
SEK
JPY
XDR
HEIMILD: Seðlabanki Íslands
KAUP SALA
105,105
SVÍÞJÓÐ Skorað er á Göran
Persson forsætisráðherra, Lailu
Freivalds utanríkisráðherra, Ylvu
Johansson öldrunarráðherra auk
fimm háttsettra embættismanna
í utanríkisráðuneytinu að segja
af sér þegar í stað fyrir stórfelld
afglöp í starfi en viðbrögð þeirra
við flóðbylgjunni í Indlandshafi
um síðustu jól þóttu svifasein og
ófullnægjandi. Yfir 500 Svíar
fórust í hamförunum.
Háværar gagnrýnisraddir fóru
af stað eftir að eftir að kynntar
voru harðorðar niðurstöður
skýrslu um viðbrögð sænska
stjórnkerfisins við hamförunum.
Ráðherrar og embættismenn
voru í jólafríi eins og stór hluti
heimsbyggðarinnar þegar flóðið
átt sér stað. Þeir fylgdust lítið
með fréttum, gerðu sér enga
grein fyrir alvarleika málsins og
aðhöfðust lítið sem ekkert fyrr en
mörgum dögum eftir harmleikinn
í stað þess að mæta strax til
vinnu og skipuleggja viðbrögð og
hjálparstarf.
Fjölmargir sænskir fjölmiðlar
birtu leiðara um málið í gær og þar
kom fram gríðarleg reiði vegna
lélegrar framgöngu stjórnvalda.
Gagnrýnin er talin ein sú
allra harkalegasta sem heyrst
hefur, nánast ruddaleg, og að
ráðamönnum svíði verulega undan
henni. Forsætisráðherrann hefur
beðist afsökunar en hann hyggst
ekki segja af sér og ætlar heldur
ekki að krefjast afsagnar annarra.
„Ef einhver ætti að taka pokann
sinn þá er það ég,“ sagði hann við
Aftonbladet. Þrír embættismenn
hafa verið fluttir í önnur og, að því
er talið er, betri störf.
Vantraustsyfirlýsing er í undir-
búningi og verður borin fram ef
enginn segir af sér eða verður
rekinn.
Ferns konar gagnrýni kemur
fram í skýrslunni: Í sænska
stjórnarráðið vantaði sérstaka
deild sem sæi um viðbrögð við
slíkum náttúruhamförum, vöktun
utanríkisráðuneytisins á ferðum
Svía erlendis var í lamasessi,
heilsugæslan var ekki viðbúin því
að sinna verkefnum erlendis og
ræðisskrifstofur höfðu ekki tök á
að takast á við svona hamfarir.
Ekki brugðust þó allir í sænska
stjórnkerfinu. Í skýrslunni er
þremur embættismönnum hrósað
sérstaklega fyrir að átta sig strax
á alvöru málsins. Þeir mættu
þegar í stað til vinnu á jólunum um
leið og þeir höfðu heyrt fréttirnar
og kölluðu svo aðra starfsmenn til
vinnu til að koma hjálparstarfinu
í gang. ghs@frettabladid.is
Ríkisstjórnin áttaði
sig ekki á alvörunni
Sænsk stjórnvöld eru gagnrýnd harkalega vegna seinagangs í hjálparstarfi
vegna flóðbylgjunnar í Indlandshafi síðustu jól. Afsagnar nokkurra ráðherra er
krafist. Forsætisráðherrann hefur beðist afsökunar en hyggst ekki segja af sér.
GÖRAN PERSSON Sofandaháttur sænskra stjórnvalda eftir flóðbylgjuna í Indlandshafi í fyrra
er harðlega gagnrýndur þessa dagana. Krafist er afsagnar þriggja ráðherra, þar á meðal
forsætisráðherrans Göran Persson. FRÉTTABLAÐIÐ/SIGRÍÐUR DÖGG AUÐUNSDÓTTIR
MJÓLKURIÐNAÐUR Fyrirtækið
Mjólka tók formlega í notkun nýja
mjólkurstöð í gær.
Það var Guðni Ágústsson
landbúnaðarráðherra sem
tók við fyrstu framleiðslu
stöðvarinnar, fetaosti, sem
ber heitið Léttfeti. Tilkoma
Mjólku inn á mjólkurmarkaðinn
markar nokkur tímamót því í
fyrsta sinn, síðan Thor Jensen
hætti mjólkurframleiðslu á
Korpúlfsstöðum á fyrri hluta
síðustu aldar, er hægt að
kaupa mjólkurafurðir sem eru
framleiddar án ríkisstyrkja. - sk
Mjólka hefur starfsemi:
Tímamót í
mjólkuriðnaði
GUÐNI ÁGÚSTSSON Landbúnaðarráðherra
þambar mjólk frá Mjólku.
Íbúum fækkar í Eyjum Íbúum
í Vestmannaeyjum heldur áfram að
fækka. Samkvæmt bráðabirgðatölum
Hagstofunnar hefur íbúum fækkað um
tólf á síðastliðnu ári. Fréttavefurinn
sunnlenska.is greinir frá þessu.
VESTMANNAEYJAR
KAÍRÓ, AP Bráðabirgðaniðurstöður
úr lokaumferð egypsku þing-
kosninganna sem fram fóru
í fyrradag benda til þess að
frambjóðendum Bræðralags
múslima hafi gengið illa.
Kosið var um síðustu 136
þingsætin af 454 og fékk enginn
frambjóðandi bræðralagsins
hreinan meirihluta atkvæða í
kjördæmum sínum. Þrjátíu og
fimm þeirra komust hins vegar
í aðra umferð kosninganna sem
fram fara á miðvikudag.
Úrslitin þýða engu að síður
að stjórnarflokkur Mubaraks
forseta hefur fengið þá tvo þriðju
hluta atkvæða sem duga til að
gera breytingar á stjórnarskrá
Egyptalands. ■
Egypsku þingkosningarnar:
Bræðralaginu
vegnaði illa
Á BÆN Þessir kjósendur í bænum Al
Mansoura báðust fyrir áður en þeir greiddu
atkvæði á fimmtudaginn. FRÉTTABLAÐIÐ/AP
FINNLAND, AP Tvítugur hermaður
dó og sex félagar hans særðust
á heræfingu í norðanverðu
Finnlandi í gær. Slysið átti sér
stað er verið var að æfa notkun á
handheldum sprengjuvörpum.
„Ein sprengjuvarpan sprakk
og varð einum manni að bana og
særði hina,“ sagði Aki Sihvonen
liðþjálfi. Hann sagðist ekki vilja
geta sér til um hvað valdið hefði
sprengingunni en sagði ítarlega
rannsókn í gangi.
Þetta var síðasti dagur
heræfingarinnar og til stóð að
mennirnir sjö lykju herþjónustu
um áramótin. - aa
Harmleikur á heræfingu:
Finnskur
hermaður deyr
Hundar drepa dreng Sex ára gamall
drengur beið bana í bænum Oberglatt í
fyrradag þegar þrír varðhundar réðust á
hann. Drengurinn var á leið á dagheimili
þegar hundarnir komu skyndilega
hlaupandi og réðust á hann á meðan
sjónarvottar stóðu hjálparvana hjá.
Hundarnir voru af tegundinni pittbull-
terrier og hefur þeim verið lógað.
UPPBOÐ Yfir níutíu milljónir
króna söfnuðust á uppboði sem
styrktaraðilar Barnahjálpar
Sameinuðu þjóðanna á Íslandi,
UNICEF, stóðu fyrir í fyrrakvöld.
Ágóðinn rennur til verkefna
UNICEF í Gíneu-Bissá, sem lúta að
uppbyggingu 50 skóla í landinu.
Á uppboðinu bauðst gestum
meðal annars að kaupa sér
einkatónleika með Cortes-
feðgunum, Garðari og Garðari
Thor. Einnig var hægt að borga fyrir
að fá að vera veðurfréttamaður á
fréttastofu NFS í einn dag.
„Það var alveg ótrúlegt hvað
safnaðist af peningum þarna og
magnað hve fólk var rausnarlegt,“
segir Stefán Ingi Stefánsson, fulltrúi
UNICEF á Íslandi. „Þetta verkefni
mun stuðla að því að veita 24 þúsund
börnum aðgang að menntun,“ segir
Stefán.
Sir Roger Moore flutti
hátíðarræðu við þetta tilefni og
vakti hún talsverða athygli og
hreyfði mikið við mannskapnum að
sögn Stefáns. Moore talaði meðal
annars um hvernig Audrey Hepburn
hefði fyrst komið honum í kynni við
UNICEF og að ekki hefði verið aftur
snúið eftir það. Einnig sagði hann
frá atvikum úr ferðum sínum sem
velgjörðarsendiherra UNICEF og
hvernig reynsla hans í því hlutverki
hefði breytt lífi hans. - saj
Uppboði Barnahjálpar Sameinuðu þjóðanna á Ísland:
Yfir 90 milljónir söfnuðust
STEFÁN INGI STEFÁNSSON HJÁ UNICEF
Stefán segir það ótrúlegt hve rausnarlegt
fólk hafi verið en yfir níutíu milljónir
söfnuðust á uppboði til styrktar UNICEF í
fyrrakvöld. FRÉTTABLAÐIÐ/STEFÁN
VÍSINDAVEFUR Svör Stefáns H.
Ófeigssonar geimverkfræðings
hafa verið fjarlægð af Vísindavef
Háskóla Íslands.
Virðist þetta hafa verið gert í
kjölfar þess að Stefán var dæmdur
í tveggja og hálfs árs fangelsi
fyrir hrottalega nauðgun þar sem
hann er talinn hafa beitt svefnlyfi
á fórnarlamb sitt. Fyrir þessar
sakir hefur Stefán verið nefndur
svefnnauðgarinn.
Þetta kemur fram á Wiki-
pedia-vefnum. Ekki náðist í
Þorstein Vilhjálmsson, vefstjóra
Vísindavefsins, en hann er
erlendis. - saj
Stefán Hjaltested Ófeigsson:
Hreinsaður af
vísindavefnum
SVISS