Fréttablaðið - 03.12.2005, Blaðsíða 24

3. desember 2005 LAUGARDAGUR24
timamot@frettabladid.is
Tilkynningar um merkisatburði,
stórafmæli, andlát og jarðarfarir í
smáletursdálkinn hér að ofan má senda
á netfangið timamot@frettabladid.is.
Auglýsingar á að senda á
auglysingar@frettabladid.is eða
hringja í síma 550 5000.
Við þökkum öllum þeim sem sýndu
okkur hlýhug og vináttu við fráfall
frænda okkar,
Geir Dalmanns Jónssonar
Málfríður Kristjánsdóttir
Sesselja, Aino og Geir Matti Järvelä.
Dánar_Geir 2.12.2005 18:51 Page 1
Pálína Kristín
Þorbjörnsdóttir Waage
sem lést á Sjúkrahúsi Seyðisfjarðar fimmtudaginn
17. nóvember, verður jarðsungin frá Seyðisfjarðarkirkju
laugardaginn 3. desember kl. 14.00
Vinir og aðstandendur.
Dánar_Pálína 2.12.2005 18:51 Page 1
ANDLÁT
Hjörtur Haraldur Gíslason
flugvirki, Brautarlandi 7, Reykjavík,
lést á Landspítalanum Hringbraut
þriðjudaginn 22. nóvember.
Útförin hefur farið fram í kyrrþey.
Benedikt Björnsson vélstjóri,
Gnoðarvogi 72, Reykjavík,
lést á Landspítala Landakoti
þriðjudaginn 29. nóvember.
Svava Sigríður Vilbergsdóttir,
Bólstaðarhlíð 68, lést á
Landspítala Landakoti
þriðjudaginn 29. nóvember.
Guðrún Björg
Methúsalemsdóttir,
dvalarheimilinu Hlíð,
Akureyri, áður til heimilis á
Norðurgötu 42, Akureyri, lést á
Fjórðungssjúkrahúsinu á Akureyri
miðvikudaginn 30. nóvember.
Guðrún Ólafsdóttir, Dalalandi 6,
Reykjavík, andaðist á heimili sínu
miðvikudaginn 30. nóvember.
JARÐARFARIR
11.00 Elfriede Kjartansson
verður jarðsungin frá
Ríkissal Votta jehóva,
Hraunbæ 113, Reykjavík.
Jarðsett verður að Skarði
í Landssveit sama dag
klukkan 15.00.
11.00 Sigríður Emma
Guðmundsdóttir,
dvalarheimilinu Sólvöllum,
Eyrargötu 26, Eyrarbakka,
verður jarðsungin frá
Selfosskirkju.
13.30 Agnar Halldór Þórisson
sjómaður, Brekkuhúsi
2a, Hjalteyri, verður
jarðsunginn frá Möðruvalla-
klausturskirkju.
13.30 Sigríður Þórðardóttir,
Tryggvagötu 30, Selfossi,
verður jarðsungin frá
Selfosskirkju.
14.00 Frímann Már Sigurðsson,
Borgarsandi 6, Hellu, verður
jarðsunginn frá Oddakirkju
á Rangárvöllum.
14.00 Hilmir Hinriksson,
Bláskógum 11, Hveragerði,
verður jarðsunginn frá
Hveragerðiskirkju.
14.00 Kristinn Jón Leví Jónsson
húsasmíðameistari, til
heimilis í Sundstræti 31a,
Ísafirði, verður jarðsunginn
frá Ísafjarðarkirkju.
14.00 Pálína Kristín
Þorbjörnsdóttir Waage,
verður jarðsungin frá
Seyðisfjarðarkirkju.
15.30 Guðrún Sigurðardóttir,
Fossheiði 4, Selfossi, verður
jarðsungin frá Selfosskirkju.
ROBERT LOUIS STEVENSON (1850-
1894) LÉST ÞENNAN DAG.
„Allir setjast fyrr eða
síðar að hlaðborði
afleiðinga.“
Robert Louis Stevenson var skoskur
rithöfundur og skáld. Hann skrifaði
meðal annars söguna um doktor
Jekyll og herra Hyde.
MERKISATBURÐIR
1967 Fyrsta vel heppnaða
hjartaígræðslan er gerð í
Höfðaborg í Suður-Afríku.
Hjartaþeginn lést hins vegar
átján dögum síðar.
1970 Verslunarmiðstöðin
Glæsibær í Reykjavík er tekin
í notkun.
1981 Menntamálaráðuneytið
staðfestir ákvörðun
Náttúruverndarráðs um
að friðlýsa Þjórsárver við
Hofsjökul.
1989 Það hillir undir lok kalda
stríðsins þegar George
Bush Bandaríkjaforseti og
Mikhail Gorbatsjev leiðtogi
Sovétríkjanna funda á Möltu.
1998 Kvótadómurinn. Hæstiréttur
kveður upp þann dóm
að fimmta grein laga
um stjórn fiskveiða sé í
andstöðu við jafnræðisreglu
stjórnarskrárinnar.
Rósa Guðbjartsdóttir, framkvæmda-
stjóri Styrktarfélags krabbameins-
sjúkra barna, var í háloftunum á fer-
tugsafmæli sínu í vikunni en ætlar að
halda upp á það veglega í kvöld. „Ég
er nýkomin úr afmælisferð ásamt
mömmu minni til Orlando,“ segir Rósa
glaðlega, en hún bjó um tíma í Flórída
fyrir nokkrum árum.
„Ég er rosalega mikið afmælisbarn
og hef gaman af alls konar veisluhaldi.
Ég held upp á öll afmæli og finnst
skemmtilegt að hafa fullt af fólki í
kringum mig,“ segir Rósa sem hélt til
Bandaríkjanna fljótlega eftir prófkjör
Sjálfstæðisflokks í Hafnarfirði til
bæjarstjórnarkosninga í vor. Rósa
sóttist eftir öðru sæti og hlaut það,
sem má teljast góður árangur fyrir
hana sem lítið sem ekkert hefur verið
viðriðin bæjarpólitík áður.
„Ég hef hins vegar fylgst mjög vel
með og hef mikinn áhuga á bæjarmál-
unum. Maðurinn minn ritstýrði til
dæmis blaðinu Hamri, sem gefið er út
af Sjálfstæðisflokknum í Hafnarfirði,
í sjö ár úr kjallaranum heima,“ segir
Rósa sem tók þátt í stjórnmálum á
menntaskóla- og háskólaárum sínum.
Hún var í stjórnum Heimdallar og
Sambands ungra sjálfstæðismanna
en hætti því snarlega og sagði sig úr
flokknum þegar hún fór út í frétta-
mennsku á sínum tíma.
„Núna langaði mig að taka þátt
og leggja mitt af mörkum til að gera
góðan bæ betri,“ segir Rósa sem eru
fjölskyldumálin hugleikin, en hún
hefur eignast fjögur börn og þekkir
vel til leikskóla- og grunnskólamála.
Rósa mun starfa áfram sem
framkvæmdastjóri Styrktarfélags
krabbameinssjúkra barna næstu
mánuði. Hvað verður í vor ræðst af
því hvort sjálfstæðismenn komast í
meirihluta í bæjarstjórn. „Við ætlum að
ná bænum aftur og ef það gengur eftir
þá er ég náttúrulega komin í fullt starf
í bæjarpólitíkinni,“ segir Rósa sem
mun sakna síns gamla starfs ef hún
hættir. „Þetta er frábærlega gefandi
starf en oft á tíðum líka erfitt,“ segir
Rósa sem hugar nú að því að gleðja
krabbameinsveik börn og fjölskyldur
þeirra á aðventunni, enda er það tími
sem oft er erfiður fjölskyldum með
veik börn. ■
RÓSA GUÐBJARTSDÓTTIR: HELDUR UPP Á FERTUGSAFMÆLI SITT Í DAG
Í háloftum á tímamótum
Á LEIÐ Í BÆJARPÓLITÍK Rósa sóttist eftir og fékk annað sæti á lista Sjálfstæðisflokks í Hafnarfirði til sveitarstjórnarkosninga í vor og er alsæl með
árangurinn. Hér er hún með elsta syni sínum, Sigurgeiri, á afhendingu barnamenningarverðlauna Velferðarsjóðs íslenskra barna sem afhent voru í vikunni,
en Rósa er í fagráði velferðarsjóðsins.
Á þessum degi árið 1984 varð eitt versta
umhverfis- og iðnaðarslys sem sögur fara af.
Á tæplega tveimur klukkustundum sluppu 27
tonn af metýl-ísósýanatgasi út í andrúmsloftið
frá verksmiðju Union Carbide í Bhopal á
Indlandi og lagðist gasskýið hægt yfir þéttbýl
svæði í nágrenninu. Mikil skelfing greip um
sig þegar tugþúsundir manna reyndu að flýja
eiturskýið.
Afleiðingarnar urðu skelfilegar. Efnið fór í augu
fólks og öndunarfæri en einnig er talið að
það hafi leyst upp í munnvatni og farið ofan í
meltingarveg.
Um 200.000 manns urðu fyrir gaseitrun og dóu
að minnsta kosti 3.600 manns, en sumir telja
dauðsföllin mun fleiri enda hafi þúsundir látist
af afleiðingum eitrunarinnar næstu árin á eftir.
ÞETTA GERÐIST > 3. DESEMBER 1984
Hörmungar í Bhopal
Landsbókasafni Íslands
- Háskólabókasafni var á
dögunum afhent félagatal
Kommúnistaflokks Íslands
sem var starfræktur á árunum
1930 til 1938. Handritið þykir
merkilegt fyrir þá sök að hafa
að geyma nöfn allra eða nær
allra félagsmanna en það mun
vera einstakt í heiminum að
skrá með slíkum upplýsingum
kommúnistaflokks hafi
varðveist.
Félagatalið er handskrifað
í svartri bók með gráum kili.
Nöfnin eru í belg og biðu og
engin skipuleg röð á þeim.
Oftast er getið um fæðingardag
og ár hvers félaga og nefnt
hvaða dag hver og einn gekk í
flokkinn. Hafi menn gengið úr
flokknum voru þeir strikaðir
út. Þá er þess getið ef menn
voru reknir úr flokknum.
Alls eru 722 einstaklingar
nafngreindir í bókinni. Þá
fylgir einnig með félagatal frá
Vestmannaeyjum, Eskifirði
og Húsavík en þar voru
félagsmenn 146.
Með félagatalinu
fylgir ítarleg greinargerð
sem Kjartan Ólafsson,
fyrrverandi ritstjóri og
síðasti framkvæmdastjóri
Sameiningarflokks alþýðu
- Sósíalistaflokksins tók
saman. ■
KOMMÚNISTALISTI AFHENTUR Ingibjörg Sverrisdóttir, Kjartan Ólafsson,
Sigrún Klara Hannesdóttir og Örn Hrafnkelsson, forstöðumaður
handritadeildar.
Félagatal kommúnista
afhent Landsbókasafni
AFMÆLI
Hafsteinn
Hafsteinsson,
fyrrverandi forstjóri
Landhelgisgæsl-
unnar, er 66 ára.
Ari Trausti
Guðmundsson
jarðeðlisfræðingur
er 57 ára.
FÆDDUST ÞENNAN DAG
1857 Joseph
Conrad rithöfundur.
1863 Thor
Jensen
útgerðarmaður.