Fréttablaðið - 04.03.2006, Blaðsíða 85

4. mars 2006 LAUGARDAGUR48
8. Ræða til stuðnings Palestínu (1978)
Margir nota tækifærið og flagga pól-
itískum skoðunum sínum þegar þeir
taka á móti styttunni. Enginn hefur
þó gengið jafnlangt og Vanessa Red-
grave þegar hún var valin besta
aukaleikkonan fyrir hlutverk sitt í
Julia. Redgrave, sem er þekktur
stuðningsmaður palestínsku frelsis-
samtakanna PLO, hafði verið gagn-
rýnd af samtökum gyðinga (JDL)
fyrir aðild sína að heimildarmyndinni
The Palestinians. Hún notaði tæki-
færið og úthúðaði síonistum og þakk-
aði Hollywood fyrir að láta ekki undan
þrýstingi um að sýna
ekki myndina. Þegar
handritshöfundur-
inn Paddy Chayef-
sky steig á sviðið á
eftir Redgrave
skammaði hann
hana. „Það hefði
alveg nægt ef þú
hefðir einfald-
lega sagt „takk
fyrir,“ sagði
Chayefsky.
5. Roberto Benigni fer á kostum (1999)
Annaðhvort heillaðist þú upp úr skónum af ítalska leikaran-
um og leikstjóranum Roberto Benigni eða hann fór hrika-
lega í taugarnar á þér þegar hann tók á móti Óskari frænda
sem besti leikari í aðalhlutverki fyrir myndina Life is Bea-
utiful. Benigni klappaði fyrir sjálfum sér, klifraði yfir
stóla og fólk áður en hann stökk á sviðið og blaðraði ein-
tóma vitleysu. „Ég vildi að ég væri Júpíter og gæti rænt
öllum og lagst síðan niður og elskast með þeim vegna þess
að ég veit ekki hvernig ég get lýst... þetta er allt saman
spurning um ást,“ sagði Benigni. Hvað var hann eigin-
lega að segja?
Vinningar verða afhentir hjá BT Smáralind. Kópavogi.
Með því að taka þátt ertu kominn í SMS klúbb. 99 kr/skeytið.
Frumsýnd 3. mars
Sendu SMS skeytið
JA PPF á númerið 1900
og þú gætir unnið miða fyrir tvo.
Vinningar eru:
Bíómiðar fyrir 2, DVD myndir,
Tölvuleikir, Varningur tengdur myndinni,
Myndavélar og margt fleira
Fjölmörg skemmtileg og miður skemmtileg atvik hafa komið upp á Óskarsverðlaunahátíðinni í
gegnum tíðina. Freyr Bjarnason leit yfir þau tíu eftirminnilegustu og hitaði um leið upp fyrir
78. Óskarsathöfnina í Kodak-leikhúsinu í Hollywood annað kvöld.
EFTIRMINNILEGUSTU ATVIKIN
1. Allsber maður hleypur um sviðið (1974)
Eftirminnilegasta atvik allra tíma er þegar
allsberum hippa að nafni Robert Opal tókst
að lauma sér fram hjá öryggisvörðunum og
hlaupa þvert yfir sviðið með friðartáknið á
lofti í þann mund sem breski kynnirinn
David Niven ætlaði að kynna Elizabeth Tayl-
or á svið. Niven, sem lék m.a. í Pink Panther-
myndunum, brást við á einstakan hátt með
því að gera grín að öllu saman. „Eina leiðin
til að hann geti látið hlæja að sér er að klæða
sig úr öllum fötunum og sýna það sem vant-
ar upp á hjá honum,“ sagði Niven og glotti
við tönn. Þykja viðbrögð hans sýna vel
hvernig er hægt að takast á við vandræða-
legar uppákomur og snúa þeim upp í and-
hverfu sína.
2. Marlon Brando og indjánakonan
(1973)
Þegar Marlon Brando var kjör-
inn besti leikarinn fyrir hlut-
verk sitt í The Godfather
afþakkaði hann verðlaunin og
fékk konu klædda sem Apa-
che-indjána til að tilkynna
áhorfendunum ákvörðun sína.
„Því miður getur Marlon
Brando ekki tekið á móti
þessum miklu verðlaunum
vegna þess hve kvik-
myndaiðnaðurinn
kemur illa fram við
indjána í Banda-
ríkjunum,“ sagði
hún. Sárafáir
klöppuðu og
flestir voru sem
eitt stórt spurn-
ingarmerki í
framan.
3. Rob Lowe syngur (1989)
Alan Carr, sem framleiddi m.a. myndina
Grease, stóð einnig á bak við Óskarinn árið
1989. Frammistaða hans þótti ekki upp á marga
fiska því hann hefur verið sakaður um að bera
ábyrgð á versta opnunaratriði allra tíma. Hátíðin
hófst með fimmtán mínútna söngatriði með
sjálfri Mjallhvíti í aðalhlutverki. Þegar
leikarinn Rob Lowe mætti til leiks öllum
að óvörum og söng með henni dúett náði
atriðið nýjum lægðum. Eftir hátíðina var
skömmin fullkomnuð þegar Walt Disney
lögsótti Óskarsakademíuna fyrir að hafa
notað Mjallhvítarbúninginn án leyfis en
kæran var síðar dregin til baka.
4. Jack Palance gerir armbeygjur...
með annarri (1992)
Jack Palance fékk marga til að
reka upp stór augu þegar hann
tók á móti verðlaunum sem
besti aukaleikari fyrir hlutverk
sitt í grínmyndinni City Slick-
ers. Hann lét sér ekki nægja að
segja einfaldlega „takk fyrir
mig“ heldur lét sig falla á sviðið
og gerði armbeyjur með ann-
arri hendi, rétt eins og hann
gerði í myndinni. Ekki slæmt af
72 ára gömlum manni.
6. Frank Capra fer fýluferð (1934)
Kynnirinn Will Rogers steig eftir-
minnilega feilnótu þegar hann til-
kynnti sigurvegarann fyrir bestu
kvikmyndina árið 1934. „Komdu
upp á svið Frank og taktu við verð-
launum!“ sagði hann og virtist
ekki hafa áttað sig á því að tveir
leikstjórar sem hétu Frank voru
tilnefndir. Frank Capra, sem leik-
stýrði Lady for a Day, hélt að hann
fengi verðlaunin og gekk upp á
svið skælbrosandi en komst þá að
því að Frank Lloyd hafði unnið
fyrir myndina Cavalcade. Sporin
aftur í sætið voru þung fyrir Capra
og sem betur fer var ekki byrjað
að sýna Óskarinn í sjónvarpi á
þessum tíma.
7. Orðaleikir Davids Letterman (1995)
Þrátt fyrir að dyggir aðdáendur spjallþátta-
stjórnandans Lettermans vilji meina að
hann hafi staðið sig frábærlega sem
kynnir á Óskarnum árið 1995 eru
flestir sem telja frammistöðu hans
þá verstu í sögunni. Eftirminnilegt
er þegar hann kynnti Oprah Winfrey
og Umu Thurman hvora fyrir ann-
arri á meðan þær sátu úti í sal.
„Uma....Oprah, Oprah....Uma,“ sagði
Letterman og enginn skildi neitt í
neinu, allra síst þær sjálfar.
9. Stríð Joan og Bette (1963)
Joan Crawford varð víst bálreið þegar meðleik-
kona hennar í Whatever Happended to Baby
Jane?, Bette Davis, var tilnefnd sem besta leik-
konan í aðalhlutverki. Crawford skrifaði hinum leik-
konunum sem voru tilnefndar og bauðst til að taka
við styttunni fyrir þeirra hönd ef þær kæmust ekki á
hátíðina. Þegar Anne Bancroft heltist úr lestinni fór
Crawford á varamannabekkinn og viti menn? Bancroft vann fyrir
hlutverk sitt í The Miracle Worker og Crawford baðaði sig í sviðsljós-
inu í hennar stað. Á meðan sat Bette Davis sem föstust í sætinu sínu og
hugsaði henni þegjandi þörfina.
FYRSTA SÆTIÐ
Leikkonan Eliza-
beth Taylor hlær
að atvikinu þegar
nakti maðurinn
hljóp um sviðið
skömmu áður en
David Niven hafði
kallað hana upp.
NORDICPHOTOS/GETTY-
IMAGES
10. Sean Penn ver Jude Law (2005)
Mörgum þóttu brandarar Chris Rock,
kynnis síðustu hátíðar, ansi dónalegir.
Sérstaklega þótti það óviðeigandi
þegar hann gerði grín að hjartaknúsar-
anum Jude Law fyrir að hafa leikið í
öllum myndum sem hann hefði séð
síðustu fjögur árin. Þegar Sean Penn
steig á svið nokkru síðar virtist honum
ekki skemmt. „Fyrirgefið húmors-
leysi mitt... en Jude Law er einn hæfi-
leikaríkasti leikarinn sem við eigum,“
sagði Penn og stökk ekki bros á vör.
Unnið upp úr grein á msn.com.