Fréttablaðið - 03.12.2005, Blaðsíða 80
3. desember 2005 LAUGARDAGUR60
MÓÐUR VIKUNNAR
> MARTA SMARTA FER YFIR MÁLIN
Mögnuð innkaup á ebay
Að versla á netinu er eitt af því sem tískumeðvitaðar vinkonur mínar
hafa gert mikið af upp á síðkastið. Glaðar í bragði hafa þær sannfært mig
um að þetta sé málið og mun sniðugra en að eyða tíma í gönguferðir um
verslunarkjarna í leit að réttu flíkinni. Þó netinnkaupin heppnist yfirleitt vel
getur kaupgleðin breyst í sorg þegar varningurinn skilar sér á Klakann.
Að kaupa hluti og föt á netinu er svo sem ekkert öðruvísi en að panta upp úr
pöntunarlista. Hér áður fyrr nýtti landinn sér þá þjónustu. Ég hef heyrt af
heilu fjölskyldunum sem fengu ný jólaföt upp úr Freemanns listum, en svo
var líka vinsælt að kaupa allskonar dót til heimilisins eins og þvottavélar,
jólagardínur og mottusett á baðherbergin. Þegar ég var lítil fékk ég bleika
Mínu-mús peysu og gallabuxur sem pantað var samviskusamlega upp úr
pöntunarlista. Ég var alsæl en skildi hreinlega ekkert í því hvers vegna
ég gæti ekki pantað mér eitthvað upp úr pöntunarlista í hverri viku – svo
auðvelt var þetta. Ég get oft gleymt mér á netinu við að skoða fallega skó
og töskur eftir fræga hönnuði sem mig dreymir um að eignast. Yfirleitt hef
ég látið mig nægja að skoða og notið þess að laumast inn í þessar verslanir
þegar ég fer til útlanda. Ég held líka að ofsahræðsla við að brotist sé inn á
vísa-kortið mitt spili þarna stórt hlutverk, enda er búið að hræða úr manni
líftóruna með fréttaflutningi af kreditkortaþjófum sem herja á alnetið. Á
dögunum hringdi vinkonan mín í mig alsæl og sagði mér að hún hefði gert
innkaup aldarinnar. Eftir langa setu yfir ebay hefði hún fundið ekta Svan
eftir Arne og líka Dior sólgleraugu sem hún sá sér ekki fært að lifa án. Ég
blessaði kaupin enda fannst mér frábært að geta keypt
ekta Svan á 40 þúsund krónur og fengið sólgleraugu
nánast með í bónus. Svo leið tíminn. Aldrei kom
Svanurinn. Eftir allmargar hringingar til
aðalkallanna á ebay hótaði hún þeim öllu illu
ef Svanurinn kæmist ekki til Íslands með
næstu flugvél. Þeir lofuðu öllu fögru og voru
með skotheldar afsakanir á reiðum höndum.
Þegar Svanurinn kom loksins til landsins var
þetta enginn venjulegur Svanur, þetta var
óekta „hormónasvanur“ sem var öllu stærri
en hinn upprunalegi eftir Arne og gleymst hafði
að geta þess að forlátu Dior-sólgleraugun voru í
barnastærð. Þessi saga er vonandi einsdæmi en
fólk verður þó að hafa í huga að áhættan er fyrir
hendi þegar fjárfest er á netinu. En svo má líka
snúa þessu við, því varla er gaman að lifa ef maður
tekur aldrei neina áhættu í lífinu. Hún getur bara
verið mismikil.
Hinn dásamlega rauði varalitur
kemur þjótandi inn í aðventu-
tískuna á ógnarhraða. Hver stór-
starnan á fætur annarri hefur
tekið ástfóstri við hinn rauða lit
enda er hann sparilegur og gefur
vörunum höfðinglegt yfirbragð.
Rauði varaliturinn minnir óneyt-
anlega á gamla tíma. Þegar heldri
konur þessa lands voru ungar var
lítið um varaliti en þær björguðu
sér með að pressa rauð kaffibréf
upp að vörunum svo liturinn
myndi smitast yfir því ekki vildu
þær vera síðri en kvikmynda-
stjörnur þess tíma. Það dugar þó
alls ekki að vera bara með rauð-
an varalit. Það er nauðsynlegt að
vera með rautt naglalakk og þá er
Chanel rétta merkið til að versla
við enda var Chanel fræg fyrir
sinn rauða lit.
Útlitið með rauða varalitnum er
þó alls ekki allráðandi því á sama
tíma kemur græni liturinn sterk-
ur inn í eye-linerum. Við þann
græna er þó allt of mikið að vera
með rauðan varalit og því mun
smartara að skarta ljósmáluðum
vörum. Engin kvenkyns-vera má
heldur gleyma glimmer kreminu
frá Guerlain sem borið er á húð-
ina til að fá hana til að
ljóma ofurfallega.
Ungfrú sjöundi áratugur
SÖNGKONAN GWEN STEFANIE skartaði
dökkrauðum varalit þegar hún skoðaði
nýjustu línuna í strigaskóm frá Barney‘s.
JESSICA SIMPSON er hrifin af ljósum varalitum
og glimmerpúðri en hún leggur megináherslu á
augun.
���������������������������
������������������������
���������
�������������������������������������������������������
���������������������������������
�����������
��� �������������������������������
����������
������������������������������������������������������
�������������������������������������
�������������������������������
������
�����������������������������������
�����������������������������
�������������������������� ������������
�������������
���������������������
����������������������������������������
�����������������������
Bindin í strákabúðinni Elvis
eru hrikalega flott, töffaraleg og
dásamlega gamaldags. Auk þess
eru þau sérlega góð við budduna
og tilvalin tækifærisgjöf handa
flottum strákum.
> Töff bindi
LJÓSAR VARIR fara vel
með grænum eye-
liner. Þessi ferskjulitaði
gloss frá Gosh fer vel
með öllum húðteg-
undum.
RAUÐAR VARIR mega gjarnan vera
glansandi. Þessi gloss er frá Guerlain og er
númer 4E01.
AÐVENTUFÖRÐUNIN Í ÁR, þykkur grænn
eye-liner, glimmerkrem og ljósar varir.
ÞÓ VARALITABLÝANTUR-
INN megi alls ekki sjást
er nauðsynlegt að móta
útlínurnar og varalita svo
yfir. Þessi blýantur er frá
Chanel.
CHANEL-
RAUÐUR
VARALITUR
númer 60
færir þér
sanna jóla-
stemningu.
ÞAÐ ER EINS
GOTT að vera ekki
skjálfhentur þegar
þessi eye-liner frá
Gosh er borinn á sig.
STUNDUM ÞARF EKKERT
ANNAÐ en rauðan vara-
lit. Jasmine Guinness
tekur sig allavega vel
út með varalitinn
einan og sér.
VERTU MEÐ NAGLA-
LAKK Í STÍL við
varalitinn. Þetta lakk
er frá Chanel og er
númer 207 og heitir
Barcelona Red, það
munar ekki um það.
BRONSKREM FRÁ
GUERLAIN gefur
húðinni gylltan
blæ og frískar
hana upp. Það
má bera kremið
á fótleggi, hendur,
fætur og andlit.
Gætið þess bara
að dreifa vel úr því
svo þið verðið ekki
eins og sebrahestar.
Spáir þú mikið í tískuna?
Maður spáir örugglega að einhverju
leyti í tískuna, en ekkert meira en
aðrir.
Hvernig myndirðu lýsa stílnum
þínum?
Ég held ég velji mér klassísk föt sem
endast vel.
Uppáhaldshönnuðir eða fata-
merki?
Mér finnst Boss með ágætar vörur.
Síðan finnst mér Retro flott verslun.
Flottustu litirnir?
Ætli það sé ekki svart, hvítt, grænt,
brúnt og grátt.
Hverju ertu veikastur fyrir?
Bindum, mér finnst skemmtilegt að
kaupa flott bindi.
Hvaða flík keyptir þú þér síðast?
Ég keypti mér bindi.
Hvað finnst þér flottast í tískunni
núna?
Ekkert sérstakt.
Hvað ætlar þú að kaupa fyrir vet-
urinn?
Ég geri mér aldrei sérstaklega ferð til
að fara og versla.
Uppáhaldsverslun?
Retro og Boss búðin.
Hvað eyðir þú miklum peningum í
föt á mánuði?
Hef ekki hugmynd.
Hvaða flíkur gætir þú ekki verið
án?
Gallabuxna.
Uppáhaldsflík?
Gallabuxurnar mínar.
Hvert myndir þú fara í verslunar-
ferð?
Ætli ég færi ekki til London eða
Kaupmannahafnar.
Ljótasta flík sem þú hefur keypt
þér?
Ég veit það ekki.
SMEKKURINN: SINDRI SINDRASON FRÉTTAMAÐUR.
Klassísk föt sem endast vel