Fréttablaðið - 03.12.2005, Blaðsíða 58

3. desember 2005 LAUGARDAGUR20
Aðventukvöld
Fríkirkjunnar í Reykjavík
sunnudaginn 4. des. kl. 20.00.
Ræðumaður kvöldsins er Ingibjörg Sólrún Gísladóttir,
formaður Samfylkingarinnar. Meðal annarra gesta kvöldsins
eru þeir Raggi Bjarna og Einar Júlíusson frá Keflavík sem
syngja ásamt Fríkirkjukórnum undir stjórn Önnu Sigríðar
Helgadóttur og Carls Möller.
Klukkan 14.00 er fjölskylduguðsþjónusta í umsjá Ásu Bjarkar
Ólafsdóttur. Aðventukertið, sagan, Biblíumyndir og andabrauð
á sínum stað. Anna Sigga og Carl Möller leiða tónlistina.
Atli Þór Albertsson er nýútskrifaður
leikari og skikkanlega önnum
kafinn þessa dagana. Draumahelgin
hans færi því í afslöppun í faðmi
fjölskyldunnar. „Draumurinn er að
komast áhyggjulaus í burtu. Ég
myndi vilja vera í sumarbústaðnum
hennar ömmu á Laugarvatni í
fullkomnu veðri með fjölskyldunni.
Þar er meiriháttar útsýni og heitur
pottur og algjör fjölskylduparadís.
Veðrið er reyndar ekkert aðalatriði
því bústaðurinn er svo notalegur að
það er ekkert mál að vera þar þó
veðrið sé ekki upp á sitt allra besta.
Við myndum grilla góðan mat og
rúsínan í pylsuendanum væri svo
ef sonur minn, sem er sex ára og
ansi sprækur, væri sæmilega stilltur
allan tímann.“ Atli hefur haft ýmis
verkefni með höndum síðan hann
útskrifaðist úr leiklistarskólanum í
vor og lék meðal annars Adda Idol
í Idol-auglýsingunum, sem var að
taka þátt í keppninni og tók svo
við hlutverki af skólabróður sínum
í Kabarett. Hann segir að það sé
alveg brjálað að gera þessa dagana
og engin smuga að komast í bústað
að minnsta kosti ekki í bili.
DRAUMA-
HELGIN
Í ömmu-
bústað með
fjölskyldunni
Atli myndi helst vilja komast í afslöppun
í sumarbústaðinn hennar ömmu.
Börn á leið heim úr skólanum í Mosfellsbæ. FRÉTTABLAÐIÐ/HEIÐA
SJÓNARHORN
550 5000
AUGLÝSINGASÍMI